انا والمشوه

الحادي والعشرون

چـذاب الـيحـب عـيـونـك بگـدي ..🖤

#انا والمـشّوه،

#علقو بين البارتات لاتنسون النجمة

~~~~

اسطنبول،،،،
شمس،الخوف لحظات التوتر! القلق النفسي، الإرتباك الخُوف منِ القادم،
خلتني مَا افكر غيَر بسَ بأهلي، شحالهم هسه! عليَّ... آكيـد ديمُرون بالآنَي... دأمّر بـّي حاليًا .... اتمنى اطير الهم وأركض على حظن إمي...
واخلص منَ هالهمّ وجع گلبي... عرفت كُلش زين انوْ الإنسان ما يرتاح
ولآ يعرف طعمها ، مثل ما يكولون يـوم الك ويـوم عليك....مَسحت دموعي وأني اسمع صُوته أجاني....

صكر، شمس!!
گمت عليَّ وأني اركض.. شمّرت روحي بحظنه.. وأني أشهك ... "تأخرت صكر تأخرت!" ضمني لصـدره بقوة ..حـّسيت بجسمي ارتخى بين دفُوِ صدره واحظانه" أسف يابه بس گوليلي شمس !" وخرني منَ حظنه ليضّم وجهي بين أديانته " انتي بخير ؟صار بيج شي!" انتبه على الدمّ بالملابسي!
وأديه" هاي شنو!! بيج شي ! صار عليج شيء؟" هـزيت راسي بـ لا...

" لا تخاف مبيه شي، بسَ! بس ساره اقصد هذه دم ساره" بجيت
عقَد حاجبه ليمسح دموعي ، طابع شفايفه على جبيني وخـدي... ليضمني مره ثانيه بقوه.. رفعني منَ الارض وأني احاوطـة مِن رقبته ... "خفت عليچ!موتيني من الخوف، زلمه شكبرني خليتني آرجف طول الطريق خفت لآ يصير بيّج شيء ليش هيجي ، فـوك قهرني إنوب تجين تقهريني" شمّيت عطره وآني اغمض عيوني... هالعطر صـارلي هوايه محرومه مـّنه...
حسيـّت بشفايفه على رقبتي، وشعري...أقشعر جسمي بالكآمل.. وآني احّس بشفايفه تطبع بوُسات خفيفه رقبتي، گتفي....

" صـ صكر! احنا بالمستشفى" همست وأني ارجف، وخُرني من حظنه...
" احترك صكر" عض شفته بقهر، ليچرني منِ أيدي... مگعدني علَى الكرسي... نـازع سترته ملبسني أياها..." مَا سالت على وضع ساره؟" سالته گعد بصفي زافـر انفاسه" سألت عليهاً اول ما وصلت عند باب الاستعلام،يگولون بعدهي بالعمليات، "

عقدت حاجبي" وشلون عرفت!" ابتسم ليكول" بنتي سهله، كتيلي حادث، سياره فأهمه عرفوا من سالتهم! هسه مو هنا موضوعنه! الموضوع الاساسي! انتي انتو شطلعكم؟" بلعت ريقي وأني اشوف نظراته تغيرت .. " أي شمس! احجي شطلعكم؟" صّديت عنه بتوتـًر، هسه شگوله! لزمني منِ فگي مرجعني لعيونه الغاضبه" منَ احجي وياج لآ تصدينّ عني! وتنطيني ظهرج، وجاوبي!"

نـزلت بدموعي بقهر! وأني اكـوم من مكاني نزعت سترته وشمرتها بالكرسي" طلعت من قهري! ومن تصرفاتك! نسيت انت شسويت صكر، بعدين فـوك القهر كٌله المّريت بي! انتَ تجي هسه وتحاسبني بدون سبب! صكر انت متغير، متغير هوايه كلمه وحـده صاير متتحمل منّي! نسيت قبل شنو جنت تسويلي! جنت اغار منّ نفسي، لآن تخاف عليَّه من الهوه! بس شنو انگلبت فجاة إلى واحد ما اعرفه! يصـًد مني ويدير وجهه من احجي ويـا! لو مَن الـزمه! " شهگت بقهر" ينفـّر مني ومنِ لمساتي! والسبب!؟ لحـد هاي لحظه مجهول، كـول صكر سويت اني! سويت" احـسّ بكلبي راح ينفجر ! من الهمّ... شهگت وآني اباوع عليَّ عيونه عليه بظلام ونظرآت ما اعرف افـسرهن...