انا اعتذر على السحبه ، رجعت لكم ببارت جديد ، وشكراً على دعمكم وتحفيزكم الي
يلا نبدا
توقفت من المشي وهي تنزل الصندوق بتثاقل ، عجزت تحمله فهي تشعر بانتهاء طاقتها ، جلست بجانب الصندوق بعد ما شعرت بسواد كل شي أمامها ودوران قد لف عالمها . . . . .
وقفت بعد ما استعادة وعيها ، وش صار ؟
ما تردي كيف فقدت وعيها !
معقوله قلت اكل وراحه ؟
تنهدت بضيق مو وقتها تفقد وعيها هاذي فرصه ما تتفوت حتى تحصل اخوها !
تخاف ما تقدر تحصل فرص وتقابله لازم تبحث عنه مهما كانت العواقب !
تلف يمين ويسار كمن يبحث عن شي مهم
عقدت حوابجها باستغراب وهي تشوف الظبي تناظر فيها من مسافه ماهي بعيد ولا قريبه ، واول ما جت عيني بعينها ركضت هاربه كنها مسويه مصيبه !
مطت شفايفي بعدم اكتراث مو وقت التحقيق الحين الوقت اليوم عندي ثمين جداً
الحمدلله انها ما طولت وهي مغمى عليها ولا كان انجلطت صدق
مشت بتكاسل تحاول تبعده ، اتسعت عينيها بسعاده وهي تشوف مجموعة عبيد عرفتهم من لبس العبيد ، بدون تردد وبكل تهور مشيت بخفه خلفهم ، اكيد بيرحون لمكان فيه العبيد وراح احصل سياف !
ما يهمني لو راح اروح من عقب شوفته اعدام !
اهم شي اكحل عيني بشوفته لن صدق الشوق طغى وانا معد اتحمل البعد !
.
.
.
.
.
دخل مكتبه و وقاد خلفه
قفل وقاد الباب ولف لبوه وبدون مقدمات قال بكل ثقه دون تردد :- يبه انا بتزوج !
عقد حواجبه فهاد بصدمه فهو من سبع سنين وهو يقنع فيه يتزوج وكان يرفض ويعصب وش غير رأيه الحين وبسرعه رد قبل يغير رايه وقاد:- ي سعد قلبي عز الله انها الساعه المباركه ، مير وش غير رايك هالحين ؟
تكلم بلامبلاه:- يمديك تقول اني اقتنعت ؟ او اني شفت نفسي مستعد قلت ليش ما اتزوج ، مير عساك اقتنعت ؟
اتسعت ابتسامت والده فالفرحه لا توصف شعوره:- عقبال ما يهديك ربي وترضى بشيخه !
ثم كمل بسعاده اكثر:- بزوجك بنت الشيخ مناحي ! خويي واعرف تربيته ، بناته الكل يضرب المثل فيهن جمال ونسب واهم شي انهن بنات شيوخ وما يناسبون الا الشيوخ الي مثلك ! بقول لمك تختار الزين منهن وتزوجك ، انت الشيخ وقاد ولا يناسبك الا الزين !
يسمع كلام ابوه ويشوف حماسه على زواجه ولكن مع ذالك قال بكل برود:- من قال لك اني ابي اتزوج بنات مناحي ؟ انا ابي اتزوج غيد !
ثم كمل متجاهل صدمة ابوه:- قبل لا تعترض انا ما اقبل غير فيها ، واذا رفضت بكل بساطة انا برفض الزواج طول عمري !
أنت تقرأ
الحب ما يعرف قبيله ولا دين 💜 .
Randomبحرب بين ديرتين من اجل الاستولاء على الارض وقتل بعضهم البعض ، توجد بطلتنا " غيد " التي تعيش حياه جميله مع اهلها ولكن تتغير مجرى حياتها وتنقلب ظهرن على عقب ، لتجد نفسها بديره اخرى تحت رحمت اعداء ديرتها وتحت رحمت يدي بطلنا " وقاد " الروايه جديده باحد...
