احداث حربٍ في معاركها تموت ابطالها

-4-

فزت نجد وهي تشوف زوجة عمها الي داخله عليها بصراخ وهواش وقفت بصدمه بس كان عبدالله اسرع وهو ينطق :عبير ادخلي واخلصي غطيها بشي عشان ادخل
دخلت عبير وسحبت عباية نجد وهي تمدها لها ونجد ماهي فاهمه شي غير ان عبدالله يبغى يدخل لبست العبايه وهي ترمي الطرحه على وجهها لمن سحبتها ام عبدالله بيدها وهي تنطق :حامل بولد الحرام وتبين تتبلين ولدي فيه هاهه؟؟؟؟
دفت نجد الي كانت بتطيح بس تمسكت بعبدالله الي مسكها قبل تطيح وهي توقف وتمسك بطنها بألم
لمن كانت بترجع لها ام عبدالله تبي تضربها بس وقف عبدالله بوجهها وحط نجد ورا ظهره وينطق :يمه وقفي وش فيه؟؟ هاه
نجد تمسكت بالكرسي والألم يزداد بس كابرت على نفسها وهي توقف وتعض شفتها من الألم وتطلع من ورا ظهر عبدالله وهي تسمع ام عبدالله الي نطقت :هاذي بنت عمك حامل بولد حرام والناس يتبلونك ويقولون انك ابو الطفل
طارت عيونه عبدالله يسمع امه وهو مصدوم نجد حامل؟ ليه ماقالت
نجد نطقت بصوت شبه عالي :ومين تبلى ولدك وانتي وش عرفك اني حامل؟
ام عبدالله :ام طليقك ام متعب الي قايله
عبدالله ناظر نجد وهو ينطق :نجد الكلام صدق؟؟
غمضت عيونها نجد ونطقت :اي
حس الدنيا ظلمت قدامه ومايبي يصدق ان البنت الي قالها اختي تطلع كذا ماعرف وش يقول وهو يطلع من الغرفه بس نجد لحقته وماتبي تخسر الشخص الي وقف معاها والي تعتبره اخوها الوحيد ماتبي تخسر ثقته فيها وعارفه عبدالله بيتفهمها ما قالت مين ابو الطفل حتى لا ينتشر الخبر ويعرف متعب وهي عارفه انه من سابع المستحيلات يخلي لها الطفل لحقته وهي تنطق :عبدالله عبدالله
غمض عيونه وهو يوقف مكانه بدون ما يلتفت لمن وصلت عنده نجد وهي ماسكه على بطنها ونطقت :عبدالله
عبدالله لف عليها ونطق :نجد انا اعتبرتك مثل اختي اخذتك اخت لي ماحسبت انك بتخيبين هقواتي فيك كذا
نجد :عبدالله انا اختك وبنت السياف ومن المستحيل اخيب ثقتكم فيني وانا حامل اي بس تعرف مين الابو؟ لا ماتعرف وحكمت علي زيهم وكأني ماتزوجة ابد..تدري ان ابو الطفل هو متعب بس ماحد يعرف غير ابوي بس كلهم اتهموني بشرفني تدري متى اتهموني وطعنوا بشرفي صباحية زواجي تدري عن خيبتي بالكل يوم صدقوه بس انت تكفى مابيك تصدقهم انا نجد نجد الي ماتخيب ثقة ابوها وتربيته
بكت وهي تناظره بخيبه لمن كان بينطق عبدالله بندم بس قاطعته امه الي طلعت وهي تنطق :ليه تلاحقين ولدي يا قليلة الادب ليه ما كفاك تبلي الناس عليه هاه خلاص ابعدي عنه ابعدي
عبدالله :يمه خلاص وقفي كل ذا المسرحيه وانتي تصدقين الناس ليه
نجد هزت راسها وهي تأشر له لايقول شي عن الطفل وابو الطفل لمن سكت عبدالله وهو يتنهد ونطقت نجد :اي صح انا حامل بس ولدك ماتبليته بشي وهو مثل اخوي تفهمين
ام عبدالله بعد ما تطمنت ان عبدالله خلاص ملك على نوف وجتها الفرصه انها تطلع نجد من بيتها ما ترددت وهي تسحبها من يدها حتى وصلتها للباب وعبير معاها أغراض نجد ونطقت ام عبدالله بعد ما سحبت نجد للباب :انقلعي من بيتي انا ما يشرفني وحده مثلك تجلس ببيتي فاهمه لا ترجعين لهنا مره ثانيه ولا بتندمين وقولي نوره ما نبهتك خذي ابوك ذا واطلعي من حياتنا قرفتيني بكل شي حتى عمك ذا ماوده بشوفتك والدليل انه الحين ينزل لك ابوك
تروحين به معك
نجد ناظرت الدرج وعمها ينزل ابوها يعني عمها عارف بالسالفة واتهام زوجته لها ولا تكلم ولا سأل ولا شي بهاذي اللحظه نطقت نجد بداخلها ليه اعتب على أهل القرية والشياب إذا قالو اطلع من القرية دام أقرب شخص لي طردني من بيته مانطقت بكلمه وحده عافت الناس وعافت الكل وطلعتها من البيت احسن لها من العيشه مع ناس تكرهها