#_لهيب القَسور .
بِقلم: الكاتبة أبريل .
لا تنسون التصويت بنجمه والتعليق بين الفقرات + متابعة حسابي واتباد 💛🌟
اللهم صلِّ على محمد وآل محمد 🌹
- "من أين أبدأُ؟ أحزاني معتَّقَةٌ
بحرٌ من الحزن من رأسي إلى قدمي
مسافرٌ لا زماني مدركٌ سفري
و لا رفيقةُ دربي هزَّها نغمي!"
ــــــــــــــــــــــــــــــــــــــــــ
اقتربت اكثر و مديت ايدي اقلب الجثه المطروحه بالگاع حتى اتعرف عليها، و اتمنى اللي ابالي غلط و الشخص اللي ابالي ما مات..
گلبته و اول ما شفته حسيت گلبي انمرد و دمي يبس من شفت وجها مدمه و الرصاص مزرف جسمه، كممت حلگي بأيدي و صرخت بصوت خارج من اعماقي: لااااااا..
بقيت بعدها بحالة صدمه، يارب اللي جاي تشوفه عيني صدگ؟ هذا هو خلاص مات؟
وگفت على حيلي و اهمس بيني و بين نفسي بصدمه: ما تموت ما تموت، لا مستحيل جاي اتوهم اني انت ما تموت..
حرت شسوي؟ الطم، ابچي، اصرخ... ما راح يطفي النار اللي تسعر بصدري..
گعدت بالگاع مقابيله بحيل مهدود و روح ممروده على منضره، صرت ابچي بدون تعابير، قربت وجهي على اذنه و همست: حسون خويه لا تموت... لا تعوفني و تروح امك واخوانك منو الهم؟
رجعت لنوبة انهيار و احس لو مو اضلاعي صلبه چان گلبي طلع من مكانه بسبب الموقف ..
قسمًا بذات الله يا من كان السبب لو اعرف مدري منو تكون موتك على ايدي..
صرخت بصوت عالي و اني احس بنياط گلبي تتشلع : ولكك حسوووون وييين عااايفنييي وييين ولكك خويه گوووم گوووم...
بقيت اهز بي و اريده يگوم وياي لهسه بعدني ما قتنعت اخوي خلاص.. مات ، حسون مات
صرخت امي بصوت موجوع: ولك يمهه ولكك يمههه.. تعوفنييي؟ تعووفني حسوون يمهه؟
چان اسوء يوم ممكن يمر علينه، انطفت الفرحه ابيت فاضل، خلاص ابو الحسن و راح، ملح الگعده راح.. گمت وگفت على حيلي بالگوه و همست: كتالك نايم مرتاح وانت ميت؟ كتالك يمشي ومستمتع ويتنفس و انت راح تندفن جوا تراب يغطي ملامحك؟ هيهات و الله، لا طال عمري كون صدگ هيچ، اذا صبح الصبح على عمار ما اتسمى لهيب...
دخلت للمطبخ اخذت سچينه و طلعت من البيت مهروله لبيت بشار.. الطريق كله اني احاول استوعب هو مات، و دموعي الطريق كله ما وگفن عن النزول، كتله بدم بارد و رايح لبيته ما چنه كتل روح بريئه، كتل حسون.. الانسان اللي بعمره ما اعترض طريق احد لو ضوج احد بحچايه، چان مثل الورقه البيضه اللي ما بيها نقطه سوده تخليني انتبه الها..
من همه و زغار عمار يكرها و يتخبل منه هو و بشار لان احسن و اشطر منهم.. لكن مال توصل للقتل الخلاص!!
أنت تقرأ
لَهيـب القسور .
Chick-Lit#_لَهيـب القسور . من الضعف الى انسانه لا يستطيع مقاومتها أيًا من كان .. قساوة الايام التي مرّت بها، ومرارة الڪأس الذي سُقيت بهِ، جعلها أنسانه قاسية، متمرده، فارِضةً لشخصيّتها التي لا مثيل لها، لها قيمتها الخاصة التي تمنعها من الركض وراء أي شخ...
