بسم الله الرحمن الرحيم
مشعل : امي تبي اختي طيب
سطام : تعقب مو امك
مشعل : كلتبن
سطام : ابشر
ضحكو وكل واحد راح لغرفته
منتصف اليل الساعه ٢:٣٠
سطام فتح جواله ودخل الواتساب وقرا اسمها وقرر يسولف معها
سطام " هيوفي ، صاحيه ياقلبي ؟ "
هيفاء " هلاا ، ايوه صاحيه ، غريبه مانمت ؟ "
سطام " بلعت النوم بلع ، سولفي لي "
هيفاء " ماعندي سوالف تبي ابكي عندك عشان اظفري انكسر ؟ "
سطام ارسل لها ايموجي " 💀 "
هيفاء " ههههههههههههههه"
سطام " تبغين اسوي لك خطبه يعني حفله بسيطه ؟ "
هيفاء " اممم لا احس بيكلف عليك خله بس ملكه وزواج افضل "
سطام " انتي زوجتي خلاص بسويلك"
هيفاء " سطاام "
سطام " عييووني "
هيفاء " سطام صدق لاتتكلف عادي حتى لو ماحطيت خطبه انا راضييه "
سطام " وانا مو راضي طيب ابي خطبه "
هيفاء " ييووه خلاص بشاور امك لاني احبها "
سطام " زين ، نامي ياعيني "
هيفاء " ليه ماتنام انت شمعنى انا "
سطام " ياروحي انتي مانمتي من الصباح ؟ "
هيفاء " صح نسيت خلاص بنام تصبح على خير "
سطام " تصبحين على نور ياعيوني "
نامت هيفاء وسطام جلس يطقطق بجواله الين نام ...
في صباح اليوم التالي الساعة ٩ صباحاً
صحت هنادي وباقي الامهات وجلسو يسوون الفطور ويسولفون بعدها طلعت لطيفه تقوم الاحفاد طقت لطيفه باب غرفه سطام وفتح سطام الباب
سطام : هلا ياعمه
لطيفه : الحمدلله انت الوحيد الي قمت قوم العيال الباقي وقوم خواتك
سطام : ابشري
فعلاً راح سطام يقومهم ومر من غرفه هيفاء فتح الباب بشويش شافها نايمه حس ان مايبغى يقومها قَبلها بخدها وغطاها بالبطانيه وطلع وسكر الباب ونزل تحت عند هنادي
سطام : يمه
هنادي : هاه
سطام : خلي شوي من الفطور لهيفاء مانامت الا الساعه ٢ اخر اليل
هنادي : وانت وش دراك انها مانامت الا ٢
سطام توتر : هاه لا شفت اخر ضهور بالواتساب وقلت اكيد نامت ذا الوقت
هنادي : اييي اقول بس خل حنين تقومها
سطام : يمه لا خليها تنام تعبانه
هنادي : فكنا يالعاشق الولهان ورح افطر
سطام ابتسم وراح يفطر
الساعه ١٢ ضهراً
صحت هيفاء وطالعت بالساعه وفزت شافت البيت هادي مافي احد توجهت لغرفه حنين ومالقتها بعدها توجهت لغرفه سطام دخلت وشافته جالس على الكنبه
سطام : هلا هلا وغلا بزوجتي
هيفاء : سطاام وين البنات شسالفه وليه ماقومتوني الصباح
سطام : البنات تحت يتغدون وماقومتك الصباح لاني شفتك نايمه قلت مابي اصحيها خليها ترتاح
هيفاء : اخخ ابي اناام
سطام : اول شي افطري بعدين نامي
هيفاء : طيب ، ليه مارحت تتغدى معهم ؟
سطام : مالي نفس
هيفاء : طيب وين امك
سطام : اخ تتغدى
هيفاء : شفيك ليه تقول اخ
سطام : انتي حلوه بزياده حتى وانتي توك قايمه من النوم
هيفاء ابتسمت وحضنته وطلعت من الغرفه وراحت لهنادي
هيفاء : عمه بقيتو لي من الفطور ؟
هنادي : اي العاشق الولهان جا وقال بقو لها تعبانه نايمه
هيفاء بعدم استيعاب : مين العاشق الولهان ؟
هنادي : سطام
هيفاء : يوووه
راحت هيفاء وهي مستحيه حطت لها فطور وراحت لغرفتها تفطر فتحت حوالها وارسلت لسطام " كلتببن ليه ياخي استحييت "
سطام " شفيك "
هيفاء " عمه تقول ان العاشق الولهان الي هو انتت قال بقو لها "
سطام " هههههههه ليه استحيتي عادي زوجتي ومابيها تجوع "
هيفاء " يووه خلاص بروح اكل "
سطام " ععاافيه "
خلصت هيفاء فطورها وانسدحت على السرير وحست بخمول ونامت
بعد مده صحت
هيفاء فتحت جوالها ولقت رساله من سطام
سطام " متى تبين الملكه مقدر اتحمل ابيك انتي حلوه بزياده "
هيفاء " سطام شوي شوي لاتستعجل "
سطام " الشهر الجاي ؟"
هيفاء " خلاص معليه ، سطام توديني انا وابتسام للسوق "
سطام " مالي خلق"
هيفاء " سطاام 🥹 "
سطام " خلاص يلا البسو شنسوي ربي بلاني بدلوعه "
هيفاء " شقصدك "
سطام " انك دلوعتي "
هيفاء " كييووت "
سطام " هههههههه ، يلا البسيي بسررعه انا تحت بالسياره "
هيفاء " من عييوني الثلاث "
سطام " تراها ثنتين "
هيفاء " استهبلل"
نزلت هيفاء وابتسام للسوق وركبو
سطام : حي الله زوووجتي
ابتسام برفعه حاجب : واختك ؟
سطام : حي الله اختي
ابتسام : ادب
سطام : وين تبون
هيفاء : ابي اول شي ماتشا
سطام : ابشري
ابتسام : ابي جرير باخذ حاجات للمدرسه
سطام : زين
هيفاء : وانا ابي حاجات من السوق ابيك تختار ذي وخل دوده الكتب بجرير
ابتسام : خير تخلوني لحالي
سطام : خلاص نخلص من جرير ونروح للسوق اطلب لابتسام اكل وتقعدين تاكلين لين اخلص انا وهيوف
ابتسام : تم
بعد مده وصلو للسوق
طلب سطام اكل لابتسام وراح هو وهيفاء يتسوقون
هيفاء : سطام شرايك بذا
سطام : طالع بهيفاء وطالع بالفستان
هيفاء : شفيك مو حلو ؟
سطام : قاعد اشوف يطلع مضبوط على جسمك ولالا
هيفاء : بسرعه سطاام
سطام : خلاص خذيه
خلصو اغراضهم وخذو ابتسام
ابتسام : سطام ابي البقاله
سطام : زين
ابتسام نزلت وبقى سطام وهيفاء بالسياره
هيفاء : سطام
هيفاء : سطومي
هيفاء :سطاام
كان سطام مركز بالجوال ومو حول هيفاء
زعلت هيفاء وقعدت تطالع بالشباك ركبت ابتسام وراحو للبيت نزلت هيفاء وسطام لاحظ انها زعلانه
سطام : هيفاء
سطام : يا هيفااء
سطام : هيفااء
هيفاء كانت مطنشته وتمشي لحقها سطام وسحبها من يدها
سطام : شفيك ليه مطنشتني ماتسمعيني !
هيفاء : سطام فك يدي
سطام : مراح افكها علميني شفيك ماتسمعيني
هيفاء : سطام فك يدي
سطام : ماراح افكها شفيك انتي !!!
هيفاء بصراخ : سطام خلاص وخر عني فكني من شرك
هيفاء سحبت يدها وطلعت لغرفتها ودخلت وسكرت الباب وقعدت على السرير وفتحت جوالها ولقت رساله من سطام
سطام " شفيك ياهيفاء علي انا زعلتك بشي "
شافت الرساله من برا بس مافتحتها جلست على جوالها الين سمعت صوت طق الباب
هيفاء : ميين ؟
سطام : انا
هيفاء كشرت وفتحت الباب : خير نعم شتبي ؟؟
سطام : هيفاء شفيك ؟
هيفاء : امم قلت شفيك طيب مافيني شي
سطام عرف انها زعلانه منه وحضنها بس دفته هيفاء
هيفاء : خلاص كذا يكفي
سكرت الباب بوجه سطام وسطام واقف عند الباب مصدوم من حركاتها
رجع لغرفته وفتح جواله وكتب لها " هيفاء ماتوقعت ذي الحركات منك بس اسف لو كنت مزعلك ماكنت اقصد ماعمري زعلتك وانا قاصدها اسف احبك .. "
شافت هيفاء الرساله من برا وضهر على وجهها شبه ابتسامه من قرت كلمه احبك بس اخفتها بسرعه
اخر اليل الساعه ٣
سطام ارسل رساله لهيفاء " هيوفي ماودك ترضين اسف قوليلي وش يرضيك وانا انفذه "
ومن حُسن حض سطام ان هيفاء كانت مروقه
هيفاء " ابي اسوره كارتير او فان كليف يلا اشوف تنفذ او لا "
سطام " تم من عيني ذي قبل ذي تحضر عندك بكرا "
هيفاء " ههههههههه ما اتوقع ياسطام "
صباح اليوم التالي الساعه ٨
صحى سطام وافطر لحاله ورجع غرفته ونام الين الساعه ٣ العصر
صحى ولبس ثوبه واخذ مفتاح سيارته وراح يجيب لهيفاء رضاوتها
اشترى لها كارتير مع فان كليف وجهزهم وجاب لها باقه ورد ورديه ورجع البيت دق على ابتسام وقال لها تنادي هيفاء لغرفته
دخلت هيفاء غرفه سطام وهي مكشره ومربعه يدينها كان سطام واقف قدامها ومعاه باقه الورد وكارتير وفان كليف ابتسمت هيفاء من شافتهم وضحكت وجلست تتنطط من السعادة
هيفاء: اللهه سطام احببك طلعت صادق وجبت ليي
سطام : اعشقك ياروح سطام كم عندي هيوف انا ؟
هيفاء خذت الاسوره والخاتم منه وقالت : سطام انزل شوي
سطام نزل وهيفاء باسته على خده سطام ابتسم ورجع باسها بخدها وحضنها.
سطام : اسف ياروح سطام
انتهى ..
ان شاء الله عجبكم البارت ❤️
هاا لاتقولون ان البارت قصيير الاحداث دسمهه
لاتنسون النجمه حبايبي🌟
أنت تقرأ
من عرفتك وانا اشوف الناس بطرف عين ، احس اني ملكت شي مايملكونه .
Randomصَحيح غيرك فالعَذارى مزايّين لَكن وش جاب النُجوم لِقَمرها - يَا سعود والله مَا بَعَد زِينها زيّن انا اعتَبرها عبرةً مِن عبرها - جَمالُها يَرجَح ب كُل المَوَازين وَمِن الجَمال الناس تَلفت نظرها ...
