مُؤْنِسَتِي

فِي عَيْنَاهْ

_ اقفوا الواي فاي قبل القراءة جزاكم الله خيرا

صلوا علي رسول الله 🤍

________________________________________

" ثواني بس و هرجع علي طول "

اومأ له صلاح فذهب متجها نحو ذلك الطبيب المزعج ،
وقف امامه بغضب ثم قال :

" انت ازاي ترفع عينك و تبص علي واحدة ؟ "

وقف الآخر قائلا :

" وانت مين ياجدع انت عشان تقولي اعمل ايه ومعملش ايه ، خليك في حالك يا بابا "

نظر له ثم قال ببرود يخفي غيظه :

" هبقي اقولك بعدين روح انت بس شوفلك شغلانة بدل البصبصة علي بنات الناس "

نظر له الطبيب شزرا ثم تحرك بعيدًا عنه خوفًا ان يفضحه يونس او ما شابه ، مسح يونس  علي ذقنه وهو يرمقه بغضب ثم عاد الي صلاح .
دلفوا إلى الغرفة فإقترب يونس من تلك الطفله ذات الخمسة سنوات ثم قال بصوت خافت :

" اوعدك اني مش هسيبك غير لما تبقي كويسة جدا وفي احسن حال ان شاء الله "

نظر إلى والدها الذي كان يبكي بحرقة فأردف بمواساة :

" هقدم كل اللي اقدر اعمله عشان أمنية ، تفائل بالخير تجده و توكل على ربنا كدا بس وهي هتبقي كويسة جدا بإذن الله "

اومأ له صلاح برأسه ثم هتف :

" يارب "

خرج من الغرفة متجهًا نحو غرفة الاستقبال ثم قال للموظفة :

" السلام عليكم ، في مريضة اسمها أمينة صلاح طفلة صغيرة عندها خمس سنين ، محدش يبعت لوالدها او يقوله علي اي مصاريف ، اي مصاريف عليها تواصلوا معايا فورا وانا متكفل بيها "

" تمام يا فندم "

_____________________

بعد اسبوع كانت إيناس واقفه امام المرآه تستعد للرؤية الشرعية ، فذلك الذي يريد خطبتها اتي مع عائلته ليطلبوا يدها منذ أيام ولكنها لم تراه فكانت تشعر بتوتر شديد وخوف يتدفق الي قلبها ، شعرت بيد شقيقتها تربت بحنان علي ذراعها قائلة :

" متخفيش كلنا معاكي ولو معجبكيش مع الف سلامه اهم حاجه انتي تكوني مبسوطة "

ابتسمت إيناس لها فأكملت الاخري بحماس :

" بس من ناحيتي انا قلبي مرتاح معرفش ليه حاسه اننا هنلبس سواريه المره دي يا سنسن "

قالت إيناس بحنق :

" طول عمري بدعي البس الأبيض بس مكنش قصدي الأبيض ده يا جدعان كان قصدي البالطو عادي "

ضحكت رنا حتى دخل شقيقهم الصغير وهو يقول بسعادة :

" شكلك حلو خالص يا إيناس ما شاء الله "

حسست علي خصلاته قائلة بحب :