بارت تعويضي 🌷💚
لف وقاد للجبل الي تاشر عليه اخته ذا الجبل اهل الديره يخافون منه يقال مسكون وكثير شهدوا على ذا الشي !
لمعت في رأسه فكره وتسعت ابتسامته من فكرته قال بابتسامه:- ازهليني بس!
مسكت يده برعب شديد وقالت بخوف :- لا وقاددد ، لا يكون بتروح ؟ انا قلت لك عشان ترسل احد من العبيد ، بس حماسك ذا ما يطمني !
ثم كملت بنفس الخوف وهي تشد اكثر على يده:- انت تعرف أن ابوي اذا درا انك رحت بيقوم الدنيا ويقعدها وراح اروح فيها انا وبقورتي ، تدري عن السوالف الي طلعت بذي الايام عن الجبل ذا ؟
فكنييي تكفي لا تروح !
ناظر في خوف اخته المبالغ ، مهوب غبي حتى يصدق تفاهات اهل ديرته الي طلعت بذي الايام . . .
أن فيه جنيه بيضاء الون في الليل ، وسوداء الون في الصباح في ذاك الجبل !
وكثير شافوها وحلفوا انهم رأوها ، حتى ان احد منهم اغمى عليه وغيره فقد عقله من رعب المنظر !
ابتسم وهو يسحب يده من اخته ويضعها على راسها:- أن قالها الله ي نوير لتجيك العشبه !
مهوب مهم اذا من طريقي ولا طريق العبيد ، الوكاد انها بتجيك وباذن الشافي تتعافى بقرتك !
اتسعت ابتسامت نوير وكانها بكلامه ملكت الدنيا وما فيها !
وهزت راسها برضى على كلامه وراحت تركض بسعاده وكانها فاته مراهقه !
" عند نوير "
كانت تركض متوجهه الى بقرتها مقرره تقعد عند البقره الى ما الله يزين الأوضاع وتجيها العشبه !
وقفت بخرشه من بعد ركضها وهي تسمع صوت ام مقتاد تصرخ عليها:- أنتِ علامك تركضين ؟ تبين اعلم الشيخ عليتس؟ وش حركات الوغدان هاذي ؟ ناسيه انك بنت شيخ ؟
ثم كملت بكره:- الشره مهوب عليك الشرهه على امك الي ما علمتك اصول بنات الشيوخ !
وراحت ام مقتاد وهي تتحلطم !
تنهدت نوير بضيق فهي محرومه منذ طفولته ان تكون على طبيعتها حقاً ومحرومه من اصغر احقوقها...
العب مع الاطفال ممنوع ، الدراسه للنساء ممنوع ، الخروج خارج المنزل ممنوع ، التكلم مع الناس الغرباء ممنوع ، الضحك بصوت عالي ممنوع ، الركض ممنوع ، الهمجيه ممنوع ، العشوائية ممنوع ، الابتسامه بدون سبب ممنوع ، تربيت حيوانات ممنوع !
وكانهم يقولون التنفس ممنوع . . . !
كل هاذا لان انا بنت شيخ مثل ما يقولون!
حياتي وكاني ربوت امشي على نظام هاذي الحياه غصب عني !
ودي اكون على طبيعتي ولكن ممنوع !
نظام يتكرر بشكل جعل كل من حولي يعرفوني كل تفاصيل النظام ذا !
ولكن قدرت اكسر بعض هاذي الانظمه ،
بتربيتي بقره ! بضحكي العالي ، بابتسامتي بدون سبب ، بهمجيتي المبالغ فيها ، وكلامي مع الكثير من الغرباء ، اقصد بالغرباء الجواري و العبيد لن ممنوع اخرج خارج حدود القصر !
أنت تقرأ
الحب ما يعرف قبيله ولا دين 💜 .
Randomبحرب بين ديرتين من اجل الاستولاء على الارض وقتل بعضهم البعض ، توجد بطلتنا " غيد " التي تعيش حياه جميله مع اهلها ولكن تتغير مجرى حياتها وتنقلب ظهرن على عقب ، لتجد نفسها بديره اخرى تحت رحمت اعداء ديرتها وتحت رحمت يدي بطلنا " وقاد " الروايه جديده باحد...
