نبدا لكن اتمنى منكم التفاعل ولو بتعليق بسيط 🌷💛 .
' الفجر الساعه ٥ عند قسم الجاريات '
قامت تصلي وقفت امام الحمام " اكرم الله القارئ" تنهدت بضيق من الزحمه الي عليه ، اذا على كذا بيجي الظهر وهي ما وضت ولا صلت ، الجاريات كلهم هنا بذا القسم ، وعلى حسب كلام صديقتها الظبي عرفت ان الجاريات من الفجر لين الساعه عشر مساء يشتغلون ببيوت اهل الديره واذا خلصو شغل رجعو هنا بالقسم!
لفت على الحريم الي يتهاوشون من تدخل الحمام اول!
تنهدت بضيق كل شي بذا المكان يكتم نفسها ، هي حتى ما تدري وش صار على سياف؟
الحين الفجر ولا جاها ادنى خبر عنه يريح بالها!
تخاف انه يتعذب او مات او صار له شي !
هي متاكده انه يحتاجها مثل ما هي تحتاجه لفت على الظبي الي تشيل سند ، ي عمري ي الظبي من يوم جيت وهي بس تحمل سند وتهتم فيه !
قالت لي الظبي بعد ما وقفت عندي:- افف ي ذي الحاله ، على الوضع ذا بنصلي الفجر مع الظهر مره وحده !
تنهدت بضيق:- تكفين احس بكتمه مو عارفه شصار على سياف!
حطت يدها على ظهري وهي تطبطب علي بابتسامة دافيه:- افا غيدتي ! ترا سياف قوي ولا تنسين الله معه ! ارتاحي . . .
هزيت راسي بهدوء وبحركه سريعه وقفت الظبي وهي تقول:- هجوممم الحمام انفتح !
ضحكت على وضعنا المزري حتى الحمام نتهاوش عليه ؟ ابتسمت يوم مر عليها طيف ذكرياتها مع اخوانها ايام العيد ! كانوا يتهاشون من يدخل الحمام اول واحد !
واخر شي يجي ابوهم ويصفقهم ويخليها هي اول وحده !
اااه ي يبه لو تشوف وش يصير بعيالك الحين ؟
والا اي وضع وصلوا ؟ حتى امي ما ندري اذا هي حيه ولا ميته !
بس السؤال الي يطرح نفسه لو هي حيه ليش مهوب موجوده هنا ؟ ولو هي حيه ليه يوم دورها سياف بين جثث الموتى ما حصلناها!
عندها امل ان امها حيه وانها هربت منه الديره ذي !
شافت الظبي تطلع من الحمام وتبعد النساء وتاشر لي عشان اجي ركضت لها ودخلت وهي طلعت عند سند تصلي . . .
' عند سياف '
ماد البوز شبرين بقرف كل شي هنا يخليه يشعر برغبه بالغثيان ، مكان مظلم وما فيه اي نوافذ او مداخل تهويه يكتم النفس من شناعة الريحه الي فيه !
لف يشوف مجموعة الرجل الكثيره هنا ؟
وللأسف ما حصل احد من ديرته ولا يشعر ان ذولا ناس طيبين ، يحس انهم خبيثين وبما انه حس فهو دوم يتبع احساسه !
لف على الشاب الي وقف يقول لهم بهدوء:- امشوا صلاه !
وقف سياف يبعد الغبار عنه نفسه وهو متقرف! كيف يصلون بمكان مقرف زي كذا !
راح جهت الحمام الي لحاله قصة قرف ثانيه ، توضى على السريع وطلع لا ينكتم من الريحه حط يده مكان جرحه ما يدري يداوي جروح جسمه ولا قلبه ؟
أنت تقرأ
الحب ما يعرف قبيله ولا دين 💜 .
Randomبحرب بين ديرتين من اجل الاستولاء على الارض وقتل بعضهم البعض ، توجد بطلتنا " غيد " التي تعيش حياه جميله مع اهلها ولكن تتغير مجرى حياتها وتنقلب ظهرن على عقب ، لتجد نفسها بديره اخرى تحت رحمت اعداء ديرتها وتحت رحمت يدي بطلنا " وقاد " الروايه جديده باحد...
