#_لهيب القسور .
بِقلم: الكاتبة أبريـل.
لا تنسون التصويت بنجمه و التعليق بين الفقرات + المتابعه لحسابي 💛🌟 .
اللهم صلِّ على محمد وآل محمد 🌹
"و قِمَّةُ البؤسِ أنْ تُبكيكَ ذاكِرةٌ
بمنزلٍ كنتَ دومًا فيهِ تبتَسِمُ".
ـــــــــــــــــــــــــــــــــــــــــــــــــــــــــ
تيبسنه كلنه و تصنمنه من سمعنه صرخت اوراد اللي هزت اركان البيت هز ..
گمزنه من مكانّه مهرولين نشوفها، صعدنه للغرفه و چانت الصدمه من شفنه اوراد واگعه عالأرض والنزف ماخذها ...
الگاع ممليه دم و اوراد لازمه بطنها متوجعه و تصرخ، ركضت عليها و سألت بصدمه : اوراد انتِ حامل؟؟!
ـ اييي اييي لهييب طفليي راحح طفليي رااح..
تبچي منهاره و عشتار راحت تخابر اخوها تبلغه، اخذناها للمستشفى و گالت الدكتور الطفل ميت ابطنها لازم نسويلها عملية كورداش، دخلوها للعمليات و اجه انور وجها اصفر و خايف..
انور: لهيب اورااد ويين شلونهاا؟؟
ـ دخلوها للعمليات
ـ يا عمليات راح تولد..
كسر خاطري عليه لأن جاوبي كسر فرحته..
ـ لا.. كورداش
انطفت ابتسامته اللي انرسمت على ثغره من گلتله دخلوها للعمليات و گال بحزن : الطفل مات ؟
دنگت راسي امسح دموعي و امير صافن لهسه ما مستوعب و عشتار ضلت تواسي بأخوها ..
بهاي اللحضه انور اثبتلي انو يحب اوراد، اي ممرضه تطلع يسألها، و خايف عليها لا تكون العمليه بدون بنگ..
مر يوم كامل و احنى منتضرين لأن هيه يالله اجه دورها، دخلوها وميقبلون احد يدخل يشوفها.. انور طلب مني اروح وياه للبيت علمود اخذلها ملابس و احتياجات..
جبت الملابس اللي تحتاجهن اول ما لمحنه امير اجه علينه و گال: يالله بسرعه طلعوها و يردون ملابسها
حسيت انور روحه فرفحت يريد يدخل يشوفها، دخلت و انطيت ملابسها للمرضه لكن رفضت اوراد واحد يلبسها الا اني لو انور، انور ما يگدر يدخل لأن فقط نساء، دخلت اني و تحمدت الها بالسلامه...
صارت تبچي بحرگه على جنينها اللي عمره 3 اشهر فقط، حضنتها و ربتت على كتفها اواسيها.. خلوها بكرسي متحرك جابه انور حتى ما تتعب بالمشي..
طلعتها لصالة الانتضار، شافانه انور واجه مفرفح الها، جثه على ركبته و تحمد الها بالسلامه و گال: الحم. لله على السلامه حبيبي ، الحمد لله على كل حال الله يعوضنه ان شاء الله،
ردت بحزن و قهر: الحمد لله على كل حال
فرحت حيل لأن اتأكدت اختي بين الادين الصح، طلعنه من المستشفى و انور اصرّ يعشينه بس امير گال: يمعود هي مال عشى ما تشوف هاي الارمله شصاير بيها
أنت تقرأ
لَهيـب القسور .
ChickLit#_لَهيـب القسور . من الضعف الى انسانه لا يستطيع مقاومتها أيًا من كان .. قساوة الايام التي مرّت بها، ومرارة الڪأس الذي سُقيت بهِ، جعلها أنسانه قاسية، متمرده، فارِضةً لشخصيّتها التي لا مثيل لها، لها قيمتها الخاصة التي تمنعها من الركض وراء أي شخ...
