The Rebirth of Lucian

The Rebirth of Lucian 8

Unicode

၃လကြာပြီးနောက်...

တစ်နေ့တာကို မနက်ပိုင်းတွင်စာအုပ်တွေနဲ့အချိန်ဖြုန်းပြီး နေ့လည်ပိုင်းကို Cedric နဲ့ဓားရေးလေ့ကျင့်သည်။ ညနေပိုင်းကို တောအုပ်ထဲမှာစာအုပ်နဲ့အတူလေ့ကျင့်လေသည်။ ၃လအတွင်း Lucian သည်အတော်တိုးတက်လာပြီး အပင်စွမ်းအင်ကိုလည်းကျွမ်းကျွမ်းကျင်ကျင်သုံးတတ်လာသည်။

ထိုအတွင်း Thorne ရဲ့နှောင့်ယှက်မှုတွေကိုကြုံရပေမဲ့လည်း Lucian လိုပြန်လည်မွေးဖွားသူအတွက် ပမွှားလေးတွေသာဖြစ်သည်။ Cedric ကိုလည်းသိပ်မစိမ်းကားတော့သလို ဦးရီးတော်နဲ့ လည်းပိုရင်းနှီးသွားသည်။

ဒီနေ့က Cedricကျောင်းတော်ကိုပြန်မည့်ရက်ဖြစ်သည်။ Cedric ကအသက်၁၂နှစ်ဖြစ်သည်မို့ Posalo တော်ဝင်ကျောင်းမှာဝင်ခွင့်အောင်ပြီးတက်နေတာ ၁နှစ်တောင်ရှိပြီဖြစ်သည်။ နွေရာသီကျောင်းပိတ်ချိန်မို့သာ နန်းတော်ကိုအလည်လာခြင်းဖြစ်လေသည်။ 

အခုအချိန်သည် နှုတ်ဆက်ခြင်းဖြစ်သည်။ အဖြူရောင်မြင်းနှစ်ကောင်ဆွဲထားသော ရွှေကွပ်ထားသောရထားလုံးသည်သင့်တယ်လှလေသည်။ Cedric သည်အဖြူရောင်ဝတ်စုံလေးကိုဝတ်ထားသည်မို့ ကြည့်ရုံနှင့်တင်အမြင်ကိုအေးချမ်းစေသည်။ ဦးရီးတော်က‌တော့ ခမည်းတော်နှင့်နည်းနည်းအလှမ်းဝေးသည့်နေရာတွင်စကားပြောနေကြသည်။ 

Thorne ကတော့နှာတစ်ရှုံ့ရှုံ့နဲ့ နှာတံလေးသည်နီရဲနေပြီး မျက်အိတ်ကဖောင်းနေသည်မို့ ငိုထားမှန်းသိသာလေသည်။ Cedric က Thorne ကိုချော့မော့ကာစကားပြောပြီးနောက် Lucian ဘက်သို့လျှောက်လာလေသည်။ ထို့နောက် Lucian ရှေ့တွင်မုဆိုးဒူးထောက်ထိုင်ကာ Lucian ခေါင်းလေးကိုညင်သာစွာပွတ်ကာ

"ကျွန်တော်မျိုးတော့ လွမ်းနေတော့မှာပဲ.."

"..."

"နောက်နွေရာသီပိတ်ရက်တွေမှာ ကျွန်တော်လာဖြစ်ဖို့ကမသေချာဘူး"

သူသိတာပေါ့ ပထမတစ်နှစ်ကတော့ လွယ်ကူတယ်လို့ထင်ရပေမဲ့ ဒုတိယနှစ်ကနေစပြီး နောက်၇နှစ်အထိကခက်ခဲသည်။ အချိန်တိုင်းလက်တွေ့လေ့ကျင့်ခန်းတွေကြုံလာရမယ်။ ကျောင်းတွင်း အန္တရာယ်တွေရှိလာမယ်။ အမှတ်ကောင်းကောင်းရရင် တိုက်ပွဲအထိပါခေါ်သွားမယ်။