بسم الله الرحمن الرحيم
بعد الفطور ..
حست هيفاء انها مصحصحه شوي بس تحس بتعب جدا قوي
هيفاء : يمه تكفين دبري لي اي احد يوديني تعبت
افنان : خلاص يابنتي ان شاء الله بنادي مشعل الحين ،، مشعل
مشعل : هلا يا ياه ،،،،،،،،
(((((توضيح ))))) " ياه = امي
افنان : تعال اخلص علي
مشعل : يلا يلا ،،، هلا يا ياه
افنان : اختك تعبانه تبي توديها المستشفى
طالع مشعل ب هيفاء ولاحظ التعب على وجها : خلاص بوديها انا وسطام وفهد ( اخو مشعل ) للمستشفى ومره وحده نرفه عن نفسنا
هيفاء بصوت مُتعب : كل تبن ترفهون عن انفسكم على حسي
مشعل حن عليها وحضنها : ياجعلني فدااك اسف ماقصدي
هيفاء : خلاص قبلت اعتذارك
مشعل باسها : سلاامتك ياقلبي انتي
هيفاء ابتسمت وسكتت
طلع مشعل وراح للمجلس ،،، مشعل : يلا يلا قومموو
سطام : وش قومك
مشعل : هيفاء تعبانه جعله بروحي
سطام : هاه من هي ؟
مشعل : انت شقومك ؟ اقول هيفاااء في احد غيرها ؟
سطام : ايي سلامتها
مشعل : قم انت وياه بنروح نوديها وانت تسوق بركب ورا معها
سطام : زين زين ،،، راحو فهد ومشعل عند هيفاء الين تلبس وسطام ينتظرهم بالسياره وخايف عليها جدا
بعد فتره
جت هيفاء وركبت ورا هي ومشعل وسندت راسها على كتفه ونامت الين يوصلون وفهد قدام وسطام يسوق وكل شوي يطالع فيها بالمرايه يتطمن عليها ..
وصلو المستشفى ونزلو
مشعل : هيه انا وفهد بنروح نجيب مقاضي امي وانت خلك مع هيفاء ، اوثق فيك ياولد الخال خلك منتبه لها لين اجي
سطام : ابشر بي،،،، راحو وبقت هيفاء مع سطام ينتضرون دورهم
هيفاء : جلست على الارص وماسكه راسها من الصداع ، انتبه لها سطام ..
سطام : قومي قومي الارض بتتعبك اجلسي مكاني وانا بوقف
هيفاء ماكانت قادره تتكلم واكتفت بهز راسها وجلست مكانه
سطام نزل راسه يكلمها : تبين استعجلهم ؟ ، واضح انك تعبانه ما ابي اتعبك اكثر
هيفاء طالعت فيه وقعدت تفكر بعدين هزت راسها بالموافقه وفعلاً راح سطام يستعجلهم عشان يدخلونها بسرعه ورجع يوقف جنبها
بعد فتره ..
جا دورهم ودخلو وجلست على الكرسي وبداو يقيسون الضغط ومن الحاجات هذي وكتبولها دواء وطلعو من عند الدكتوره
سطام : تعالي معي بناخذ العلاج
هيفاء بصوت متعب : مالي خلق امشي ، تعبانه
سطام : مقدر اخليك لحالك تحملي
مشت هيفاء ببطئ واخذو الدواء وطلعو وجلسو برا المستشفى يشمون هواء فجأه هيفاء شافت قطوه جالسه جنبها شالتها وقعدت تلعب معاها وبدأت شوي شوي تضحك معاها ،،، سطام سمع صوت ضحكها وطالع فيها وهو مبتسم وشافها تلعب مع القطوه ابتسم وجلس يطالع بالاشجار والناس وهو يقول بنفسه " خليني اتزوجك بس يابنت عمتي ، ولله لاجيب لك بدال القطوه عشر "
وصل مشعل بهذا الوقت وشافته هيفاء وشالت القطوه معاها وراحت لمشعل،،، هيفاء : مشعل تكفى ابي اخذها معي البيت حبيتها
مشعل طالع بالقطوه ورجع طالع بهيفاء : خلاص طيب ، بس بنوديها ذاك المكان مدري وش اسمه ينضفونها عشان لاتمرضين منها
هيفاء : يازييينك خلاص انت افضل واحد انت مميز
مشعل ابتسم وحضنها وركبو وراحو لعياده الحيوانات ورجعو للبيت
اول ماوصلت هيفاء كانو توهم غارفين الغداء
هنادي : من حضك تونا غارفين الغداء
لطيفه : اكلي اكلي جعله عافيه
افنان : ايه ، اكلي عشان ماعاد تتعبين انتي دايم على ذا الاندومي ماتاكلين زي الاوادم
هيفاء : بسم الله تجمعتو علي ههههه خلاص ابشرو
كان سطام وراهم ويسمعها ومتنرفز انها ماتاكل ،، دخل سطام وقال : ياه
هنادي : هاه
سطام : يمه انا طفشان
هنادي : وش تبيني اسوي لك ؟
سطام : انتي امي تحلين لي كل شي
هنادي : لالا انا ما احل لك كل شي
فجاه دخلت ندى ،،،، ندى بمزح : يلا يلااا ياحرمه روح عند الرجال وش تدور هنا ياحرممه
سطام رفع ثوبه وبدأ يلحقها ويسبها ويضحك
هيفاء كانت واقفه على باب المطبخ تطالع فيهم وتضحك وتكلم هنادي وتقول بضحك : اقسم بالله توم وجيري ههههههههه
وانفتحت بالضحك ودخلت هنادي وندى للمطبخ وهم يضحكون ومر من جنبها سطام وهي ويتنهد من التعب وقال ب ابتسامه : دوم يارب
وقفت هيفاء ضحك بعدين طالعت فيه وقالت : هاه
سطام استوعب كلامه : اقول كم باقي على الغداء
هيفاء : اييي احسبك تقول شي ثاني ، مدري اسأل امك
سطام ابتسم ودخل المطبخ وهي جلست بالصاله تلعب مع صديقتها الجديده " القطوه "
جلست جنبها حنين وقالت : اوووف من وين جبتيها
هيفاء : لقيتها بالمستشفى واعجبتني واخذتها
حنين : طبقتي مقوله شفت شي في طريقك واعجبك شله
ضحكت هيفاء : وش اسميها ؟
حنين : سميها حنين
هيفاء : اصه اصه ، صدق وش اسميها
كان مار من جنبهم سطام وقال : سميها فيفي ولا فوفي
هيفاء : الله عجبني الاسم ، طلع عندك ذوق
حنين : من متى ذا عنده ذوق ، وخر وخر ابو ذا الشوشه عندي
ملاحضة " حنين تمون على سطام "
سطام : اصه اصه يالمجلده كلك اسود فاسود تقول رايحه عزا
حنين : اوووص كانك كفن ابيض بابيض والاطراف سمرا كانك كابتشينو
سطام : جبتيها صح
كانت هيفاء تضحك عليهم وسطام متعمد يضحكها بس عشان يشوف ضحكتها
خلص الغداء وجلسو وتغدو وتجمعو ذيك الجمعه الي بعد الغداء
عبد العزيز : اققوول وش رايكم ندور لنا مكان زين هنا بالجبال ونجلس وننبسط
هنادي : اهجد خله بكره اليوم مالنا خلق
باق الامهات والاباء : اي ولله انك صادقه
البنات : صح مالنا خلق خلوه بكرا احسن
مشعل : وش ذا كلكم علينا طيب حنا مو موافقين
فهد ( العم ) : اصه اصه هذا كلام كبار ينسمع
مشعل : طيب طيب ياخال
سطام : سكتك بطريقته
مشعل : اخ جرحني
سطام : محد قالك تتلقف اصبر على رزقك
هيفاء : يمه ابي اروح السوق بعد بكرا لان الجامعه قربت
افنان ضربت على صدرها : ياويلي ويلاه نسيييت الجامعه
فهد ( اخو مشعل ) : يمه وانا بعد ابي اغراض للمدرسه
افنان : انت اسكت
فهد : طيب يالوالده
مشعل : احسن ،،،، يمه وانا بعد ابي للجامعه
افنان : انت وش تبي ترا كله دفتر وقلم وخلاص
مشعل : اما يعني الجامعه مو ايباد وقهوه
هيفاء : مشعل ، اصه اصه يامشعل
مشعل : انتم شفيكم علي كلكم تسكتوني !!
انفتحو بالضحك وكملو سوالفهم
انتهى ...
ان شاء الله عجبكم البارت حباايبيي❤️
عاد ذي المره طولت البارت يدي نملت من الكتابه 🥹🥹
لاتنسون النجمه 🌟🌟
أنت تقرأ
من عرفتك وانا اشوف الناس بطرف عين ، احس اني ملكت شي مايملكونه .
Randomصَحيح غيرك فالعَذارى مزايّين لَكن وش جاب النُجوم لِقَمرها - يَا سعود والله مَا بَعَد زِينها زيّن انا اعتَبرها عبرةً مِن عبرها - جَمالُها يَرجَح ب كُل المَوَازين وَمِن الجَمال الناس تَلفت نظرها ...
