ما بعد حبك يا ضيا عيوني حبيب

آلـجـزء ٧

"حـلفـت مـا أحـب غـيـرك مـن الـبـشـر مـخـلـوق
يـا مـالـكٍ قـلـبـي تـرا الـقـلـب يـغـلـيك "

" عـطـيـتـك عـهـد مـنـي مـصـدوق و مـوثـوق
مـاحـد غـيـرك فـي حـيـاتـي يـسـاويـك "

- صـبـاح يـوم جـديـد بـيـت آل ظــافــر -
        الـسـاعــة ٩:٠٠ صباحاً

في المجلس كان الجد و قاسم جالسين يتحاكون عن ليلة البارحة
دخل عليهم شهاب بصوت جمهوري : السلام عليكم
ردوا عليه السلام : وعليكم السلام
الجد استغرب وجوده بينهم هـ الوقت العاده يكون بـ دوامه : غريبه يا شهاب مو العاده بـ دوامك ؟
مُردف : لا يا جد اليوم عندي أجازة  
ناظر لهم وده يفاتحهم بـ موضوعه الي شاغل باله طول ليلة امس : ودي اقولكم شغله
ناظر له قاسم مُردف : قول وش عندك
كانوا ينتظروا يفتح الموضوع : يا يبه ودي اكمل نص ديني
ناظر له الجد مبتسم : قول يا وليدي الي ببالي
تنهد و نطق : ديمة يا جدي ابيها على سنة الله ورسوله
فرح الجد و كان متوقع ان هي مو غيرها : اجل نشاور عمك و البنت
و يردون لك خبر
كان وقتها شعور الفرحة ما توصفه ينتظر بس موافقتها و تصير حلاله وتكتمل فرحته

- بعد مدة قليلة -

دخل عمه غازي : السلام عليكم ورحمة الله وبركاته
الكل رد عليه السلام : وعليكم السلام ورحمة الله وبركاته
الجد : حي الله بـ وليدي غازي
أبتسم غازي بـ استغراب من ابتساماتهم كأنه في خبر سعيد ينتظره : الله يحيك يبه ان شاء خير ؟
ابتسم الجد : اجلس أسمع ولد اخوك
جلس غازي بـ جنب شهاب و حط كفه على كتفه : وش عندك عساه خير
بلع ريقه مُردف : خير خير يا عم
لف جسده بـ اكمله له مُردف بـ تنهيده : يا عم جاي اتقدم لي بنتك ديمة على سنة الله ورسوله
أبتسم غازي : هذي الساعه المباركة وين القى احسن منك لي بنتي
بس تعرف لازم أشاور البنت عن رايها
نطق : تاخذ راحتها مو مستعجلين
و عكس كلامه ينتظر موافقتها بـ أحر من الجمر بس ما حب يبين استعجاله قدام عمه و يكنسل و كان كذا يدور بـ تفكيره...

- الــمــركــز -

دخل المركز بـ هيبته المعتاده و الكل يدق له التحيه بدخوله دخل مكتبه
و بعد عدة ثواني دق بابه مُردف : ادخل
دخل الضابط و دق التحيه : سيدي عرفنا موقع بيته و كل شي يخصه
ناظر له بـ حده : دلني له ودي اشوفه
كان وده يشوف اخوه بعد طول هـ سنين و وش غير حاله وصار مجرم بين السجون
توجه الضابط و مجاهد لي سجنه المنفرد
و شافه جالس وساند راسه بـ الجدار للأعلى مُردف بـ نبرته الحاده : ولد
ناظر له ببرود : خير ان شاء الله !!؟
أستحقر كلامه مجاهد و كأنه ما يشوف قدامه احد : ناوي تخيس بـ لحبوس اكثر من تهمة الخطف و تهريب المخ*درات
ضحك بـ استفزاز : ما عندي شي اخسره الي كنت خايف اخسره خسرته
رمقه بـ حده : و اهلك !!!
ضحك بـ هستريه : محد فيهم معطيني اهميه من بعد اخوي الي كنت سبب بـ اختفاءه و أختفاء فرحتهم
انصدم مجاهد من رده و عرف وقتها انه هو سبب بُعده طول هذي السنين عن اهله بس ما وضح صدمته و ملامحه كانت ساكنه امامه
رغم جوات جوفه يحمل  قهر و غل لي توأمه الي كان سبب بـ كل شي مر فيه مجاهد طول مرور هـ السنين
طلع من عنده بكل غضب يخفيه بـ داخله
و توجه لي مكتبه وقفله الباب بـ كل قوته وكان اذا عصب بـ معنى الكلمه ما يشوف قدامه بداء يكسر كل شي بـ مكتبه يفرغ غضبه بتكسير وكل هذا تحت مسامع الضباط الي خارج بدون محد يسترجي الدخول...