احداث حربٍ في معاركها تموت ابطالها

-8-

بارت بارت صدق خليكم😭😭

مسحت دموعها نجد بعد ما شافت استقبال عناد لها وهي تتقدم لأبوها وتسلم عليه وتنطق :وشلونك يبه؟
ابو نجد :الحمدلله يبه الا الحمدلله على السلامه وقرة عينك بشوفة وطن
ابتسمت نجد وهي تمد له وطن وبعدها جلست وشافتهم وهم مجتمعين حول وطن ابوها وعناد الي يبوس يدين ورجلين وطن وبعدها نطق :من جد الحين كيف ذا صغيره كذا
نجد :أجل وش تبيها ناقه
عناد بضحك:مو كذا بس ناظري وشلون صغيره ويدينها
كان يقلب يدين وطن ويبوسهم ورجليها ونجد تناظره بابتسامه ناظرت الكيك وقبل تقطعه
اخذت جوالها وهي تصور الاستقبال مع اسمها واسم وطن ومع العبارات والكيك لفت الكاميرا على عناد الي كان بيده وطن وكان ويبوسها بحب
ضحكت وهي تحط عليه اغنية

جت وكنها فرحة العمر السعيد
تكبر ويكبر غلاها والله حــق

من لفت وقلوبنا تقرا وتعيد
حولها الأذكار وايات الفلق

قدرها ومن يومها عالي الرصيد
بنت وتوعى قلبها الدنيا وخفق

نزلتها أستوري وهي ترد على صاحباتها ومن بينهم الهنوف الي كانت تبارك لها

الهنوف كانت تعيد وتوقف على الاستوري وهي تركز بأسم وطن وتحاول تلقط صوره لوطن الهنوف كانت متيقنه ومتأكده ان وطن بنت اخوها وطن بنت متعب هي تعرف نجد ونجد مستحيل انها تبيع شرفها مثل ما قالت امها نجد صاحبة الطفوله وهي متأكده انها بريئه من كل اتهام توجه لها وكل كذبه كذبوها عليها وقفت الاستوري لمن شافت وطن بحضن عناد وقفت وهي تتآمل وطن الصغيره والي ضاعت بحضن عناد الي يبوسها ومن بين الاستوريات كانت ضحكة نجد فيها كانت تضحك وهي تناظر عناد الي اشوي وياكل وطن من كثر ما باسها

رفع عيونه متعب الي عرف صوت ضحكتها نفسها ضحكة نجد وقف وهو يشوف اخته الي ماسكه جوالها وتقدم وهو يسحب الجوال من يدها وناظر الاسم نجد رجع يناظر الاستوري وطاحت عينه على عناد و وطن حس بنار داخل صدره وهو يقول أجل هذا الي خنتيني معه يا نجد؟ أجل؟هذا هو أبو طفلتك؟ناظر باقي الاستوريات وكان يناظر الاستقبال ويناظر العبارات واسم وطن
رمى الجوال بقهر وهو يطلع من البيت معصب مقهور

بين الهنوف الي قامت على جوالها وهي تبتسم وتطلع تقابل صحبتها بنفسها تقول الله يعوضك يا نجد احسن من متعب وانت الله يهديك يا متعب طلعت لمن قابلت شروق زوجة متعب وكانت ماسكه على ظهرها ونطقت :لوين هاجه؟
الهنوف :وش دخلك انتي واقول ابعدي عن طريقي انتي وبطنك ذا واصل حلقك
شروق :تطقطقي علي انا اوريك يا
سكتتها الهنوف وهي تنطق :اصبري تولدي بعدين يصير خير

تركتها الهنوف وهي تطلع ورجعت شروق البيت بقهر منها وقهر من متعب الي للحينه على اطياف نجد
دخلت وهي تجلس وتصرخ بأسم ام متعب :يا وضحى يا وضحى
دخلت ام متعب وهي تنطق :وش تبين صوتك يلعلع
شروق :تعالي همزي لي رجولي
ام متعب :تخسين
شروق :إذا ما همزتي رجولي انا اوريك وش اقدر اسوي وبقول لولدك المحترم كذبك على نجد
ام متعب :ان قلتي له خسرتيه يا خبله كل عشانك الي سويته
شروق ضحكت بهستيريه وهي تنطق :من جد؟اصلا ماكنت ابي ولدك وللحين مابيه الي كنت ابيه هو المحل حقه والحين صار بأسمي وبأي وقت بطلب الطلاق وافتك منه واقوله عن كذبك