لَهيـب القسور .

꧁ البارت الثاني ꧂

#_ لهيب القسور  .

بقلم: أبريـل

لا تنسون التصويت بنجمه ومتابعة الحساب فضلاً 🌟💛

اللهم صلِّ على محمد وآل محمد 🌹

‏" كافي طيبه!
الوادم الداست گلبنه مو غريبه " ــــــــــــــــــــــــــــــــــــــــــــــــــــــــــــ

انهد المتبقي من حيلي، وبدت دموعي تنهمر لا أرادياً، خليت ايدي على حلگي اكتم شهگاتي ..
حسيت الباب مال الاستقبال انفتح رحت بسرعه ورا الاستقبال، گعدت على ركباتي بحيل مهدود وروح خاويه أبچي ومقهوره..

الشخص اللي چنت معتبرته خلاصي راح وراحت وياه آمالي كلها، بچيت بحرگه واني أتذكر أبوي وهو يگول: عمّار اتزوج وعايش بالخارج بعد ما يرجع للعراق نهائياً .

لو أكو كلمات توصف حالي وتأثري بالموضوع چان گلتهم بس ماكو عباره تناسب وضعي المدمر..

مسحت دموعي وغسلت وجهي ودخلت على أمي اللي صاحتلي أجي اسوي غده، بقيت بالمطبخ أسوي الغده وعيوني مغرغره دموع مهضومه..

كملت أكل وخانتني دموعي أكثر من مرّه وبچيت ورجعت مثل الحبابه مسحتهن، لأن لو اهلي افتهموا يذبحوني..

صعدت للغرفه وفرشت فراشي حتى أنام، بس كذب مو حتى انام، حتى ابچي بدون ما أحد يحس علي، غطيت راسي بالغطى وأنهاريت بالبچي لدرجة حسيت اول مره ابچي هيچ لان هالمره گلبي واجعني حييل ..

حسيت احد دخل للغرفه غمضت امثل نايمه، عرفت انو هو امير دخل ياخذ كتب..
بهالأثناء دخلت بسبات عميييق....

ـــــــــــــــــــــــــــــــــــــــ
امير..

ردت اطلع من الغرفه أستوقفني صوت شهگات شخص يبچي صارله هواي..

رحت للبطانيه سحبتها شوي من وجهها وچان اشوف لهيب.. عيونها وارمه، والدمع يابس على خدها وانفها وهالات جوه عينها حمر..
حاولت امسح دموعها لكن يابس ما ينمسح
بست راسها وخدها وغطيتها عدل وطلعت من الغرفه مستغرب الشي اللي خلاها تبچي لهالدرجه!!
بالعاده لهيب متبچي بسرعه، أو بالاحرى متبچي ولو رادت تبچي مو گدام احد بمكان فارغ،

شخصيتها قويه وجلده، مو من النوع اللي بسرعه تتأثر، وحتى لو تأثرت أو لا مايبين عليها ابد بسبب صلادتها وقوتها،

بالرغم من أنو لهيب شگد زغيره ولكن تنضر للمواضيع من جهات مختلفه ومن النوع اللي بسرعه تكشف الناس اللي يچذبون عليها، لذا قليله الناس اللي تچذب گدامها لان يدرون راح تعرف بيهم يچذبون وتفضح عنهم، ولكن هي متحچي لاحد همه مو على حق لكن تبسمر..

طلعت للأستقبال اكمل حديثي وي الموجودين بموضوع بشار ولهيب وزواج عمار المفاجأ اللي محد متوقعه خلاص..