بسم الله الرحمن الرحيم
نبدأ، اول صفحات روايتنا
بقصيدة شِعرية جمييلةٌ جِدًا .
-
راسليني بالهبوب الجنوبية
مامراسيل البريد بعبيدٍ لي
-
راسليني عبر الاجواء الفضائية
واخبريني وين وجهة عرب خلي .
نكتب اول سطور قصتنا واول احداثها ،
ونقول بسم الله الرحمن الرحيم .
.
في أحد ديار الجنوب ، ديرة تسكنها العادات والتقاليد
تسكن فيها عائلة تسمى عائله ( ال سيف )
الساعة السابعة والنصف صباحاً .
هيفاء ولطيفه ومها و سَحَر وهنادي وشهد وابتسام وندى
متجمعين على سفرة الفطور ،، وفي مكان آخر " قسم الرجال تحديداً المقلط "
كانو سطام وفهد ومشعل وعبد العزيز وسعود وسلطان و فهد وصقر
متجمعين ايضاً على سفرة الفطور ، اجواء تملئها السعادة والبساطه والراحة والحياه السعيده ، يتكلمون عن الابل والاغنام وتوقعات الامطار التي ستهطل على ديارهم .
اما في مكان آخر ، كانت العنود وبناتها وعيالها يتجهزون عشان يروحون لبيت جدهم
وايضاً افنان وبناتها وعيالها يتجهزون عشان يروحون الى بيت الجد .
هيفاء بتعب : من قدكم جهزت السفره وانا جوعانه احمدو ربكم ما اكلت الفطور عنكم !
هنادي : ايش قومش انتي امسكي ارضش ولا اقول روحي جيبي الباقي بالمطبخ عمتك العنود وعيالها جايين
هيفاء بصدمة : لا تكفين قولي امزح معش فوق ما اني جوعانه راسي بيصدع منهم !!
هنادي : بلا تحلطم يلا روحي وندى وابتسام بيساعدونك
ندى بضحك : احسن تستاهلين
هيفاء بعصبية : اقسم بالله اذا ماسكتي لا افقش راسش بذا الصحن !
ندى : ايش قومش انتي خلاص امزح معش يالنفسيه
طالعت فيها هيفاء بعصبية وسكتت ...
في مكان آخر عند العنود
العنود بصراخ : غرام تعالي
غرام : ايش قوومش ياماما
العنود : انا ماقلت لش عطي شوق بلوزتها تلبس وتخلصنا !
غرام بابتسامه غبيه : هاه نسيت
العنود ضربتها بخفه على كتفها : يلا خلصيني انتي وياها
جابر : يمه وين شماغي
العنود : جابر مو فاضيتلك
فيصل وهو توه صاحي : يمه في فطور
العنود : فيصل انت احول ؟
فيصل بغباء : لا ليه
العنود : ماتشوفني لابسه عبايتي ونقابي !
ركز فيصل وقال بابتسامة غبيه : اهاا ولله ماشفت
العنود وسعت عيونها بصدمه : هالحين هذا السواد كله وماتشوفه ايه كله من الجوالات والسوني ذا الي لعب فعيونكم
فيصل : انتي صح يالوالده
العنود : يازين وليدي المؤدب
طالع فيها فيصل بصدمه وراح يلبس
في مكان آخر عند هيفاء
خلصت هيفاء ترتيب السفره وطلعت لغرفتها فجاه صدمت بشي طويل وعريض
هيفاء : يمه بسم الله ، رفعت راسها ووسعت عيونها بصدمه لما شافت رجال
هيفاء : يمهه من انت
مشعل ، ياوجع شفيك انتي حولا ماتشوفين
هيفاء تنهدت براحه : الحمدلله انه انت احسب واحد من عيال عمانك او عماتك
مشعل برفعه حاجب : ووش بيجيبهم هنا ، اقول انقلعي بس
هيفاء : وع غثيث تراك
مشعل : ترا بلطمك
هيفاء : ماتقدرر ، طلعت لسانها له ودخلت غرفتها بسرعه وقعدت تضحك
مشعل بهمس : ملعونه
تقدم مشعل وراح يدور على امه
تنحنح مشعل " يعني قال احم 🥹" : ياولد
تغطو البنات ودخل مشعل وقال : يمه
افنان : يانعم
مشعل : انا جوعان
افنان بصدمة : توك اكل يامسلم
مشعل : المشفوح فهد اكل كل شي عني
افنان : امسك اكلها صبر نفسك للغدا
مشعل : وش ذا
افنان : تمره ، وش قومك ؟
مشعل بصدمة : يمه اقولك جوعااان تمره وش بتصبرني عنه حتى العصفور مايشبع منها
افنان : يا اكلها يا انقلع
مشعل بقل حيله : يلا نعمه
طلع مشعل وراح عند العيال وجلسو يلعبون جاكارو ..
في مكان آخر عند العنود ، في الطريق :
العنود : حنييين
حنين : حنين بتعمل سكين روتين
العنود : حنين خلصيني بلا استهبال على راسي وين القهوه
حنين : في جيبي
العنود بعصبية : حنين اقسم بالله بصكك بالجوال الي معي خلصيني !!!
حنين بخوف: يمه خلاص بجيبها ، جابر عطني الترامس الي عندك
جابر ماكان منتبه لها
حنين : جابر يامصروع !
جابر : هاااه
حنين : عطني القهوه
جابر بمزح : طيب لاتصرخين
حنين : يع الله يقرفك يالمعفن يع يع !
ضحك جابر وكملو طريقهم بإتجاه بيت الجد ..
بعد مدة
في بيت الجد
وصلت العنود وعيالها وتفرقو ، البنات راحو بقسم الحريم ، والعيال بقسم الرجال .
هيفاء بمزح : هلا هلا اخيرا شرفتو
العنود ضحكت وحضنتها وسلمت عليها
حنين بهمس لشوق : سبحان الله ماكانها كانت تسفل فينا قبل شوي
هيفاء سمعتهم وقالت بمزح : حره حره امممك تحبنني
حنين بمزح : امك انتي
ضحكو وراحو يفطرون ويسولفون ...
اول باارت واول سطور روايتنا الجمييله 🥹❤️
لاتنسون النجمة حبايبي
وقولولي رأيكم في الكومنت
او بالانستا ❤️❤️
اسفه البارت قصير 🥹 ، نعوضكم بالبارتات الجاية .
مع السلامة نلتقي إن شاء الله في البارت الثاني 🤎 .
حسابي انستا :2ii.w4
حسابي تيك توك : 2ii.w4
أنت تقرأ
من عرفتك وانا اشوف الناس بطرف عين ، احس اني ملكت شي مايملكونه .
Randomصَحيح غيرك فالعَذارى مزايّين لَكن وش جاب النُجوم لِقَمرها - يَا سعود والله مَا بَعَد زِينها زيّن انا اعتَبرها عبرةً مِن عبرها - جَمالُها يَرجَح ب كُل المَوَازين وَمِن الجَمال الناس تَلفت نظرها ...
