معليش على التاخير ويلا نبدأ
' عند غيد '
ضمت اخوها سند ودموعها بعينها ، الحين الساعه ٣ الفجر ، واخوها يبكي من الجوع!
طقت الباب بقوه لها ساعه تدق ولا احد يرد عليها أبداً ، حتى صوت سياف اختفى ! ، شالت هم سند وهم سياف ما تدري وش صار له ، دقت الباب باقوى ما عندها على امل يردون
وقالت بصوت عالي:- حرام عليكم الورع ماتتت ، عطونا على الاقل خبز يسك جوعههه! وش ذنبه !
وبكت بعد ما شافت ان محد رد عليها ! لفت على اخوها الي يبكي بصوت عالي دليل على جوعه وعدم تحمله له ساعه يبكي معقوله ما يسمعون ؟ ما عندهم قلب ؟ هم لهم ساعات ما ذاقوا شي ! اخر شي الماء الي شربته سند !
واخر شي لها هي وسياف الفطور الساعه ٤ !
يمكن صار لهم يوم كامل مو ماكلين شي !
بعد دقائق تنهدت براحه وهي تشوف سند من كثر ما بكى داهمه النوم ، مسحت دموعه الي جامده على خدوده ، توك ي سند الي بنشوفه اليوم راح يخلك تبكي لين ما يبقى عندك دموع !
' عند سياف '
ما يشوف الا ضباب والدنيا تدور وكل شي يشوفه دبل عدده الصحيح ، يحس باي لحظه بيغمى عليه ، قاعد يقاوم شي فوق قوته!
هو يا دوب يقوي نفسه عشان اخته واخوه مسح دمعه نزلت من عينه رغم ظلمة المكان وعدم تواجد احد معه ، الا انه لا يرغب بنزول دموعه !
مسح على وجهه وهو يقول بضعف:- تكفى ي رب ، والي بالخاطر ما تجهله !
ومضى وقته وهو رافع كفوفه ويطلب من ربه العون والصبر . . .
' الساعه ٥ فجر '
ناظرت غيد صحن العدس البارد وخبز المتيبس الي حطوه لها وهم يقولون:- اكلوها نخاف تموتون قبل تاصلون ديرة ضبابه وقتها وش يفكنا من الشيخ فهاد ' ابو وقاد '
بدت توكل سند وتاكل هي كم لقمه تقوي فيها نفسها ، شي اشوا من الا شي وهاذي الحمدلله نعمه غيرنا ما يلقاها ، خلصت وشربت ماء من الكاسه الي جابوه لها وهي مستغربه انها مويه نظيفه!
شربت سند وحمدت ربها يوم شافت سند روق مو مثل الليل ، تنهدت وهي تناظر الباب ما فيه اي خبر عن سياف !
' عند سياف '
كان امامه نفس الي عند اخته اكتفى باكل لقمات من الخبز بدون العدس ، وشرب الماء كامل ، منحد ياكل ويشرب عشان اخوانه ، والله لو انه لحاله انه ما يذوق شي من عندهم ولو على موته ، لكن لجل عين تكرم مدينه
وقف الحارس بعد ما فتح الباب وقال بحده:- يلا امش قدامي ، العرابنه تنتظرك !
وقف سياف وهو يحس انه بدا الجد وبدا الحرب بينه وبين اي احد يلمس اخوانه مستعد يدفع روحه لجل سلامتهم !
' عند غيد '
وقف الحارس وهو يشوفها تحتظن اخوها وقال بحقد:- ايدينك تعرف الحنيه وهي قاتله رجال بغير حق !
ناظرت فيه بحد ، كيف يقول بغير حق ؟
مو هو الي سوته دفاع عن النفس؟
يمكن لو ما دافعت تصير هي أو اخوانه محله ميتين ؟
أنت تقرأ
الحب ما يعرف قبيله ولا دين 💜 .
Randomبحرب بين ديرتين من اجل الاستولاء على الارض وقتل بعضهم البعض ، توجد بطلتنا " غيد " التي تعيش حياه جميله مع اهلها ولكن تتغير مجرى حياتها وتنقلب ظهرن على عقب ، لتجد نفسها بديره اخرى تحت رحمت اعداء ديرتها وتحت رحمت يدي بطلنا " وقاد " الروايه جديده باحد...
