احداث حربٍ في معاركها تموت ابطالها

-7-

طلعت نجد الصينيه وهي تحطها وتكابر الآلم أسفل بطنها كانت تكابر من ساعات ماكان في بالها انه بيجيها الطلق بهاذي السرعه توها دخلت شهرها
صرخت وهي تطيح الصينيه من يدها وتصرخ وهي تمسك بطنها ابوها انفجع ماهو عارف وش صار ولا بيده شي ناظر بنته وهي ترتخي على الأرض وتتمسك بالكنب وتصرخ

مسك جواله وهو يتصل على عناد وينطق بعجله :عناد تكفى تعال نجد تعبت علي وشكله جاها الطلق

عناد  استوعب وهو يقفل ويقوم يسحب ثوبه تذكر مفتاح شقة ابو نجد وهو يرجع ياخذه وطلع مستعجل فتح الشقه وصوت صراخها يوصل له ركض وهو يدخل وشافها كيف مرميه على الأرض وتتآلم
غمض عيونه وهاذي اول مره يشوف وجهها بدون جلال صلاه ولا كمام تقدم لمن شافته وهي تنطق :داخل داخل اغراضي
ركض يدخل غرفتها سحب عبايتها وطرحتها وشنطة البيبي وهو يرجع لها ساعدها تلبس وبعدها ساندها وهو ينزلها  ركبها سيارته وهي تصرخ  بآلم وبعد دقايق وقف عند المستشفى وهو ينزل مسرع جاب ممرضات ورجع ونجد متمسكه بيده بخوف وهي تنطق ببكي :عناد لا تخليني لحالي تكفى عناد ماقدر
اوجعه قلبه عليها وهو يشد يدها وينطق :مابخليك مابخليك وعد
شدت يده وهو يساعدهم يدخلونها وعلى طول دخلوها غرفة الولاده  وهو واقف يناظر بخوف ويدينه يرجفوا وهو يسمع صراخها الي كل ماله يزداد سجد مكانه يدعي ربه انه يسهل لها كان ساجد ويرجوا الله مر الوقت عليه وهو يلحوا بالدعاء حتى سمع صوت بكى البيبي فز وهو يوقف ومر وقت وفتحت الدكتوره الباب وهي تطلع وبعدها طلعت ممرضه وبيدها وطن عناد ناظر الدكتوره ونطق :شلونها نجد؟؟؟؟
الدكتوره :الحمد لله كويس وهاذي البنوته
ناظر عناد وطن الي كانت بيدين الممرضه وناظر وجهها الصغير وكأنها ملاك ابتسم بخفه وهو ينطق :نورتي يا وطن نجد نورتي دنيا نجد ودنيا عناد
مدتها له الممرضه وحملها بخفه ويدينه يرجفوا بخوف لا يطيحها انحنى ويبوسها  ورجع يناظرها بحب

وبعدها اخذتها الممرضه منه عشان الفحوصات ورجع عناد يشكر ربه 

صحيت نجد وتحسست بطنها وناظرت الممرضات والدكتوره حولها ونطقت بهمس :وينها بنتي؟
الممرضه :بالحضانه
نجد بتعب نطقت وهي تحس رح ترجع تفقد وعيها :عناد

بعد ما تطمن عناد على نجد اتصل على ابوها وهو ينطق :البشاره يا عمي حفيدتك أقبلت
ابتسم بفرحه ابو نجد  وهو ينطق:ونجد شلونها؟؟
عناد ابتسم :الحمد لله طيبه
ابو نجد :الله يبشرك يبه
عناد :أجل بقفل ياعمي
ابو نجد :يالله
قفل عناد وهو يتجهه لمكان الحضانه يناظر وطن

بعد مدة طلعوا نجد لغرفة وبعدها راحت الممرضه حتى تجيب وطن ولقت عناد هناك لمن نطق :وين بتوديها
الممرضه :لماما
ابتسم وهو ينطق :باخذها انا
أعطته الممرضه وهي تمشي جنبه دخلت قبله وهي تعطي نجد خبر
ناظرته نجد وهو داخل وبنتها بحضنه ماقدرت تخفي ابتسامتها من منظرهم وهي تنطق :عناد
عناد ابتسم وهو يقرب منها وينطق :سمييي
نجد :شكرا لك 
عناد :مابينا والحين ماتبين تشوفين وطنك
نجد مدت يدينها وهو يقرب ويعطيها وطن لمن ابتسمت وهي تنطق :ياروحي انا يمامي
عناد بعد وقت نطق :تسمحين لي أذن بأذنها
نجد هزت راسها وهي تبتسم وتمد له وطن ابتسم وهو ياخذها لمن نطقت نجد :عطني جوالك
أعطاها وهو يأذن بأذنها ونجد تصورهم ابتسمت لمن شافت بنتها بدت تتحرك وبعدها رجعها لها عناد