#_لهيب القسور.
بقلم: الكاتبة ابريـل.
لاتنسون التصويت بنجمه والتعليق بين الفقرات +متابعة حسابي لطفاً 🌟💛
المواقف الصعبة تبني الأشخاص الأقوياء.
ـــــــــــــــــــــــــــــــــــــــــــ
طلع للدوام واني بقيت اراسل صديقتي عن الواجب، انطتني الواجب وگعدت اقرا، اندگت الباب ورحت افتحها، وگفت مصدومه جاحضه عيوني، ما مصدگه منو اجه علينه..
حچيت بصدمه ممزوجه بفرح: نعييييييمهه ههههههههه
ـ هااا الحميره هههه
ـ لچ هاييي شنووو هسه تذكرتيي عندچ احفااد
ـ اكليي خرا ام عصاجيل بت الگو**
ـ ههههههه ديالله دخلي لا تضلين بره
ـ طبعاً ادخل..
حسيت رجع الامان لبيتنه بعد ما رجعت بيبتي اللي صارلها 5 سنوات بأيران يم عمي الوسطاني اللي حب بنيه عجميه وراح وياها الايران...
ـ مشتاقتلچ ام عصاجيل
ـ هههه عمري والله اني زينه انتي شلونچ مشتاقين
ـ والله على الله ، يمه تعذريني ما اجيت بالفاتحه، وحگ هو الامير علي يا حبوبا..
ـ بيبي الفات مات ادري بضروفچ شنو لا تبررين
ـ اموري وينه؟
ـ بالدوام
ـ بالمدرسه؟
ـ لاا يمعوده ههههه غير زلمه يا مدرسه مدير اعمال
ـ ياا فدوه لعلي
ـ ههههههه ايي بيبي صار زلمه بعد مو نفسه ذاك الدلوع
ـ يا يمه ياحبيب
ـ هههههههه اي والله شبيچ
ـ يابه چا هسه اني شحاچيه
ـ والله صاير چبير ودخل جم وصـ....
ـ العياذ بالله جيم شنيي؟!
ـ بيبي شالسالفه جيم شنو؟ اسمه جم قاعه مال رياضه يلعب حديد ويصير عنده عضلات
ـ هاا والله خيه اندري
ـ ههههههه حجيه مشتاقتلچ
ـ اي والله اني هم ...
اخذت گذلتي تبرم بيها وگالت: كبرانه وصاير حلوا، امداه بشير ضيعچ من ايده المطي ابن المطي، وهذا... صدگ اگلچ عمار ياهو كتله؟؟
ـ اني
ـ ياااع!! انتيي ولچ ام عصاجيل؟
ـ اي حبوبه ليش مو بعينج؟ شعجب محد گلچ اني كتلته لان كتل حسون وامي انقهرت على حسون وماتت الله يرحمهم
انصدمت من كلامي لان مسولفيلها غير شي، خابرت امير يجيب اكل وياه من المطعم ويجي من وكت... اندگت الباب فكرته امير اللي اجه، لكن فتحت الباب وبقيت واگفه متفاجئه من اللي زارونه...
نوال: تستقبلون ضيوف لو نرجع؟
ايلاف: يمه صدگ چذب بربچ اسكتي
هاجر: ليش تسكت خل تحچي حتى نعرف اذا مرحب بينه لو لا
اتنرفزت من وجودهم هنا ذني الحيايه هاجر وامها، بس ايلاف لا صديقتي كلش احبها وعلاقتنه طيبه.. رديت: والله حبيبتي هاجر انت وامج غير مرحب بيكم، ايلاف حبيبتي تفضلي البيت بيتچ
مسحت كرامتهن بالگاع بس تندمت لان حچيت هيچ، حسيته غباء مني..
ايلاف: فدوه اروحلج اني، يزيد فضلج
هاجر: زر**اي والله عود صارت مرا ام بيت
لهيب: غصباً على راسچ...
أنت تقرأ
لَهيـب القسور .
Chick-Lit#_لَهيـب القسور . من الضعف الى انسانه لا يستطيع مقاومتها أيًا من كان .. قساوة الايام التي مرّت بها، ومرارة الڪأس الذي سُقيت بهِ، جعلها أنسانه قاسية، متمرده، فارِضةً لشخصيّتها التي لا مثيل لها، لها قيمتها الخاصة التي تمنعها من الركض وراء أي شخ...
