نجد بصدمه ناظرت عناد ورجعت تناظر الأوراق اللي
بالأرض وماهي مستوعبه الي قاعد يصير عناد نطق وهو يشوف صدمتها وقلبه يوجعه من ردت فعلها اتضح له انها ما تشعر اتجاهه باي مشاعر والواضح مارح تحس ابد كتم حبه ومشاعره بقلبه ونطق :تعالي نتكلم برا
نجد :عناد اش ذا
عناد انحنى يلم الأوراق ونطق :الحقيني
طلع ومعه وطن ونجد طلعت بعده ماتدري وش موقفها باللحظه ما استوعبت موت ابوها حتى تستوعب انها زوجة عناد واصلا كيف سواها ابوها وكيف غدر فيها وكيف مالها علم ومتى سوا كل ذا؟
ركبت السياره معه وحرك السياره متجهه لشقتهم لمن وصل وهو ينزل وياخذ وطن الي نامت بحضنه دخل وهو ينزلها بهدوء وبعدها طلع من جيبه ورقه صغيره ومدها لها وهو ينطق :اقريها واتمنى انش تتفهمي الي سواه عشانش
اخذتها بصمت وفتحت الورقه واول ما شافت كلمة ابوها الي دايم تسمعها منه "يبه نجد" نزلت دمعه تسللت من عينها وهي تناظر كلام ابوها
بعد آخر كلمه قرتها وهي :ان كانك يا نجد تغليني فأوصيك بعناد زوج لك وانك تحافظي عليه وان كان كلامي عندك مايعني شي ف الله يوفقك ويستر عليك
طاحت على الأرض تبكي انفجرت بكي وهي تبكي بكل قوتها ماتدري وش تسوي الحين هي بين حيرة بس وصية ابوها وأخر طلب يطلبه منها مستحيللل تقدر ترفضه مستحيل
تقدم عناد ينحني لمستواها ومسك بيدينه وجهها ونطق :لا تبكين كذا لا توجعي قلبي كذا يا نجد لو كنت داري عن ردت فعلش وانش ماتبيني لهدرجه والي خلقش اني لرفضت وابتعدت
نجد ناظرته ونطقت :بس ليه تستغفلوني كذا ليه ليه؟ انا مالي كلمه مالي حق ادري كيف تسونها فيني يا عناد
عناد :نجد والي خلقك اني قلت بقولك كل شي بس عمي قال هو ادرى والله ماكنت ابغاها كذا اعذريني يا نجد اعذريني
ناظرته ومسحت دموعها وهي تبتعد عنه وتنطق :الحين خلني لحالي تكفى
تنهد وهو يهز راسه وهو يشوفها تبتعد خطوات لداخل غرفتها وسكرت الباب
مسح على وجهه وهو يوقف ويطلع برا الشقه بصمت مايدري وش مصير علاقتهم وهل بتنتهي قصتهم قبل أن تبدأ
قفلت على نفسها الباب وهي تناظر الورقه الي كاتبها لها ابوها وتبكي لا شعوريا كيف قدر يزوجها بدون علمها لو انه معطيها خبر على الاقل لو غصبها على الزواج اهم شي عندها يكون معاها خبر مو يستغفلوها
قامت وهي تفرش سجادتها وبدت بالدعاء لـﷲ وانه يدلها على الطريق الصحيح ويختار لها ولا يخيرها
وان كان رضاها بعناد خير لها فل يختاره
غفت عينها وهي تلحو بالدعاء وبدون ماتحس غطست بنوم عميق
٠مجد :ها يبه متى نروح؟
ابو آدم :نهاية الشهر يبني على وشهو مستعجل
مجد فز وهو ينطق :اش تقول يبه نهاية الشهر؟؟؟
ادم واسيل فطسوا ضحك على شكل مجد المتروع ونطق ادم:خلك ثقيل يا ولد خلص اصبر كلها عشرين يوم ونروح
مجد شمق له وهو يرجع يناظر ابوه وينطق :يبه
ابو آدم :يبني عندك شغل وانا مشغول والسفر للجنوب وترتيب يبي لها وقت خلها نهاية الشهر ونروح مره وحده نخطب ونملك
سكت مجد لمن عرف ان فيها مره وحده ملكه ونطق :تمام يبه ابشر
اسيل :ماشاءالله بهالسرعه وافقت
ادم ناظرها وضحك :اي لمن عرف ان فيها ملكه اكيد بيوافق الخفيف الله لا يبتلينا
مجد سحب المخده الي كانت ورا ظهره وهو يرميها عليهم وادم ردها له وانقلب المكان للعب بالمخاد
لمن ضحكت ام مجد وهي تنطق :مهمها كبروا لمن يجتمعون هالثلاثه يرجعون بزران
ابو آدم ابتسم بخفه وهو يناظر عياله وينطق :الله يخليهم لبعض يارب
