بنت إبليس

الجزء ٢٦

مش عارفه انتوا ليه ظالمين زينب دى حتى لطيفه وكيوته وقلبها قلب خصايه..ولو مش مصدقين اقرأوا البارت ده.
&&&&&&&&&&&&&&&&&&&&&
مدير الفندق للموظفه: اتصلى بالنيابه حالا ويا امن اتحفظوا عليه لحد ما تيجى النيابه تقبض عليه
يوسف: هيا دى مفاجاتك يا زينب عملتيها يا زينب عملتيها يا بنت إبليس.
مدير الفندق: اتفضل معاهم من غير شوشره ولا فضايح.
يوسف بخوف: هتاخدونى على فين ؟
مدير الفندق: هنروح مكتبى لحد ما تيجى النيابه.يالا لو سمحت امشى معايا بهدوء.
يوسف: معادش يفرق يالا.
ومشى معاهم وبعد خطوتين بالظبط سمعوا صوت من وراهم.: على فين؟
إلتفت يوسف بسرعه وقال بسرعه ولهفه:هيا دى هيا زينب مراتى  كنتى فين ؟رحتى فين؟ وليه مشيتى؟ وليه تليفونك مقفول ؟ووتعملى فيا انا كده!؟ انا مش قلت لكم إنها....
زينب بهدوء: اتأخرت ليه يا يوسف انا قاعدة مستنياك من بدرى.وبعدين انت رايح فين ؟
وبعدها وجهت كلامها لمدير الفندق: انت واخده ورايح فين؟
مدير الفندق: الاستاذ مدفعش مدة إقامته هنا ف...
زينب بصوت عالى: فا إيه ؟ هتجيب له الشرطه هتسجنه !ها انت مش عارف بتتكلم مع مين؟ وبتتعامل مع مين ؟إزى تتجرأ وتعمل كده
مدير الفندق بخوف: انا أسف يا فندم بس
زينب بصوت أعلى: بس إيه هو إيه التسيب إللى في الفندق ده
وبعدها وجهت كلامها لموظفة الريسبشن: انتى مش عاندك حجز الجناح الملكى لمدة عشر ايام باسم شركه (...) للمقاولات
بصت الموظفه في الكمبيوتر وقالت بقلق: ايوه يا فندم بس
زينب: بس إيه انتى كمان هو مش الفندق ده مضى عقد مع شركتى بانها هتتولى عملية إصلاح وتجديد المبنى القديم التابع للفندق وكان الإتفاق ان فاتورة اقامتنا في الفندق هتخرج باسم الشركه وتقيد تبع حساب الشغل ما بينا.
بصت الموظفه لمدير الفندق وقالت بتوتر: الحساب فعلا مكتوب باسم الشركه بس. مش متحدد طريقة الدفع.
زينب: مش غلطتي انكم أغبيا ومش عارفين تمشوا شغلكم احنا بينا اتفاق وعقود وفيه شرط جزائي وانا هاعتبر تصرفكم ده إحلال بالعقد وهوديكم في ستين داهيه
المدير بقلق: احنا اسفين جدا يا فندم
زينب بعصبية: وأصرفها منين اسفين دى لما البيه يقفل الحساب تعملوا معاه كده
مدير الفندق: احنا اسفين جدا يا هانم اسفين جدا يا بيه
زينب: وأعمل إيه بأسفك ده.. ده هيعوض يوسف بيه عن الإهانه إللى تعرض لها والا الفضايح إللى عملتوها له.
مدير الفندق: انا مستعد لاى اجراء يرضى يوسف بيه.
فبصت زينب ليوسف وقالت: إيه اللى يرضيك يا حبيبي ؟
يوسف: انا عايز امشى من المكان ده وبس.
وجهت زينب كلامها لمدير الفندق: غير انك هتعتذر ليوسف بيه انت وكل الموجودين هنا فإنت بنفسك إللى هتوصلنا
مدير الفندق: هودعكم بنفسى لحد باب الفندق
زينب: هتوصلنا انت بنفسك لحد المطار بأفخم عربيه عندك.
مدير الفندق: نعم
زينب: وانت إللى هتسوقها وانت اللى هتنزل لنا شنطنا كمان.وده ابسط عقاب لك لانى بس مستعجله ومش عايزة اتاخر على الطيارة يالا بسرعه.ووقفت جنب يوسف إللى مسك فيها بقوه وكأنه طفل تاه عن أمه وفجأة لقاها.
&&&&&&&&&&&&&&&&&
ركبت جنبه في الليموزين وبتضحك بصوت عالى
يوسف: مفيش حاجه تضحك على فكره
زينب: كل ما أفتكر شكلك وانت واقف والأمن حواليك أفطس من الضحك.
يوسف: لا والله وإيه إللى يضحك في كده ؟
زينب: مقصدش بس انت كان وشك اصفر ودمك هربان وحالتك حاله عامل زى إللى وقع في مصيبه ومش عارف يخرج منها هاها هاها
يوسف بجديه: بس هو ده إللى حسيت به فعلا
زينب: مش للدرجه دى يا يوسف وبعدين ما انا كنت هاجى وأخلصك زى ما جيت دلوقتي.......
((وبجديه))يوسف انت ظنيت انى هاغدر بيك.
يوسف:..... 
زينب : رد عليا يا يوسف ظنيت انى هاغدر بيك
يوسف : قلتى هاعملك مفاجأة فتختفى وألاقينى لواحدى ومطلوب منى مبلغ كبير عايزانى افكر في إيه
زينب بجديه: يوسف هو إنت بتشك في حبى لك....للدرجه دى مش مصدق انى بحبك
يوسف: انا اسف يا زينب بس الموقف كان غبى أوى وأنا كنت متلخبط انا اسف متزعليش منى وبعدين إيه يا عم الشخصية الجامده دى ده انتى خليتى مدير الفندق ركبه تخبط في بعض
زينب: طبعا هو أنا شويه
يوسف: لأ وتجبريه يشتغل لنا سواق دانتى جبروت.إلا إيه حكايه المطار دى احنا ليه رايحين المطار
زينب: ماهى هيا دى مفاجأتى لك اننا هنرجع مصر بالطياره وتذاكر((vip)) درجة رجال الأعمال كمان حسيت انك هتكون مبسوط عشان كده حجزت لنا التذاكر.دى
مسك يوسف ايدها وباسها: انا أسف بجد يا زينب لأنى ظنيت فيكى حاجه وحشه وانتى بتعملى كل محاولاتك عشان تسعدينى
زينب: بتحبنى يا يوسف
يوسف: بحبك اوى يا زينب
&&&&&&&&&&&&&&&&&&
بسيوني:: اطلع بره يا سيد واوعى أشوف وشك
سيد : هتزلنى عشان انا في بيتك
بسيوني: أه هزلك انت في بيتى وانا حر ومش عايزك هنا يالا اطلع بره.
سيد: طب ادينى فرصه واحده عشان خاطرى ولو مانفعتش ابقى اعمل فيا إللى يعجبك
بسيوني: وليه اتعب نفسي اطلع بره وخلاص
سيد: يعنى اروح فين يعنى
بسيوني: مش مشكلتى روح على القهوة عند الجامع تحت الكوبرى روح في اى حته وخلصنى
سيد: طيب خلاص ادينى اخر فرصه ولو ماعرفتش هبقى اروح هناك ماشى
بسيوني: فرصه إيه دى ده انت معرفتش تلف ورق الكرنب هتعرف تلف ورق العنب
سيد: جربنى بس المره دى وهركز معاك أوى
بسيوني: ماشى احنا بنلف الورقه بنخلى الوش الناعم بره والخشن جوه وبنحط فيها شويه رز صغيرين ونقفل الجوانب كده ونلف الورقه كده حلو عشان يبقى ماسك نفسه والرز مايخرجش شايف الصباع حلو وصغير إزاى
سيد: ده أنا لو قعدت عشر سنين عمرى ما هلفه زيك
بسيوني: يبقى تطلع بره على ما أخلص المحشي ولا اقول لك  الحوض جوه مليان مواعيين وسخه خش اغسلهم واعمل لنا كوبايتين شاى.
سيد: يعنى انا بعمل كل البدع عشان ما اغسلش المواعين وبرضوا تخلينى اغسلهم.
بسيوني: شوف يا سيد طبخت او ما طبختش برضوا هتغسل المواعين وبرضوا هتعمل لنا الشاى فاقوم اعملهم دلوقتي على ما اخلص المحشي
قام سيد وهو متدايق: ربنا على الظالم والمفترى.
بسيوني: بتقول حاجه يا سيد.
سيد: لا يا حبيبي ده أنا بقول تسلم ايدك على المحشي.
بسيوني: طيب بسرعه اعمل الشاى
&&&&&&&&&&&&&&&&&
دخلت العربية الڤيلا
زينب: ياااه اخيرا الواحد مابيرتاحش إلا في بيته تصدق وحشتنى الڤيلا اوى وانت صح
يوسف: يعنى مش أوى المهم هنعمل ايه النهارده
زينب: شوف يا حبيبي انا هاخد دش طويل أوى وهسترخى في البانيو يجى ساعتين كده وبعدها هنام نوم عميق
يوسف: ليه هو احنا كنا بنحارب ده احنا كنا في اجازه
زينب: مانت مش عارف ده احنا من بكره هنطحن في الشغل وكل الأجازه دى هتيجى على دماغى.
يوسف: بس تصدقى كانت اجازه حلوه
زينب: طيب ايه رأيك نفضى كل جمعه في الجناح الملكى في الفندق
يوسف::الفندق ده لا يمكن أحط رجلى فيه تانى.شوفى انا انام في عشة الفراخ وماأنمش في الفندق ده.
زينب: انت الخسران لأنى كنت هوكل لك مسؤولية تجديد مبنى الفندق القديم
يوسف: لا شوفى اى حد غيرى لكن فندقك ده لا يمكن
زينب: طيب يا حلو أقول للطباخة تجهز الغدا قبل ما انام على نفسى
&&&&&&&&&&&&&٥٥٥&&&&
في اليوم التالي لبس اشيك بدله عنده وراح الجراچ وركب اشيك وأفخم عربيه هناك وركبها لانه قرر يزور أهله
واول ما دخل الحاره حس بإحساس غريب حس بإنه بقى قوى بقى كبير
خبط على الباب وأول ما فتحت له أمه الباب بصت له بإنبهار وقعدت تزغرط.
رجاء: بسم الله ماشاءالله الله أكبر عليك يا حبيبي
حضنها يوسف وقال: إزيك يا ماما وحشتيني اوي عامله ايه يا حبيبتي
بدأت رجاء تبكى وهيا في حضنه: هونت عليك يا يوسف هنت عليك ماتسألش عنى كل ده
يوسف: كنا في شهر العسل ولسه  واصل امبارح .انا إللى هنت عليكى ما تحضريش فرحى انا إللى هنت عليكوا تخلونى وحدانى في فرحى
رجاء: غصب عنى والله ابوك حلف عليا يمين الطلاق لو رحت الفرح انا أو أى حد من اخواتك.المهم طمنى عليك عامل ايه مرتاح مع بنت إبليس قولى عامله معاك إيه؟
يوسف: يا ماما اسمها زينب مش بنت إبليس وبعدين دى بتحبنى اوى وتتمنى لى الرضا أرضا
رجاء: زينب او بنت إبليس الإتنين واحد بس هقولك خد بالك منها دى عامله زى التعبان تلف وتلدع..
يوسف: إيه يا ماما الكلام ده دى مراتى
عبد الكريم: زعلت ليه من كلام أمك ماهى قالت الحقيقة.
راح يوسف له وكان هيحضنه بس منعه عبد الكريم: بابا وحشتنى أوى
عبد الكريم: جاى ليه يا يوسف
يوسف ' جاى اشوفك واشوف أمى واخواتى
عبد الكريم: انا قلت لك مالكش مكان عندى
يوسف: ليه يا بايا بتبعدنى عنك وعن اخواتى ليه ليه عايز تحرمنى من أمى واخواتى
عبد الكريم: انت بتسألنى ليه؟
يوسف بقوه: ايوه بسألك ليه ؟ انا عملت ايه يعنى اتجوزت على سنة الله ورسوله يعنى ماعملتش حاجه غلط
عبد الكريم: وانك تكسر كلمتى وتتجوز واحده انا مش موافق عليها ده مش غلط
يوسف: لأ مش غلط عشان دى اختياري وأنا حر في اختيارى
عبد الكريم: ومبسوط من اختيارك مبسوط معاها.
يوسف: ايوه يا بابا مبسوط اوى
عبد الكريم: ماهو باين من البدله الشيك والعربيه الكبيره إللى تحت.اشترتك بالفلوس يا يوسف.
يوسف: إيه اشترتنى دى ليه يا بابا انت شايفنى
صغير للدرجه دى.
عبد الكريم: عشان انت مصغر نفسك
يوسف: لا يا بابا انا كبير وكبير أوى على العموم يا بابا انا كده اطمنت عليك خلاص انا ماشي.
رجاء: على فين يا يوسف ؟
يوسف: هروح شغلى احسن لى وابقى سلمى لى على اخواتى.وسابهم وخرج
&&&&&&&&&--&&&&&&&
في الشركه
حسين: حمد لله على السلامه يا عريس
يوسف: الله يسلمك .
حسين: احكى لى احكى عملت ايه يا شقى شكلك خربتها
يوسف: وعايزنى احكيلك إيه يا ولا اجرى اجرى مبقاش غيرك انت إللى أحكيله.
حسين: ماشى يا عم الله يسهل لك.
يوسف: مالها الشركه كده هاديه وساكته كده
حسين: هو إنت مش عارف ان المدام عملت اجتماع مع رؤساء الأقسام كلهم
يوسف: لأ معرفش
حسين ': اخص اخص واضح انك مش مسيطر
يوسف بغضب: مسيطر ايه وزفت ايه مش المفروض اكون معاهم في الاجتماع ده إزاى تعمله من ورايا.
حسين: اهدى بس وقولى رايح على فين؟
يوسف بغضب اعمى: رايح  لها اجتماعها وأشوف إزاى ماتعملش ليا اعتبار
وخرج بسرعه وراح على غرفة الإجتماعات وفتح الباب و.....