I Hate You ♡ Taekook ♡ 🄾🄽🄶🄾🄸🄽🄶

12

ටේහ්‍යයුන් ගෙ කාමරේ හරිම නිහඩයි. හතර දෙනාම ඉදගත්ත තැන්වලම උඩ බලාගෙන හිටියෙ. හරිනෙ ඉතින් ආසාව. ඕන්නැති දේවල් කරන්න ගිහින් තව පොඩ්ඩෙන් හොදවයින් අහගන්නවා. ජන්කුක් ගෙ අප්පා පෝන් එක අරන් කවුද මේ කතා කරන්නෙ කියලා ඇහුවාම සෙට් එකටම කටඋත්තර නැතිවුනා. කොහොම හරි ටේහ්‍යයුන් wrong number එකකට අරන් තියෙන්නෙ කියලා වැඩේ ශේප් කරගත්තා...

" ඒ කාගෙද බම් ඒ අතිවිශිශ්ට උත්කෘෂ්ට ශ්‍රේෂ්ඨ උදාර අදහස"

යොන්ජුන් අහනකොට ටේහ්‍යයුන් ඇහුන් නෑ වගේ පොතක් පෙරලන්න ගත්තා.

" මන් කිව්වානෙ උබලට එපා කියලා... කොහෙද එකෙක් මන් කියන දෙයක් අහන්නෙ නෑ නෙ."

" දැන් මොකුත් ප්‍රශ්නයක් උනේ නෑ නේ මින්ගු. බොරුවට කෑගහන්න එපා... හරි යමක් සිදු වුනා තමයි දැන් ඒක ඉවරයි..."

ටේහ්‍යයුන් කියලා ඉවර වෙනකොටම යාශ් ගෙ පෝන් එකට කෝල් එකක් ආවෙ හතර දෙනාම ගැස්සිලා යද්දි. මොකද දැන් ටිකකට කලින් ජන්කුක් ට කෝල් කරේ යාශ්ගෙ පෝන් එකෙන්. යාශ් පෝන් එක අතට අරන් බලාන ඉද්දි අනිත් තුන්දෙනත් කටවල් අරගෙන බලාන හිටියෙ කවුද කෝල් කරන්නෙ කියලා දැනගන්න. අන්තිමට යාශ් ගොන් හිනාවක් දාලා " ඔම්මා කතා කරන්නෙ" කියලා කිව්වාම තමා අර තුන්දෙනා හුස්ම පාතට දැම්මෙ. යාශ් ඔම්මට කතා කරලා ඉවර උනාට පස්සෙ කට්ටියම පල්ලෙහාට ගියා කෑම කන්න.

කෑම කාලා මුලින්ම කාමරේට ආවෙ ටේහ්‍යයුන්. එතකොටත් එයාගෙ පෝන් එක රින්ග් වෙන ගමනුයි තිබ්බෙ. ටේහ්‍යයුන් පෝන් එකත් අරගෙන බැල්කනියට ගිහින් කෝල් එක ආන්සර් කරා.

" හෙලෝ ජන්කුක්..මොකද මේ මහ රෑ මතක් වෙලා තියෙන්නෙ."

ටේහ්‍යයුන් මොකුත් නොවුන විදිහට කියලා දැම්මා.

" මන් මේ ගත්තෙ හාල් කිලෝ එකක් කීයද කියලා දැනගන්න."

ජන්කුක් කියලා දාද්දි ටේහ්‍යයුන් ට හිනාගියා.

" ඔයාට වැරදීමක් වෙලා ජන්කුක්. අපේ ශොප් එකෙ හාල් විකුනන්නෙ නෑ."

" එහෙමත් එකක්ද. තමුසෙලාට හෙන ආතල් නේද මහ රෑ මිනිස්සුන්ට වද දෙද්දි."