بسم الله الرحمن الرحيم
بعد الفطور :
الساعة الثامنة صباحًا
كانت الاجواء حلوه وغيم والجو يدل ان راح يجي اليوم مطر
طلعو حنين وهيفاء للحوش عشان ياخذون اغراضهم الي طلبوها من جابر .
جابر : حنيين اخلصي تعالي
حنين : ياوجع اصبر يامسلم كيف تبينا نجي والحصى مالي المكان
هيفاء : اصه ، جابر خلاص خلاص نبي نقر مكانا وانت تعال مانقدر نجيك
جابر بمزح : ابو ذا الوجه
هيفاء بمزح : ابو ذا الشوشه تقول قشعه
ضحكو واخذو اغراضهم ورجعو للبيت .
في مكان آخر عند العيال
طلعو برا عشان يتمشون ، مابين الجبال والخضار والاجواء الجمييلة .
مشعل بمزح : الشمس سطعت والجو جميل هذا اليوم
سطام بضحك : اهجد اهجد يالله لاتبلانا
مشعل : نفسيات ماتقدرون الاجواء الزينه والوناسه
جابر : اي مثل اخته ان قلنا شي قالت نفسيات وهي الي دايم معصبه
مشعل :ولد لاتجيب طاري اختي
سطام : الله وكبر ياذي الاخت امنعنا يارجال
مشعل : طيب تدري ان اختك اليوم كانت بالمطبخ
سطام طالع فيه واستغفر وسكت ..
عبد العزيز : اصه اصه ياوغدان
سعود : كانك الي تقول اضغط علامه النجمه
انفتحو بالضحك على كلام سعود
سطام : تدري اول مره تقول كلام صدق
سعود طالع فيه برفعه حاجب وسكت
مشعل : هيه هيه شرايكم نفلح للمزرعه الي هناك
كلهم بصوت واحد : قدام
مشعل : يلا واول واحد يوصل هو الفايز
سطام : وغدان حنا وش تقول انت
مشعل : ياخي فعاليه بدال جوكم الميت ذا
سطام : يلا وش ورانا
مشعل : يلا ١،٢،٣ انطلقوو
بدأو يركضون الين وصل مشعل اول واحد
بعد ماوصلو كلهم :
مشعل وهو يتنهد : قال ايش فعاليه ، تعبت ليتني ماركضت
سطام : الله يلعنك وش خلانا نسمع كلامك
سعود : حسبي الله ونعم الوكيل
عبد العزيز : اخخ ياضهري
مشعل : ليه مذابك ؟
سطام : المصروع طاح على ضهره
انفتحو بالضحك مره ثانيه .
وارتاحو بعدها راحو يتمشون
في البيت ، عند البنات
حنين : ييوهه يبنات شوفو فعاليات العيال ولله يفهمووون وحنا قاعدين هنا بالطفش
هيفاء بهمس :يااحضهمم ، بسرعه روحي نادي ابتسام
وبالفعل ، راحت حنين تنادي ابتسام
ابتسام : هلا شتبين
هيفاء بهمس : ودك نطلع برا صح ، بس انا وانتي وحنين وبناخذ سحر وندى عشان مايعطونا عين على الطلعه
ابتسام : الله اي اي تكفين يلا
هيفاء بهمس: خلاص يلا البسو بس نطلع بشووييش انتبهو احد يدري عننا مانبي احد معنا ، لو شافنا احد بيجون امه محمد كلها معنا
ابتسام بهمس : اوكي يلا
بالفعل ، لبسو وطلعو
هيفاء : يلا وش الجدول وين نروح
حنين : شدراني انا
سحر : خلونا ندوج بالديره
ندى : مصَّرع انتم ؟ ، الحين كل ذا الخضار والمزارع مو ماليه عينكم
هيفاء : اي ولله انك صادقه ، طيب الحين قدامنا ٣ مزارع بعد من واحد لين عشره والي يجي عليها عشره بنروح لها
كلهم بصوت واحد : تم
بدأت تعد وجت العشره على وحده من المزارع
هيفاء : يلا يلا وراي بنسوي فعاليه مخيسه ، انا بقول ياغنماتي وانتم قولو ماء ماء
حنين : سلامات غنم حنا
هيفاء : ماتستاهلون اسويلكم فعاليات ، يع نفسيات
حنين : اقول امشي خلصينا امحق فعاليه
سحر : حتى انتي عارفه انها مخيسه
ندى : مصخنه ؟
هيفاء : ندى حبيبتي انتي مغصوبه تجين
ندى : لا بس قهرتوني ولا انا كيوت
هيفاء : اي واضح .
سحر : حنيين
حنين : حنيـ........ ما امداها تكمل كلامها الا وقالت سحر : لالا تكفين فكينا من ذيك الكلمه المخيسه
حنين : دقيقه بنات تسمعون الصوت
هيفاء : وشهو صوته ،، دقيقه اي اسمع صوت مشعل
حنين : يلييلل لايكون جينا المزرعه الي هم فيها
هيفاء : ياليل التببن
ابتسام وهي تلهث : ياكلاب سحبتو علي من اليوم ادوركم
هيفاء : يوييلي نسيناك ، لاتزعلين
ابتسام : وجع
هيفاء : اسمعو تعالو نخرشهم
كلهم بصوت واحد : يلا يلا
ملاحظة " هيفاء محجبه مو منقبه والباقين منقبات "
بدأو يمشون بشويش وصلت هيفاء وشافت مقفى مشعل وجت وضربته على راسه بخفه
مشعل : سطام يامصروع ، التفت مشعل وقال : بسم الله اثره انتي ، كيف جيتو ؟
هيفاء : قدراتي الخاصه مالك دخل
سعود : هيفاء وين سحر
سحر : انا هناا
سعود : تعالي تعالي
جت سحر ووقفت جنبه
كانت هيفاء تكلم مشعل ومو منتبهه للي يطالعها واول مره يشوفها
طفشو البنات وتعبو ورجعو البيت وكذلك العيال
دخل سطام غرفته وهو مبسوط ، مو مصدق انه شاف جمال زي كذا ! لا ومين ، بنت عمته !
جلس سطام على الكنبه ، فتح تويتر وبدا يكتب اول شيله توصفها وتوصف حالته ..
غرامه سكن قلبي ولا الشوق يشعل بي
وحبه توغل بي لين اصبحت له مرهوون
-
محدٍ في العرب مثله ، في زينه ، وفي شكله
عسى ينكتب وصله .
انتهى ...
ان شاء الله عجبكم البارت ، اسفه البارت قصير 🥹
لاتنسون النجمه حبايبي 🌟
أنت تقرأ
من عرفتك وانا اشوف الناس بطرف عين ، احس اني ملكت شي مايملكونه .
Randomصَحيح غيرك فالعَذارى مزايّين لَكن وش جاب النُجوم لِقَمرها - يَا سعود والله مَا بَعَد زِينها زيّن انا اعتَبرها عبرةً مِن عبرها - جَمالُها يَرجَح ب كُل المَوَازين وَمِن الجَمال الناس تَلفت نظرها ...
