"အနာဂတ်မှာ ကိုယ်အပါအဝင် ဘယ်သူ့ကိုမှ ဦးညွတ်စရာမလိုဘူး။"
ထိုအခါမှာသာ အယ်လီနာ သူ(မ)ရှေ့မှာရှိနေသူက ရုဖို့ဒ်အင်ပါယာ၏ အမြင့်မြတ်ဆုံး တော်ဝင်သွေးသားဖြစ်ကြောင်း အမှတ်ရလိုက်၏။ သူက ဧကရာဇ်ဖြစ်လာမည့်သူပင်။ ထိုသူက သူ၏မာနကို အဆောင်အယောင်ဝတ်ဆင်ထားသလို ပေါ့ပေါ့ပါးပါး တပ်ဆင်ထားသည်။
အယ်လီနာ သူ၏ပူနွေးသောလက်ထဲကနေ သူ(မ)၏မျက်နှာအား ပြန်ဆုတ်ခွာလိုက်ပြီး သူ(မ)ကိုယ်သူ(မ) တည်ငြိမ်အောင် ကြိုးစားလိုက်၏။
"... သိပါပြီ။"
"မင်းမိသားစုရဲ့ သူရဲကောင်းတွေအပြင် အဲ့ထဲမှာ ကိုယ့်လူတွေနဲ့ မြို့စားရှယ်ဘီရဲ့လူတွေလည်း ရှိနေတယ်။"
အယ်လီနာ သူ(မ)၏ခန့်မှန်းချက်က မှန်ကန်ကြောင်း သိပေ၏။ သို့သော် ဟယ်လင်က ထိုလူများကို မည်သည့်ရည်ရွယ်ချက်ဖြင့် ငှားရမ်းခဲ့ကြောင်း ပြောဖို့မှာ ခက်ခဲသည်။ အယ်လီနာ မည်သူ့ကိုမှ လွယ်လွယ်အရှုံးပေးမှာမဟုတ်သော်လည်း ၎င်းတို့၏ရည်ရွယ်ချက်က သူ(မ)၏အသက်ကိုယူဖို့လား သို့မဟုတ် စောင့်ကြည့်ဖို့လားဆိုတာ မခန့်မှန်းနိုင်ခဲ့ပေ။ တစ်ခွန်းတည်းပြောရလျှင် စိတ်အနှောင့်အယှက်ဖြစ်ရသည်။
'... သူ(မ)က အမှားလုပ်ခဲ့တဲ့သူဖြစ်နေပေမဲ့ လက်စားတောင်ချေရဲသေးတယ်။'
ဟယ်လင်ကသာ သူ(မ)ကို ရန်စခဲ့သူဖြစ်၏။ တစ်စုံတစ်ယောက်က လုပ်ချင်တဲ့အတိုင်းဖြစ်မလာ၍ အငြိုးထားခံရခြင်းမှာ ရယ်စရာကောင်းပေသည်။
အခိုက်အတန့်တစ်ခုလောက်ထိ အယ်လီနာ အတွေးလွန်နေခဲ့သည်။ ကာလိုင်းက သူ(မ)ကိုကြည့်ကာ ငြိမ်သက်သောအသံဖြင့် ပြောလာ၏။
"တခြားရော မေးစရာရှိသေးလား။"
"ဘယ်လိုမျိုးလဲ။"
"မင်းမှာ မေးစရာတွေရှိနေရင် ကိုယ့်ကို မေးလို့ရပါတယ်။"
"...ကျွန်မ မသိဘူး။ အခုလောလောဆယ်တော့ စိတ်ထဲမှာ ဘာမှပေါ်မလာသေးပါဘူး။"
အယ်လီနာ၏စကားပြန်ကြောင့် ကာလိုင်း၏အမူအရာက ပြောင်းလဲသွားခဲ့သည်။
YOU ARE READING
ပြန်လည်မွေးဖွားလာသော အမျိုးသမီးသူရဲကောင်း
Romanceအယ်လီနာ - သူ(မ)မိသားစုအတွက် လက်စားချေဖို့ သူ(မ)ရဲ့တစ်ဘဝလုံး သွေးအေးသည့်အမျိုးသမီးသူရဲကောင်းအဖြစ် ဖြတ်သန်းလာခဲ့ရာမှ လက်စားမချေရသေးခင် သေခြင်းတရားနှင့် အဆုံးသတ်ခဲ့ရ၏။ သူ(မ) မျက်လုံးဖွင့်ကြည့်လိုက်ရာ အတိတ်ကို ပြန်လည်ရောက်ရှိနေကြောင်း တွေ့လိုက်ရပေသည်။ န...
