#_لهيب القسور.
بقلم: الكاتبه أبريـل.
لا تنسون التصويت بنجمه والتعليق بين الفقرات +متابعة حسابي 💛🌟
"ربي إني تائه مُبعثر مُتعب حَزين فَتولني"
ــــــــــــــــــــــــــــــــــــــــــــــ
گعدت الصبح على صوت زقزقة العصافير و الضوه الخفيف الطالع من ورا البرده و مضوي الغرفه، تمططت و لميت شعري ، باوعت بصفي لمكان انور..
ابتسمت على نومته اللطيفه و گمت من مكاني و طلعت من الغرفه ، نزلت للمطبخ سلمت و غسلت وجهي، لاگتني عشتار و خالتي يسوون ريوگ، ساعدتهم بتحضير المواعين و الاكل....
زهراء: روحي عمه صيحي رجلچ يتريگ
ـ تمام خاله رايحه..
طلعت اصيح الانور ينزل يتريگ، نزلنه اني وياه و التمينه كلنه بالمطبخ الدافي و الصوبه مشتغله و الجو عباره عن هدوء،طلع انور للشغل و بقيت اني و عمتي و عمي و حمواتي ثلاثه ،عشتار ،صافيناز، رويده ،و حماي رحمان....
بلش الموضوع خالي من گال: اوراد بويه..
باوعتله مستغربه و جاوبت و اني امضغ باللگمه: اي خالي گول
عمتي باوعتلي بقرف و گالت: اويي الغسل، وين اكو وحده تتزقنب و تحچي من الگبر لهالحلگ
صافيناز: ايييع لعبت نفسي گبووور
اوراد: گبر لفچ احترمي نفسچ
ردت اگوم من مكاني استوقفني خالي من گال: گعدي خالو مالچ شغل بيهم، رجعت گعدت اريده يكمل موضوعه اللي بلش بيه..
اوراد: عمو ترا هاي مو اول مرا يصير هيچ، كل ما اگعد يسون وياي مشكله و يردني بس اگوم
رويده: لعد متحسين و تگومين منا؟
باوعتلها صفح و غلست، گالت عشتار: بنات كافي اسكتن محد اله خلگ ترا
ـ اي و الله ياريت اخواتچ يسكتن عني
صافيناز: ايي ايي عشتار ضلي تلوگي انت..
خالي: كاافييي..
سكتنه كلنه و نضراتهن مليانه كره، حقد، حسد، خبث... و لا وحده تحبني حتى عشتار متحبني بس تعاملني زين علمود امير اللي گاطع علاقته بيها لسبب مجهول..
گمت من الاكل و صعدت بوجهي لغرفتي، اتصلت بلهيب و حچيتلها و اني ابچي، بس فاجأتني من چانت بارده ورة فعلها عاديه كلش، سدت الاتصال بوجهي و اني بعدني ما مكمله كلامي أصلاً ...
متت قهر بهاللحضه و اتمنيت لو انور موجود چان وكلهن خر* و سكتهن لهالعايصات ذني..
النوب اجت لهيب كملتها عليه و قهرتني بالزايد، اتصلت بأنور و ما رد على اتصالي لان ما عنده انترنيت..
بقيت گاعده بالغرفه لحد ما اجه من الشغل، اول ما دخل للغرفه درت وجهي عنه، تقرب و گال: شبيها وردتي زعلانه؟
حضني و كمل كلامه: هاا شبيچ اليوم گبن الهرمونات؟
ـ وخر يمعود ما الي خلگ احد
ـ ليش يروحي؟ نطلع نغيرلچ جو شويه؟
ـ لا...
أنت تقرأ
لَهيـب القسور .
Chick-Lit#_لَهيـب القسور . من الضعف الى انسانه لا يستطيع مقاومتها أيًا من كان .. قساوة الايام التي مرّت بها، ومرارة الڪأس الذي سُقيت بهِ، جعلها أنسانه قاسية، متمرده، فارِضةً لشخصيّتها التي لا مثيل لها، لها قيمتها الخاصة التي تمنعها من الركض وراء أي شخ...
