انا والمشوه

السابع

كُنت أقاوم وحدي فلا تخبرني أننا أصدقاء...

#انا والمشـّوه

#علقو بين البارتات لاتنسون النجمة

__

شمس... كعدت الصبح وجهزت نفسي ، لبست فستان ناعم اخذلتي أيا رانيا من كم يوم... هو وكم قطعه ملابس .. وشغلات نسائيه.. واحذيه.. بصراحه
مجنت اعرف بس گايل الها صگر تجيبلي ملابس ... ومنطيها فلوس..
عود هَو كايلها لا تكولين مني! بس هيَ تكول ما كدرت اضم هيج سالفه...
تظل تآگَل بيه ومن احجيها ارتاح... وصتني ما أحجي ويضل سّـر ... لأن اذًا عـرف ... عيب ويزعل مني... ما ردت اكول اني هم لأن استحي ..
منه .. بس ذوقها حلو لأرنيا .. ياريت لو اكو مرآيه حتى اشوف نفسي
بس بالشقه ماكو ولا وحـده .. واني اعرف السبب اعتقد حتى ميشوف
وجهه .. عدلت فستاني ولبست حذاء بـوت.. ويأ .. لونه للفستان ابيض بس عليه رسـومات بالورد... وقماشه شتُوي وناعم حلُو ونازك ... مشطت شعري وتركته مفتوح واخـذت ستره شتويه ويايه ... لان طالعين اليوم
نسوي جوأز ونـشوف البيوت حتى اشوف مصير البنات... فتحت الباب وطلعت لكيت جاز كاعد بالباب صاله واغنيه لفيروز مشغلها صگر..
وهو ماكو ! رحت للمطبخ واني اشوف الريوك بالطاوله .. والجـاي يغلي بالقوري الشفاف ... طفيت النار وشلته للقوري وصبيت بگوبي وبكُوب صكر ... سمعت صوت الباب الخارجي ينفتح !

" مـ منو ! صكر هذا انت !" صرخت متلعثمه
اجاني صوته " اي هذا انه لا تخافين " تنفست برأحه واني اسمع صوته...
طلعت من المطبخ ورحت إله .. شفته لابس بدي اسود طويل .. وبيده جريده
وخبز بعلأگه .. رفع شعره ليفوك بأهمال .. " وين جنت!؟" سالته
انتبه عليه ودأر وجهه ... عيونه الحـاده ركزت بفستاني من فوك ليجوأ
بنظرات جامده .. بلعت ريقي بتوتر واني اشوفه عيونه تركز بعيوني..
" ما عندج غير هذا الفستان؟!" سالني بجمود...

عقدت حآجبي "ليش عندي ثانيه جابتلي رأنيا " دنگت عليه " ليش شبي محلو عليه" ما سمعت جوأبه رفعت وجهي إله.. واني اشوف يقترب مني...
بخطوات هادئه .. رجعت للورأ واني اشوف وجهه عن قرب يخوف اكثر...
" غيري لان حـلو " اختصر ورأح للمطبخ ... ضليت واكفه مني ! شقصده !
لحظه! ديتغزل! هزيت راسي طارده هاي الافكار! ورحت ورأ للمطبخ لكيته
لگـيته ديسوي بالخبز اجيت اكعد بس وكفني صوته" غيري كـتلچ"
درت وجهي عليه ... " بس حلو حرمات اغيره !" قاطعني وهو يلتفت عليه بطوله وضخامه اكتافه هامس بجمود" غيري وتعاي تريگي ، قبل ما يبرد الجاي ورأنه طريق طويل للسفاره "

جانت نبرته ممنوع النقاش! واذا تحجين معناها اليوم منطلع! اجيت احجي
بس عقد حاجبه بغضب ... استسلمت ورحت غيرت الفستان ... ليش هيج يسوي! بصراحه مو اول مره... بـس هالمره عبالك بيها نبرة امِر ... طردت هاي الافكار من بالي ولبست
وبقيت بنفس الحذاء... وطلعت رحت للمطبخ وكفت كدأمه " ها وهذا! بس لا تكولي غيري!" رفع عيونه إلية .. وحسيته همَ مقابل
لأن تأخربالرد... " ها ! شنو رايك!" سالته...
" اني اكول تعاي اكـلي قبل ما اغير رأيي من جديد" رحت كعدت ركض كباله ... وتريگنه وعزلت المواعين اني وخليهتن بالسنك...
ومن ارجع اغسلهن .. وطلعنه ... بصراحه اول مره اشوف روسيا
لأن من وصلت لحد هسه واني يمَا محبوسه بالقفص لو بيت صكر
ما اطلع... نزلنا لشارع واني اشوف جمالها لهاي المنطقه
الرأقيه... متغطيه بالثلج الخفيف والبيوت عباره عَن جمال
واحلى شيء بيهن مصنوعات من خشب اعتقد...