احداث حربٍ في معاركها تموت ابطالها

-2-

انسدحت وهي تمسح على بطنها وتنطق :شفت كيف حياتك من قبل لا تجي الحياه قاسيه جدا تحتاج شخص قوي بس لا تخاف مثل ما ابوي سندي انا بكون سندك وبكون لك الاب والام وبكون لك الحياة كلها تدري اني ماتوقعت ابوك متعب يسوي فيني كذا
من اول مشكله يتركني كنت اظن انه بيحارب الكل عشاني كنت احلم انه بيكون ونعم الزوج الي يحبني يثق فيني بس طلع العكس الثقه عنده صفرررر شفت وشلون صدق امه وشك فيني وهو اول رجال في حياتي شفت وشلون دفني وشلون طيحني وشلون طلقني شفت كيف عاشت امك الخذلان من مين من حبيبها الي كانت تفكره الفارس الي يوقف ضد الدنيا عشان زعلها
سكتتت لمن خانتها دمعتها بس سرعان ما مسحتها وهي تنطق :ومن اليوم وهاذي الساعه نجد تغيرت نجد تغيرت ماهي نجد الي تسكت وتتحمل الحين انخلقت نجد الي بتوقف بوجهه الضيم عشانك بس عشان طفلها

سمير جلس وهو يهمس لعباس الي كان قهوجي ونقال علوم القرية وهو ينطق :هس عباس
عباس تقدم ومعه فنجالين شاي ونطق :وش عنده ابو نجد وش يبي منك وين رحتوا.؟ ؟
سمير :لو اقولك ماتصدق
عباس :وشهو؟
سمير :بنته طلعت حامل تخيللل
عباس :اما مو تقول العجوزه ام متعب انهم انفصلوا
سمير :اي
عباس :ولا تقول بعد انها كانت مع علاقه برجال من قبل زواجها من متعب
سمير :اي سمعتهم يتناقلون الخبر بس تتوقع هالطفل من متعب ولا صدق كانت بعلاقه مع رجال وهذا طفله
عباس وكأنه يعرف السالفه نطق وهو يوقف وبدأ مهنته نقل العلوم وتزويد البهارات وكل ماوقفه احد قاله عن السالفه وانتشهر خبر حمل نجد

ابو نجد دخل غرفة بنته وهو ينطق :يبه نجد
نجد طلعت وهي ترسم ابتسامه :هلا يبه
ابو نجد :عندي شغل مع ابو سالم مطر اني اروح معه لفترة
نجد :كم؟
ابو نجد :حوالي الاسبوع مارح أطول
نجد :زين يبه ترجع بالسلامة
ابو نجد :كلمت ابو حسين وقلت له كل يوم يخلي بنته ولا حرمته تجي عندك تتفقدك واذا ناقصك شي
ابتسمت وهي تنطق :زين يبه ماتقصر متى بتروح؟
ابو نجد :بعد اشوي بيجي علي
نجد :زين يبه تعال نتقهوى عبال مايجي
تقدم يجلس مع بنته وهو يسولف ويضحك معاها وبعد ساعه وقف وهو يودعها وطلع
وبما ان بيت ابو نجد بطرف القرية فطلع بدون مايلتقي بأحد ولا يدري ان الخبر الي انتشر

جلست ام متعب وهي تنطق :اخبار الله يحرمنا منها تسمع تسمع وش اخر مصايب ذيك الي جبتها لنا
تنهد متعب وهو ينطق :يمه ترا ماني فاضي لتفكير قولي بدون الغاز
ام متعب :أجل اسمع الخبيثه طلعت حامل والله اعلم ولد مين
انلخم متعب من الخبر نجد حامل وش هالكلام وكيف؟
هنوف :يمه وش يعرفك واذا كان ولد اخوي شتسوون
ام متعب وهي تتفل :فال الله ولا فالك وش ذا الكلام مستحيل يكون ولد اخوك اصلا من ثاني يوم انفصلوا ماهي بهاذي السرعه تحمل صح يمه
وقف متعب وهو يطلع بدون ولا كلمه وعقله مشغول مشغوللل بالتفكير كيف حملت ومين ابوه لطفل واذا كان طفله مرات يندم على تسرعه وشلون ما سمع منها بس كلام امه يزيده قهر وحقد نجده هاذي حبيبة الطفوله مايدري يصدق كلام امه وكلام أهالي الديره والشك الي تمكن من قلبه ولا يتذكر ان نجده مستحيل تخذله او تخونه