فِـي مكان آخر بعيد عنهُم ..
كان بسيارته وبجنبه ايمَـان ووراهم اشواق اللي جالسه فالوسط بينهم تشغل اغاني ومبسُوطه:والله اخيراً بييصير معانا زواج مابغييينا
التفتت ايمان تناظر فهد المبتسم:عاد اخر شي توقعته ان فهد يتزوج بهالسرعه
ضربت كتفها بضحكه:ياشيخه وين بهالسرعه عمره بيصير ٣٠ وهو مسوي نفسه شباب
رفع حجاجه بصدمه يلتفت عليها ويرجع يناظر الطريق:حلالاه من نزلك هنا وخلاك ترجعين للبيت كعابي
ضحكت تعتدل بجلستها:خلااااص توبه بسكت استغفرلله
مرت دقايق طويله عليهم وتوقفت سيارة فهد قبال محل الذهّـب ونزلو ثلااثتهم يتنقلون بين المحلات كان بكفّـه خاتم :هذا مو حلو؟
التفتت ايمان تاخذه من يده:والله يجنن طلعت ذويق
ابتسم يقلبّه بين كفه:طيب كم مقاسها؟
اشواق بابتسامه:اصغر مقاس
ابتسم وصد عنهم يناظر السلاسل يختار لها كِـل اللي طاحت عينه عليِـه اقتربت منه ايمان:فهد ناقص تاخذ لها كرسي جابر
ناظرها ورجع يناظر العامل الموجود:جيب لي كرسي جابر
أشر له على الموجود يهز راسه بالايجاب:سعره ٤٢ الف
ابتسم يهز راسه :تمام عطني كل هذول
رجع يكرر العامل بصدمه:هذا لحاله اخوي ٤٢ الف من غير الباقي
احتدت ملامحه:طيب ونا قلت اني ما فهمت؟خلاص جيبهم كلهم
اقتربت منه ايمان:فهد كثرت والله بعدين المهّـا مو جوها هالاشياء
صد عنها ياخذ الاكياس ويطلع بطاقته يحاسب ويطلعون من المحل:اذا ماجاني واحد كريم زي فوفي مابي
مّـر الوقت عليهم وهم بين المحلات ياخذ لها من كل شي تطيح عينه عليِـه ويشوفها يناسبها وتوقف قبال محل الورد ياخّـذ بوكيه كبيِـر تتوسطه عبارة-طالبيِـن القرب منكم-فتح الباب الخلفي يحطها بجنب اشواق اللي تصور كل لحظه تهمس له-فهد ناظرني-ابتسم يناظرها ويركب السياره:اعترف وش عرفك بهالاشياء
شغل اغنيِـة-مذهله-ينطق:اشياء بديهيه كل خطبه لازم فيها ذهب ولازم ورد وهدايا واذا عن الذوق صحيح اني اجلس مع الابل بس هذا مايعني اني بدوي ماعرف شي
ضحكو بذات اللحظه:والله فهد ما اقصد بس ماعمرنا شفناك كذا يعني اللي يشوفك يقول مبسوط
التفت عليها بصدمه من كلامها:ومن قال اني مو مبسوط؟
رفعت كتوفها تكمّـل:مدري بس قلت يمكن مو هي اللي كنت تبيها او..
زفر بضيق يعرف مقصدها بالكلام :لو كنت ابي غيرها ماكنت بنتظر لحظه وحده وبروح اخطبها حطي هالشي براسك
اقتربت اشواق تمد الجوال تصوره باحترافيه:عدل شماغك شوي
ناظرها من المرايه:ليه؟
تأففت بملل واقتربت تعدل شماغه وتصوره تصرخ بحماس:يويلي والله ان المهّـا بتطيح على وجهها من هالصوره
لفت الجوال لايمان توريها الصوره والتفت فهد يشوفها ويرجع يكمل الطريق بصمّـت ..وقفو قبال باب بيتهم ينزلون الاغراض يسمعون صوت عمه وعمته فالحوش:لالا وش هالحركات والله شكلكم مابقيتو شي بالسوق
ايمان بابتسامه:والله شكلنا صدق مابقينا
ابتسم فهد يسلم عليهم وبيده اكياس:عمتي عادي تجين شوي
رفعت نظرها له ووقفت تمشي معاه لغرفته :علامّك يمه
سند بظهره على المكتب:السلسال لساته عندك؟
ضحكت تغمز له لإنها هاللحظه عرفت صاحبة السلسال:اثرهّ لبنت ذياب ايه يمه لساته معاي ودك اعطيك الحين؟
هز راسه بالايجاب وطلعت زينه لغرفتها تفتح الخزنه تطلع سلسال كان بين منديل تروح له الغرفه تعطيِـه اخذه من كفهّـا يناظره بابتسامه يتذكر زيـن كيف صار معاه وكيف إنه الشي الوحيد اللي بقى له منهّـا
مّـرت الليله طويله على فهّـد وسريعه على المهّـا اللي سهرت تناظر من الشباك بوجع وقفت تدخل دورة المياه تغسل وجهها بمويه باارده لعلها تصحصح ناظرت شكلها والذبُول تهمس تحاول تقوي نفسها رغم الضعف-انتي مو ضعيفه انتي قويه خليك قويه -طلعت من دورة المياه تطلع لغرفتها تشوف باب غرفتها اللي تبدل تدخل تبدل ملابسها وتنزل المطبخ خذت صحن تحط فيه زبادي وملعقه عسل تدهنه على وجهها التفتت لدخول صمود:بسم اللله خرعتيني
مدت لها الصحن:ودك؟عشان بكره مايشوفونا ويهجون
ضحكت صمود تاخذ الصحن وتقترب من المرايه تحط بوجهها ومرت عليهم الساعات وهُم يتجهزون دخلت المهّـا غرفتها تفتح دولابها:وش البس
اقتربت صمود تناظر فساتينها:هذا حلو وانيق
خذته تناظر شكلها بالمرايه :امم اسود بيفتحني شوي لان احس وجهي ذاابل
ابتسمت صمود:يلوق عليك يالله انا بنام مابقى شي على الفجر
طلعت ورمت المهّـا الفتسان ترمي بجسدها على السرير كانت ليلة مع صمُود غريبه مشاعرها ماتدري وش تصنفها لاكنها تبّث الحزن بداخلها ..
YOU ARE READING
نطرد سرابٍ في صحاري ظمانا
Romanceالرواية تتكلم عن -الشجاع السهَّف - شَاعر حزين يكتب لمحبوبته ويرثي أبوه تتقاطع طرقه ببنت اغنى عوائل ديرته وتعصف دنياه ووتوه اشعاره من يجبر عليها .. -غرور الريِـم- ترجَع من سفرها لديرة أبُوها ويجذبهّـا قصّة شاعرها المشهُور اللي يقصّد لمحبُوبته سنيِـن...
