#الاشوس
الكاتبة: ارين
تفاعلكُم ع البارت وتعليقاتكم بين الفقرات💋.
وألتجئُ من بؤس الحياة
إلى أحضانُ عيناكِ !
_____________________
روز
فتحت عيوني الصبح الاشوس ماموجود يمي نهضت من فراشي للحمام مارست اليوم عادي مثل كل الايام
الولد كلهم طالعين بس اني واذار بالبيت خابرت الاشوس گال عنده شغل والولد بالكافتريا
كملت شغلي واذار چانت بالغرفة تخابر ميرنا واني كاعدة اسوي الغدة
ندك الباب وطلعت للباب وكفت گبل لا افتحه صحت
روز ::- منو!
اجاني صوت رجال غريب
-انه خوية هذا الاشوس داز اغراض الكم
مسحت ايديني كلها مي وفتحت الباب ماحس غير الباب ندفع عليَّ بقوة مالحكت اصيح وكعت ارضي راسي احسه يفتر الباب نضرب براسي
فتحت عيوني مالحكت اشوف منو ولزمني واحد من وراي وكمم حلگي بوصلة اختنگت فتحت عيوني على وسعهن من شفت اكثر من شخص كلهم لافين يشمر على وجوههم ثنين دخلوا يركضون جوا وواحد لازم رجليني وشخص ماشفته بس احس بي لازمني من ورا ومكمم حلگي بقوة بوصلة
بديت اغمض وعيوني غوشن ماحسيت بشي بعد دخلت لظلام...
فتحت عيوني بتعب احس جفني ثگيل وراسي يريد ينفجر واحس اريد اتقيء نفسي تلعب
بلعت ريكي البابس وبديت اصحصح فتحت عيوني مكان معتم حاولت انهض بس حسيت على روحي مقيدة بـ سلاسل
حاولت اخلص روحي ماكدر صرت اصرخ من بديت اتذكر شنو صار واسحب ايديني بقوة
-اششوووووووووسسسس
نزلن دموعي المكان هدوء وغير صوت نباح الكلاب ماكو والسلاسل الي تضرب بالارض من اسحب ايديني
شهكت من سمعت صوتها تصيح باسمي..
اذار ::- رووززززز
سكتت لحظة اتذكر اذار چانت وياي بالبيت!! وينهاا جابوها وياااي!!!
روز ::- اذااااررر وينننچ
اذار ::- موجودة انه روز لاتخااافين، لك حقيرررر ويننككككك تعاااااال شوفني وجههككككككك كلببببب
روز ::- وين احنا اذاااار
صوتها بعيد عني وبيّ صدى عرفت هي بمكان بعيد عني بس مو كلش
اذار ::- ماعررف مااعررررف بس واضح منو الي جايبنا هناااا
احس عقلي فارغ ماكدر حتى افكر راسي يريد ينفجر رجعت تمددت ودموعي صارت تنزل وجسمي كله يرجف كلشي ببالي هو الاشوس
أنت تقرأ
الاشوس
General Fictionبين الظلم والطغيان، رجلٌ لا تهلكهُ الصعاب بين حُبٍ وهلاك. ذكرياتهُ تُقطعهُ ألى اشلاء ألا إنه صلب لا يهزمهُ ألإكتئاب ثلاث اشقاء إنكسروا من الصغر حتى أصبح لكُل منهم غاية غامضون لكُل منهم حكاية وحيدون اقوياء قاسيوون لُطفاء ظالمـون ابرياء ٭٭٭ انا...
