رجع مجد البيت وهو يدخل غرفته بكل هدوء لمن لحقته امه وهي تنطق :يمه مجد رجعت ليه ماجيت عندي
مجد انسدح وهو ينطق :مصدع وبرتاح اشوي
ام مجد :احط لك عشا؟
مجد هز راسه بالنفي لمن ركض له عيال ادم وبنت اسيل الي طلعوا فوق السرير وهم يتسابقون على حضنه ضحك وهو ينطق :انتو متى جيتوا؟
تالين بنت اسيل نطقت :المغب =المغرب
ضحك مجد وهو ينطق :اوهو المغب أجل تأخرت عليكم؟صح
هز راسه ابن آدم وهو ينطق :بس ماشريت لنا حلاو
مجد :مادريت انكم فيه كان شريت البقاله لعيونكم
بنت ادم الصغيره بدت تبكي تبي البقاله لمن نطقت ام مجد :هاتيها يمه وارتاح انت
مجد :خليهم يمه انتي ارتاحي بنزلهم البقاله وارجع
وقف مجد وهو يشيل بنت اسيل وبنت ادم وهو ينطق :مشينا
نطقوا مع بعض :ياييييي
وباسو خده وهو ينطق:مين تحبون
تخالفت ردودهم بين :خالو مجد وعمو مجد
طلع معاهم وهو يحاول يشتت افكاره مايبي يفكر بغصن
غصن كانت طول الطريق وهي تهوجس وعقلها مشغولللل بالتفكير كانت صامته حتى نطق ابوها :غصن وش فيش من اليوم ساكته؟
ام عناد :مو من عوايتش الهدوء
ضحكت غصن من تعليقاتهم وهي تنطق :قلت انطم واحسسكم انكم لحالكم وكذا
ابو عناد ضحك ونطق :أجل أحسنتي
ام عناد :قليلة ادب من فين جبتي ذا الكلام
ضحكت وهي تنطق :ولا مكان بس كذا جا بلساني
غصن ماتبي تحسسهم بشي تقدمت وهي تجلس بالوسط وتطلع راسها لهم وتنطق :لا خلاص يا عصافير الحب خلص الأحساس الحين معاكم بنتكم
وقف عناد وهو يثبت وطن عشان ماتروح لأمها وناظر نجد الي كانت واقفه جنب الدكتور وواضح انها تستفسر عن بعض المواضيع شافها وهي مركزه معه وهو يشرح وكل اشوي يناظرها شد يده بغيره وهو يتنفس بقهر وغيره من الدكتور ناظرها لمن رجعت تكلمه وماقدر يتحمل وهو يفك وطن الي بدت تنادي امها والتفتت لها نجد الي استأذنت من دكتورها وهي تقرب من وطن وتبتسم وتحملهاوتنطق :مامي جيتي
باستها وطن وضحكت نجد وهي تقرب من عناد الي واقف عند باب القاعه نطقت :اشفيك؟
عناد اخذ نفس يحاول يسيطر على غيرته :خلصتي؟
نجد :لا ليه فيه شي جاي وبوطن؟
عناد :وش كنتي تبين بالدكتور؟؟
نجد ضحكت وهي تنطق :بالله وش تتوقع اكيد بسأله عن مواضيع مو فاهمتها
عناد ناظرها وبغيره نطق :انا بفهمش تعالي معي خلص
نجد عقدت حواجبها وهي تنطق :لا والله وانت وش يعرفك
عناد لف وهو ينطق :الحقيني
مشت معه وهي تراقبه ما يناظرها ابد استغربت لمن حرك وهو متجه للبيت بدون كلام
وصلوا ونزلت نجد وطن لمن نطق :تعالي انا بفهمش مو ضروري توقفي مع الدكتور ذا عشان يفهمش
نجد :بالله؟ وانت وش تقرب لي عشان تقول كذا
عناد :تعالي وبدون كلام بس
نجد :مو جايه وبكيفي
عناد :نجد تعالي
نجد لاحظت انه صار يناديها بأسمها ونطقت :ام وطن
عناد كتم ضحكته لانه حسبها مارح تلاحظ ورجع ينطق :تعالي
نجد :لا
ناظرها ابوها ونطق :نجد يبه روحي يشرح لك
نجد :يبــ
ابو نجد :نجد
تنهدت نجد وهي تقوم وتجلس عنده وتطلع دفتر الملاحظات الي ما فهمته وتوريه وعناد يشرح لها بكل تركيز وفهم حتى لا تروح وتسأل الدكتور ونجد تراقب شرحه الي كان جدا مبسط ومفهوم وكأنه معلم او دكتور
كتمت ابتسمامتها بعد ما فهمت كل شي كانت مصعبته من شرحه البسيط وماتبيه يلاحظ انها انعجبت بشرحه
عناد بعد ما خلص الشرح ناظرها ونطق :فهمتي؟
نجد بعناد :لا
طارت عيون عناد وهو ينطق : وانا اخو غصن ساعه وللحين ما فهمتي؟
نجد :بالله شرحك ماينفهم
عناد :الحين شرحي ماينفهم ولا عقلش الي ما يبي يفهم
نجد ماقدرت تخفي ابتسامتها ونطقت :كلهم
عناد :لا والله؟
نجد :اشرح زي الخلق
عناد لف لابو نجد وهو ينطق :ياعمي بذمتك شرحي ينفهم ولا؟
ابو نجد بصدق نطق :والله حتى لو مالي علاقه بس ماشاءالله شرحك حلو
عناد لف لنجد وهو ينطق :ها شفتي
نجد :اي بس نطقهم صعب انت ماعلمتني
ناظرها عناد الي مسك وطن الي تحاول توقف وهي تتمسك برجوله وبدت تنطق كلمه من الكلمات الي كان يشرحها عناد نجد كان نطقها نطق طفولي بس ناظرها عناد الي ضحك وناظر نجد ونطق :وطن نطقتها وانتي لا
ناظرت نجد وطن الي تعيد بالكلمة وفطست تضحك وهي تناظر بنتها وعناد ماقدر يكتم ضحكته وهو يضحك معاهم
نجد :بس وطن مانطقتها زين شفت
عناد :ياصبر أيوب
