الدون چوان

الفصل الرابع عشر: ندى !

الفصل الرابع عشر :
ندى !!
★★★
لأول مرة من ساعة ما بدأ الرقم المجهول يكلمني …
انا اللي اقفل في وشه السكه …
وجريت لبست هدومي بأقصى سرعتي …
وإيمان سألتني وهي شيفاني كده متسربع :
في اي يا دوكتور ؟؟
مالك ؟
واي اللي جالك في المكالمة خلاك مش على بعضك كده ؟؟؟
قولتلها :
مش وقت اسئلة خالص يا إيمان …
البسي بسرعه ويلا بينا …
إيمان : هو احنا لحقنا يا دوكتور !!!
قولتلها وانا بلبس جزمتي :
بقولك مش وقته خالص…
ويلا بينا عشان نمشي من هنا …
قامت بتثاقل وهي زعلانه …
فقولتلها :
لو في ظرف دقيقتين مكنتيش لابسه …
هسيبك وامشي …
قامت بسرعه وقالت :
لا خلاص هلبس اهو …
انا يعني جايه هنا عشان اقعد مع نفسي …
سبتها تلبس هدومها ومسكت موبايلي …
دورت على رقم الموظف اللي في شركة الاتصالات اللي اداهولي عصام …
وقالي اكلمه بعد ما النمرة الأن-نون تكلمني علطول…
رنيت عليه …
وانا بستعجل الجرس يخلص ويرد …
كنت على اعصابي حرفيا …
مردش من اول مرة ..
زي متكون كل حاجه اتفقت عليا النهارده …
رنيت عليه تاني وانا بقول بعصبيه :
مترد انت كمان هو دا وقتك …
واخيرا قبل متفصل الرنه للمرة التانيه …
رد وقال: آلو!
قلتله وانا بحاول اظبط اعصابي :
الو …
أستاذ حسن معايا !!!
قالي:
ايوا يا فندم ..
مين معايا ؟؟
انا : انا الدكتور أيمن صديق الاستاذ عصام اللي بيشتغل في الجهاز القومي لتنظيم الاتصالات!!!
حسن : اه اه يا فندم ..
عصام كلمني عنك وعن طلبك …
انا : طيب حضرتك عارف المطلوب !!
حسن : ايوا يا فندم…
اديني بس نص ساعه وانا هكلمك …
نفخت وانا بقول :
تمام هستنى مكالمة حضرتك ويا ريت متتأخرش عليا !!!
حسن : لا يا فندم مش هتأخر ..
استأذن حضرتك دلوقتي هقفل واكلمك بعد نص ساعه…
انا : ماشي اتفضل ..
سلام !!
قفلت معاه وبصيت لايمان لقتها لسه بتلبس …
قولتلها بعصبيه :
انتي كل ده لسه مكملتيش لبس …
يلا احنا مش خارجين نتفسح…
قالتلي :
حاضر حاضر هلف الطرحه والله اهو خلاص …
قولتلها :
هسبقك على تحت وحصليني ..
وسبتها ونزلت …
حاسبت الفندق …
واستنتها في العربيه …
وانا ماسك تليفوني وبتصل بعزة مراتي …
رنيت عليها اكتر من مرة وهي مش بترد …
وفي الاخر قفلت تليفونها …
ايمان جت وركبت جنبي …
وطلعت بالعربية بأقصى سرعتي …
الطريق في العادي مش بياخد اكتر من عشر دقايق بين بيتي والفندق …
اخدتهم في اقل من نص الوقت ..
وايمان جنبي بتعيط وخايفه …
وانا مكنش في بالي اصلا …
كل اللي كنت بفكر فيه عزة مراتي…
لو الكلام المرادي بجد …
يبقى حرفيا انا انتهيت …
وجه في دماغي الف حوار ومليون صورة عن اللي ممكن يحصلي بعد كده …
الف صورة وحشه عن حياتي بعد كده…
ومصدقت وصلت …
نزلت جري من عربيتي وايمان ورايا على الفيلا ….
ودخلت الريسبشن لقيت صفا بنتي قاعده…
اول مشافتني جت جري عليا وحضنتني وقالتلي :
بابا حبيبي …
وحشتني اوي …
حضنتها وقولتلها:
وانتي كمان وحشتيني يا قلب بابا …
صفا : تعالى بقا اقعد معايا شويه …
انت واحشني موت …
ووحشني القعده معاك …
دخلت ايمان علينا …
فبصت عليها صفا وهي بتقولي :
مين دي يا بابا ؟
انا : دي ايمان الممرضه بتاعتي …
مدت ايديها سلمت عليها وهي بتقول :
اهلا ازيك …
ايمان : الله يسلمك …
حمدالله ع السلامه …
صفا : الله يسلمك …
وبصتلي وقالت :
مقولتليش من بدري يعني ان الممرضه بتاعتك حلوة وقمر كدا يا سي بابا …
ابتسمت ايمان وقالتلها :
دنتي اللي عسل والله يا صفا …
بصتلها وقالت :
ميرسي …
بصتلها انا وقولتلها بلهفه :
ابقوا اتعرفوا وارغوا بعدين …
قوليلي الاول …
مامتك فين ؟
قالتلي :
ماما خرجت ..
انا : خرجت ؟؟!...
خرجت راحت فين ؟؟؟
هزت صفا كتافها وقالتلي :
قالت رايحه عند جدو تقعد يومين عشان جدو تعبان شويه…
قالتلي اروح معاها بس انا قولتلها هستنى بابا ونبقى نروحلهم سوا بكره …
بانت الصدمة على وشي وانا ببص لايمان وبقعد على الكرسي:
جدو !!!
هي قالتلك كده ؟؟
صفا : اه هي اللي قالتلي كده …
قعدت ايمان في وشي وقالت :
طب حبيبتي ممكن تجبيلي كوباية ميه !!
صفا : اه طبعا من عيوني !!؟
وسابتنا صفا وراحت ناحية المطبخ …
وايمان قربت مني وقالتلي بصوت واطي:
هو في اي يا دوكتور ؟؟
قولتلها : مصيبه يا ايمان ؟؟
مصيبه وحطت على دماغي …
ويمكن على دماغنا احنا الاتنين !!!
ايمان قالت بخوف :
مصيبة اي؟؟
قولتلها :
بما ان كل حاجه وصلت لعزة …
يبقى هقولك …
الرقم اللي بيكلمني طلع بيبتزني ومصور كل حاجه كانت بتحصل في العيادة …
وبعت الفيديوهات لمراتي …
خبطت ايمان على صدرها وقالت :
فيديوهات ؟؟
فيديوهات اي يا دوكتور ؟؟
بصتلها بعيوني ومردتش …
بدأت تلطم وتعيط بصوت واطي وقالت :
يعني اتفضحنا…
وانا روحت في داهيه ..
قولتلها :
روحنا في داهيه …
دخلت علينا صفا وهي شايله صينيه عليها عصير ومايه وحطتها قدام ايمان اللي كانت بتمسح دموعها بصوابعها وبتخبيها عن صفا …
حطت صفا الصينيه قدام ايمان وهي بتقول :
عملتلك كوباية عصير …
اتمنى تعجبك …
مرفعتش ايمان عينها وقالت :
متشكره …
بصتلي صفا وقعدت جنبي وهي بتقولي بصوت واطي:
في اي يا بابا ..
مالها طنط ايمان ؟؟
انا : مفيش يا قلب بابا …
قالتلي وهي بتقوم :
طب انا هدخل اخد شاور وارتب بقية حاجتي ..
وعيزاك تفضالي بقا عشان انت واحشني ..
ابتسمت وقولتلها :
حاضر يا حبيبة بابا …
اخلص بس مع طنط وهفضالك طول الليل …
ابتسمت وقالت :
طب عن اذنكم بقا ..
وسابتنا وكانت ماشية ناحية اوضتها …
وبعدين وقفت ورجعت قالتلي :
اه صحيح يا بابا …
في طرد صغير حالك وماما بتقولك هي سيباهولك على الكومودينو فوق …
قمت منطور من مكاني بسرعه وقولتلها :
في اوضة النوم …
صفا: اه …
انا : طيب يا حبيبتي …
ادخلي انتي رتبي حاجتك …
وشاورت لايمان وقولتلها :
يلا بينا احنا نفتح الطرد ونكمل شغل عليه …
وطلعت فوق انا وايمان …
وبمجرد مفتحت اوضتي جريت على الكومودينو …
لقيت عليه صغيرة لونها اسود…
فتحتها …
لقيت جواها تلات فلاشات صغيرين …
اخدتهم وسحبت اللاب توب بتاعي …
وطلعت انا وايمان بلكونة اوضة النوم …
قعدنا على الترابيزة اللي فيها …
مسكت الفلاشات…
وبصيت فيهم …
كان كل فلاشه عليها ستيكر …
والاستيكر عليه حرف …
غريبه ؟؟
حطيت اول فلاشة في اللابتوب…
كانت عليها حرف الإيه ( A ) …
شغلتها …
كان عليها الفيديو بتاعي انا وإيرين مرات إيزاك …
غريبه مع ان إيرين بحرف الإي ( E ) …
طلعتها ومسكت تاني فلاشه وركبتها في اللابتوب…
كانت عليها حرف الإس ( S ) …
شغلتها كان عليها فيديو العلاقة اللي حصلت بيني وبين نادين …
اللي قالتلي ان اسمها سمر …
غريبه …
ليه مصمم على اسم سمر مش نادين ؟؟؟
وطبعا اخر فلاشه كانت عليها حرف الإف ( F ) …
كان عليها كل تفاصيل العلاقة اللي حصلت بيني وبين فايزة مرات حازم …
لفيت شاشة اللابتوب ووجهتها ناحية ايمان …
اللي بصت للشاشه وفضلت تلطم وتعيط …
لما شافت الجزء اللي هي بتنضملنا انا وفايزة فيه وبتمارس معانا…
وفضلت تبكي وتقول :
يا نهار اسود يا نهار اسود عليا …
دا كل حاجه في الفيديو ياوكتور …
دنا خايفه من اهلي ليقتلوني لو عرفوا ان خطيبي هاني فتحني …
اومال لو شافوا الفيديو ده …
هيدبحوني …
وفضلت تبكي وتلطم …
وانا قولتلها :
ممكن تبطلي عياط خلينا نفكر بهدوء ..
قالتلي :
نفكر اي بس يا دوكتور …
هي دي محتاجه تفكير …
انا اتفضحت …
انا احسنلي اقتل نفسي …
وانتحر قبل ما حد يعرف والفيديو ينتشر …
قولتلها :
ممكن تهدي بقا ..
هما مش عايزينك ولا انتي في دماغهم اصلا …
هما عايزين يقضوا عليا انا …
وخلاص اللي عايزينه حصل …
ايمان : هما …
هما مين دول يا دوكتور …
ابتديت افكر …
ورجعت بتفكيري لورا شويه …
فلاش باك ..
الفصل الثالث…
مكالمة الرقم المجهول ليا وانا في العربيه :