ما بعد حبك يا ضيا عيوني حبيب

آلـجـزء ١٣

"سـقـت الـغـلا و الـشـوق و الـحـب و الـود
لـجـلـك و أنـا مـابـي مـن الـنـاس غـيـرك"

"و أن عـاذلـونـي فـيـك مـا أسـمـع ولا رد
أتـبـع هـواك و مـتـجـه فـي مـصـيّـرك"

- مـجـلـس الـحـريـم -

دخلت عليهم وجدان و إيدينها ترجف من هول صدمتها و دم مغطي كفوفها بـ الكامل ، انصعق الكل من دخولها و دم المنتشر على يدها ، توجهت لها أصاله و الخوف داب بقلبها على بنتها هي تركز على رجفت جسدها ولا الدم الي صابغ إيدها ولا من انينها المسموع الي يحرق قلبها كانت مصدومه مو عارفه تتصرف ضمتها لي صدرها تهدي من رجفت جسدها و تُردف بـ هدوء و حنيه : اهدي يا عمري اهدي يا كل اهلي اهدي لا تعورين قلبي عليك ، قوليلي صار لك شي ؟!! ، كانت على صدمتها و للحين يتكرر السيناريو في عقلها وبركة الدم في ذهنها ترعبها و جداً ما تخطت المنظر و مستحيل تقدر تتخطاه جاحظه عيونها بصدمه تحاول تعبر عن صدمتها و تطلع كل دمعه عالقه بـ محاجرها مو قادره تستوعب عشان تسمح لي دموعها تنهمر و ترتاح حاولت تنطق بلعثمه : مجا..هدد..ما..ما !! ، جحظت عيونها بـ صدمه و ابعدتها من حضنها تمسك كتوفها و تنطق بصوت شبه عالي : وشفيه مجاهد !!! ، كانت خايفه هيفاء من منظر وجدان وزاد خوفها من نطقت اسم ولدها و رجولها ما عاد قادره تشيلها نطقت و الخوف مداهم قلبها و بصوت مرتفع : و شفيه مجاهد تكلميييي!!؟؟ ، توجهت لها بعدم توازن تمسك وجدان من كتوفها و تلفها لي جهتها و تنطق بغضب : اقولك تكلمييييي وشفيه ولدي !!!! ، حاولت تنطق و تردف بتلعثم : ف.ي المست..شفى ، ما قدرت تكمل او تسرد لهم ايش صار بتفصيل لأن وقتها انهمرت دموعها و طاحت على ركبها تبكي و تنهار و كأن تو رجع استيعابها ما قدرت تتحمل هذا المشهد الي شافته و انهمرت دموعها بـ حرقه و صوت شهقاتها تعلى ، نزلت لها هيفاء و أثار الصدمه تعتلي ملامحها و كأنها مو مصدقه ، عطتها كف بـ اقوى ما اعطاها ربي من قوى : انتيي السبب انتييي صحح!؟؟ ايش سويتي بـ ولدي تكلميي !!!! ، استوقفت بكيها بعد ما توجه لها كف قوي و تسبب بصدمتها اكثر من ألمها مسكت خدها بكفها المليان دم و تُردف بغضب و كأنها خرجت عن صمتها : كيف تتجرئي تمدي يدك علييي !!!! ، توجهت اصاله تسحب هيفاء من عند بنتها و يتوجهون البنات لي وجدان و يهدوها لأول مره من غضبها الشديد و هذي اول مره يشوفوها بـ هذي الحاله من مراحل الغضب ، وجهت كلامها هيفاء لي وجدان بكل غضب يحتريها : والله لو صار شي لولدي بتدفعي الثمن غالي يا بنت قاسم و تذكري كلامي ، اصاله ما قدرت تتحمل الأهانه لي بنتها اكثر و شدتها تلفها لي جهتها : تتهمي بنتي بكل قوة عين مين انتي عشان تهدديها او تتهميها الزمي حدودك يا هيفاء و ثمني كلامك عدل ، اشرت بـ سبابتها لي خارج باب البيت ناويه تطردهم : اطلعوا برا اطلعواااا ما وراك الا الشر ليت ما عرفتكم ولا جبتكم لي بيتي ! ، مسكت اصاله فك هيفاء بغضب : منتي هيفاء الي اعرفها بس تذكري كلامك الي توجه لنا ظلم لأن مارح اسامحك ، توجهت لي بنتها تقومها و تأمرهم يلبسون عباياتهم بيطلعون من البيت و حالن ، طلعوا لي باب الحوش و شافوا جدهم و ابوهم و عمهم وولد عمهم زيدان و استغربوا بعدم وجود شهاب و أسر تكلمت اصاله : وين أسر و شهاب ؟ ، ناظروا لها مُردف قاسم : اخذوا مجاهد للمستشفى ، تنهدت بطول نفس تردف : خلاص زيدان وصلنا للبيت و يا قاسم و يا عم ظافر و غازي روحوا لي عيالي و جيبوهم و بعدوهم عن المشاكل هذولا ما فيهم خير ، ناظر لها ظافر بستغرب : ليه علامك يا بنتي ايش حصل ؟ ، ضاق صدرها على بنتها الي حالتها انعفست بعد الموقف ولا هي عارفه الي حصل معها بس مستحيل تشك ببنتها و تربيتها : سالفه طويله بنعرفها لما نوصل البيت الحين خل اسر و شهاب يرجعون...