احداث حربٍ في معاركها تموت ابطالها

_11_

العصر وقفت نجد وهي تنطق :اشرايك اوديك مكان يجن بالقريه
عناد :تم ليه لا
نجد ابتسمت :بلبس وانت اجهز
عناد وهو يصب له قهوة نطق :جاهزز
نجد سحبت النقاب وهي تلبسه وتنطق :انا بعد خلصت
عناد وقف ونطق :تاخذين عربية وطن ولا أحملها
نجد:حطها بالعربيه احسن
عناد :زين
طلعوا ولمن شافت نجد الناس الي وقفو وهم يناظروهم كابرت نفسها وهي تشابك يدها بيد عناد
الي ابتسم بخفه وهو مبسوط من تغير نجد لو كان عارف كام جابها لديرة من زمان كتم ضحكته وهو يكمل معاها مطنش نظرات الناس الي اشوي وياكلوهم

وصلت نجد المكان الي تبيه وهي تنطق :قربنا شوف هناك أشرت له على جبل مرتفع اشوي ولكن جميل عناد :لو جبت قهوتي
نجد ضحكت :مره ثانيه معوض
عناد شد يدها وهم يطلعون الجبل وبيد ماسك نجد ويد حامل فيها وطن وصلوا وجلسوا على صخرات وبدت نجد تتكلم له عن طفولتها هنا وكل شي وهو مستمع ومبتسم لها رفعت عيونها وتلاقت عيونهم ببعض وصدت نجد بسرعه لمن انتبهت لابتسامته وعيونه الي تراقبها وبعدها نطقت تغير السالفه وهي تناظر شماغه الي عاصبه على راسه عصبه جنوبيه
:ممكن تعلمي كيف اسوي بالشماغ
عناد :كيف عصبه؟
نجد :اي
عناد ابتسم وهو يمد لها وطن  وسحب الشماغ من فوق راسه وهو يتقدم لها وبدأ يعصب لها الشماغ على راسها ونجد مبتسمه بخفه وخلص وهو ينطق بابتسامه :يا الجنوبيه خليش بصورش
طلع جواله  وهو يصورها ونجد الي تضحك وتسوي حركات بيدها وعناد الي يضحك على حركاتها الطفوليه وصوت ضحكاهم يوصل لمسامع متعب الي كان شاهد على لحظاتهم الي زادته حقد وكرهه وقهر
عناد لاحظ متعب الي يراقبهم وحس بغيره من نظرات متعب لنجد ونطق :خليك هنا
نجد :ليه؟
عناد :اشوي وجاي
نزل عناد وهو يقرب من متعب الي ناظره بحقد وكرهه ونطق :وش تسوي هنا؟؟؟
متعب :مالك دخل
عناد الي كان كارهه متعب ونفسه يخنقه وكان يدور سبب حتى يبرد حرته فيه أعطاه كف وطاح متعب وقومه عناد مره ثانيه وهو يسحبه ويضربه مره ثانيه واستوعب متعب الي بدأ بيضرب عناد بس عناد كان أقوى منه او بالاصح كل موضوع نجد فيه يصير شخص ثاني قوي ما يحس بشي كل همه نجد

شهقت نجد بخوف على عناد ونزلت وهي تقرب منهم ووطن الي تبكي نجد تناظرهم علقانين مع بعض كل واحد يضرب بالثاني بس انها تصنمت مكانها برعب لمن شاف متعب الي يطلع سكين من جيبه حطت وطن بالأرض وركضت وهي تدف يد متعب الي كان فيها السكين وكان بيضرب فيها عناد الي انتبه لدفت نجد وشاف السكين الي بيد متعب وبخوف على نجد لا يصير لها شي دفها وهو ينطق :نجددد ابعدييي
طيح عناد متعب بالأرض وهو يبرك عليه ويثبت يده الي فيها سكين بالأرض وبدأ يضربه بكل ما اتته قوة بكل شعور غيره وحقد وبكل شعور سببه لنجد لمن نادته نجد بخوف ان يتورط عناد بمتعب ويصير له شي ماهي قادره تتحمل فقد عناد بعد فقد ابوها :عناد تكفى يا عناد خله عنك يا عناد تكفى
ناظرها عناد وكلمتها تنعاد له تكفى خله عنك
حس بغيره تحرق قلبه ليه تدافع عن متعب ليه وليه
وبعد ما شاف ان متعب بيغمى عليه قام وهو يلف لها وكانت تبكي برعب وخوف عليه ووطن الي بالأرض وتبكي بعد تقدم وهو يمسكها بيدها وتقدم يحمل وطن ويمشي وهو شاد على يد نجد ونجد تمشي معه بس وقفت بنص الطريق وهي تسحب يدها من يده بقوة وهي تنطق بدموع :انت ايش فيك علي ليه تجرني كذا انا وش سويت لك؟؟؟؟؟
عناد صد عنها وهو يشوفها تعاتبه وماقدر يتحمل وهو يلف عليها وينطق :وانتي ليه خايفه عليه لهدرجه؟ ليه ما تبيني اضربه ليه ليه؟؟
نجد :انا خايفه عليه؟ انا الي مابيك تضربه؟؟ لا يا عناد مو من جدك؟ انا لو بيدي قتلته يا عناد لو بيدي ضربته انا
سكتت وهي تناظره ورجعت تنطق وهاذي المره بعتاب :انا الي خايفه عليك يا عناد انا كنت خايفه عليك خايفه افقد يا عناد مثل ما فقدت ابوي خفت تتركني بسببهم يا عناد ولا متعب في ستين ما يهمني ابد هو آخر همي يا عناد