ما بعد حبك يا ضيا عيوني حبيب

آلـجـزء ٦

" مـعـك و أشـتـاق لـك وشـلـون وانـا بـعـيد
المـشـاعـر ضـوامـي غـصـب تـنـساق لـك "

" كـل مـا ابـطـت بـك الأيـام شـوقـي يـزيـد
شـف جـنـون الـغـلا عـقـبـك و أنـا عـاقـلـك "

- بـيـت آل ظـافــر -
الساعه ٨:٠٠ مساءً

اليلة كانت عزيمه في بيت ال ظافر بـ مناسبة عودة بنتهم وجدان عزموا كل الي الحاره بـ اكملها و اقاربهم و اهلهم وكل معارفهم

البنات تجمعوا بـ غرفة وجدان يتكشخون لي عزيمة اليوم
كانت سرحانه و هي تسوي شعرها من الخيالات الي تدور بـ راسها
شايله هم يفتح الموضوع لي جدها بـ لأول وما ودها تتكلم عن الموضوع بعده بـ يفهمونها انها ما ودها فيه و تبتلي عليه
او لو حكت قبله خايفه يجبروها عليه بسبب تماديه معها في الاخير ماهي حلاله و مسكها و يعتبر حرام و بـ يجبروها عليه كـ تكفير ذنب كذا عقلية اهلها للأسف
غمضت عيونها و تنهدت تحاول تعدي هـ ليلة بدون اي تفكير فيه
لاحظتها وجدان
وهي تاخذ رأي البنات والكل انبهروا من جمالها الي يعجز وصفه بـ فستانها وطلتها
الا سديم كان الواضح لها انها بـ عالم ثاني مو معهم 
راحت امامها مُردفه : سوسو حياتي أشفيك مو على بعضك
ناظرت لها بـ ابتسامه تخفي هواجيسها الي تضايقها : ابد حبي مافي شي بس احس شوي تعبانه لا يهمك
و بتغير للموضوع : يناسوا على جمالك بنت وش ذي الحلاوه ناويه تخطفي قلب مين اليلة
ضحكوا البنات وغمزت ديمة : يمكن الضابط
كشرت وجدان من سيرته : وش يجيبه أصلن ؟!!
أبتسمت ديمة مُردفه : جدي عزمه بـ يشكره قدام الرجال و ذبح له ثلاث ذبايح ولك ثلاث
انصدمت من ربطها للمواضيع : طيب واذا جدي عزمه !! مثلاً بطلع له !! زوجي وانا مدري !!!
ضحكت ديمة و البنات
مُردفه ود : معليك منهم هذولا ما يصدقون احد يشبكوهم ببعض
تأففت سديم : يعني الحين تقنعوني ما شبكتوني مع اخوكم القرد ذا
وجدان : حرام عليك لا تظلميه ترا قرد يسمع الكلام عطيه فرصه
ضحكت سديم : وشهد شاهدًُ من أهلها
كشرت ديمة : ومسوين بعد ما شبكوني مع شهاب الي غاثني من يوم انكسرت يدي مسوي طبيب القلوب المجروحه
وجدان فطست ضحك هي و ود على عياراتهم على اخوانهم : بسم الله كل ذا طلع بـ خاطركم
سديم قلبت عيونها بتململ تكمل شعرها من سيرته الي انذكرت وسطهم...

- بـيـت آل ظــافــر -
   مجلس الرجال

كان الكل مبسوط بـ الجلسه و شهاب و زيدان و أسر جالسين بجمب بعض و يتحاكون على المعازيم
ضحك أسر بوسط الجلسه : وش بلاك تضحك 
أشر على شايب : تشوف ذاك الشايب خلص دلات القهوه و يمكن هاذي سادس دله اجيبها لجهته وما يخلصها الا هو
رمقه زيدان : طيب خله بـ العافيه محطي عينك عليه
أسر : اي مو انت الي تجيب الدلات رايح جاي من المطبخ
شهاب ناظر لواحد مو غريب عليه وسط سوالفهم : ولد زيدان
زيدان : ها وش بعد انت لا يكون واحد مخلص التمر
رفع حاجبه شهاب مُردف : تشوفني مثل ذا الي بـ جنبك
أشر شهاب على واحد : هذا كأنه موب غريب علي تعرفه
زيدان ناظر مكان ما أشر عليه شهاب و بـ تذكر : ايييه ذا الضابط الي ساعد اختك
شهاب : انت صادق ما غيره
زيدان : اي بالله قم نسلم عليه
توجهوا العيال قبال مجاهد يسلمون عليه و يشكرونه على وقفته معهم
مجاهد رمق الي متوجهين له بـ أخر المجلس
شهاب : حي الله الضابط اا..
مجاهد قام لهم ومد ايده يصافحه : مجاهد يا الحبيب
شهاب : مجاهد تو ما نور المجلس بجيتك
أسر : والله انك رجال ينشد فيك الظهر
مجاهد : واجبي
جلسوا مجنبه يرحبون فيه
لمحه الجد بين احفاده و قام متوجه له بترحيب بجيته : ارحببب مجاهد
قام مجاهد يحب راسه من باب الاحترام : البقى
الجد كان فرحان بـ جيته و سحبه معه لي صدر المجلس يشكره قدام الرجال بـ حظوره : يا رجال هذا الي قدامكم رجال ولد رجال ينشد فيه الظهر و اشكره قدامكم على وقفته مع حفيدتي
كل الرجال يتوجهون له و يبدوا يشكرونه و يسلمون عليه...