احداث حربٍ في معاركها تموت ابطالها

-3-

نجد تنهدت وهي توقف وتمسك جوالها وبتردد دقت على عمها الي ساكن بمدينه ثانيه تنهدت بضيق وهي تستنى عمها يرد
رد ونطقت بسرعه:عمي
ابو عبدالله :هلا نجد اخبارك وعسى ماشر داقه علي
نجد اخذت نفس وهي تنطق :عمي ممكن تجي عندنا
ضحك ابو عبدالله ونطق:نجد تكفين لا تدخليني بمشاكلك انتي وأهل زوجك مالي خلق لكم
نجد :عمي اولا تراه طليقي ثانيا مالها علاقه فيني
ابو عبدالله :أجل وش؟؟؟
نجد ما كانت تبي تقوله خبر مثل هذا وهو بعيد بس الواضح ماهو مهتم نطقت وعيونها على ابوها :ابوي صار عليه حادث والحين حنا بالمستشفى
ابو عبدالله :نجد تراك كبرتي على هاذي المقالب وش حادث وما حادث يلا يبه عندي شغل بعدين اتفاهم مع سياف عشان ذا المقالب
سكر بوجهها ونجد رمت الجوال على الأرض بقهررر منه ماهتم ولا شي ماسأل ولا استفسر عنه قفل بوجهها طاحت تبكي بضعف وهي تمسك يد ابوها
ماتدري من وين تلاقيها كل شي طاح فوق راسها كل المصايب كل المشاكل كل شي كل شي حركت راسها لمن حست ان ابوها صحي وهي تمسح دموعها

ونطق بتعب والكلمه غصب تطلع معه:نجد؟؟؟؟
نجد بلعت غصتها وهي تشد يده وتنطق :عيون نجد يا دنيا نجد انت
ابتسم رغم ألمه لها وهو يشد يده عليها على دخلت الدكتور وهو ينطق :ها كيف تحس اليوم يا سياف
نجد وقفت وهي تبعد الحين صار الوقت الي بيقولو لأبوها عن تسبب الحادث له بالشلل والعمى
نزلت دموعها بهدوء من تحت النقاب وهي تناظر ابوها لمن نطق :بس ليه كذا ظلام ماشوف شي
تمسكت بمقبض الباب وهي تحس نفسها بتطيح بأي وقت لمن حست انها بدت تفقد وعيها شدت مسكت المقبض والمكان بعيونها يدور مسكت راسها على دخلت متعب ولمن شافها تفقد توازنها اسرع وهو يمسكها لمن طاحت على الأرض فاقده وعيها

أخذها وهو يطلعها وينطق بخوف :دكتورههه
ركضت له ممرضه وهي تنطق :هنا
دخلها المكان الي أشرت عليه وهي تدخل وتنطق :شصار
متعب :فقدت وعيها وتراها حامل
بدت الممرضه تفحصها  ومتعب على اعصابه خايف عليها لايصير لها شي

الدكتور نطق يمهل الخبر على ابو نجد :حنا حاولنا وبس انت شفت الحادث وشلون قوي والحمدلله انكم للحين عايشين بس
سياف :بس وش يا دكتور
الدكتور :بس الحادث تسبب لك ب شلل بالمنطقه السفليه من الجسم وعمى
ابو نجد حس ان شي داخله تحطم ماقدر ينطق كلمه وحده كله همه الحين وشلون بيحمي بنته داري كله قدر وكله الله كاتبه مافي اعتراض على حكم الله
بس نجد بنته كيف بتتحمل كل ذا لحالها صار هو حتى حمل عليها ماقدر يستوعب الي صار معه

ونطق الدكتور على دخلت نجد الي تمشي بسرعه لأبوها :بس ان شاء الله في علاج حتى ترجع تشوف مره ثانيه
فزت نجد وبدون ماتحس نطقت :وش؟؟؟؟؟؟؟
الدكتور :انه يسافر برا الدوله ويتعالج بالمانيا
رجعت خطوات لورا وهي ترجع لأبوها بخيبه كيف تسافر ألمانيا ومع ابوها وطفلها ولا عندها فلوس حتى تسافر وش تسوي؟؟؟
طلع الدكتور وتقدمت نجد  وهي تمسح دموعها وتجلس جنب ابوها وتمسك يده وتنطق :يبه وشلونك في شي يوجعك
ابوها حس بالغصه بصوتها ونطق وهو يحاول يبتسم :بخير يا يبه بخير
نجد :يبه ماعليك انا بشتغل وادبر فلوس ونسافر وتتعالج ونرجع زي زمان
ابو نجد شد يدها ونطق بهدوء:يبه نجد مافي اعتراض على قدر الله وهذا ابتلاء من الله ولا نقدر نعترض
نجد نزلت دموعها بصمت وهي تبوس جبينه