#_لهيب القَسور .
بقلم: الكاتبة ابريـل.
لا تنسون التصويت والتعليق بين الفقرات +متابعة حسابي 💛🌟
بكَ، أجدُ السلامَ والراحةَ التي أبحثُ عنها.
ــــــــــــــــــــــــــــــــــــــــــــــ
ـ يحلو الطول يسمر يا غزالي.. لا لا اوگفي حافض واحد ثاني يگول:
"السمره وكحه بعينها تعبر الشارع،
من تضوج تهز اديها وتعگد حواجبها من واحد يباوع..
السانها اطول من شعرها، تشتّم بخطواتها جدك السابع"
بقيت صافنه هذا امير لو غيره؟!
فرحت امانتًا لان كلش متفاهمين هالفتره و قرروا ينهون علاقتهم بزواج....
چنت واگفه بالباب مستمره اتسمع على غزلهم واضحك ما امصدگه امير يتغزل وكسر حاجز الخجل وصاير جرييء ههههههه والله ما مصدگه ابد هالتغيير المفاجئ..
داهمته وهو يتصل على عشتار ويقرالها شعر وضحكت بوجها، ما گدر يسكت لان عشتار راح تسأله ليش سكت وبقى يتغزل گدامي وصدقه ملامح وجها شلون صارت تضحك هههههه..
ـ هلو عشتاار گلبي شلونچ؟
ـ هلو گلبي انت شلونچ؟
ـ والله اني زينه الحمد لله
ـ عساچ بالخير.. اخوچ يتغزل ولچ هههههه
ـ اييي ولچ صارلي ساعه اتصنت...
قطع الاتصال وباوعلي بنضره متتفسر، بعدها گال: تتصنتين!!
ـ لا والله چنت اريد ادخل وسمعتك تتغزل فماحبيت اخرب اجوائكم الشاعريه..
نزل راسه ويفرك بأيده، رجع رفعلي راسه ضحكتله وصفگت بأديه وگلت: عشتار طلعت عينكك ههههه
ـ لهيب؟؟
ـ نعم يروحي گول..
ـ اريد اتقدملها ونتزوج لشوكت نضل نحچي ونتراسل والله جاي احس بتأنيب الضمير لان حرام تليه وجاي اورطها بشي حرام وياي
نضرتله بفخر على طريقة تفكيره العاقله، گلت: اولاً: بارك الله بيك، ثانياً اني هم اگول لو تتزوجون، يعني شمنتضرين انت موضف وهي مبطله من المدرسه
ـ لا ولچ هي أصلاً ما تعرف تقرا تتهجى
ـ صدگ؟
ـ اي والله باعي محادثتنه بس بصمات صوتيه لو اتصال
شوفني المحادثه عباره عن ڤويسات، گلت: اي انت علمها
ـ هو ناوي بس نتزوج اعلمها واخليها تدرس تمهيدي
ـ حلو..
عجبني تفكيره كلش، اثبتلي انو الحب حلو اذا حبيت الشخص الصح، خوما اني الثوله حبيت عمار، صدگ على طاري عمار تذكرت بشار الطلي طلع من السجن كفاله الكلب الزباله..
ــــــــــــــــــــــــــــــــــــــــــــ
داومت بالمدرسه ولو ادري ما مداومه ولا اعيش الشعور العشته بهاللحضه..
دخلت للمدرسه وچان يوم عادي لحد ما صرخت وحده من الطالبات وهنا كانت المصيبه..
طلعنه كلنه المدرسات والطالبات وتجمهرنه بالساحه مقابيل الحمامات اللي صارت بيها الكارثه..
أنت تقرأ
لَهيـب القسور .
ChickLit#_لَهيـب القسور . من الضعف الى انسانه لا يستطيع مقاومتها أيًا من كان .. قساوة الايام التي مرّت بها، ومرارة الڪأس الذي سُقيت بهِ، جعلها أنسانه قاسية، متمرده، فارِضةً لشخصيّتها التي لا مثيل لها، لها قيمتها الخاصة التي تمنعها من الركض وراء أي شخ...
