بسم الله الرحمن الرحيم
خلص سطام الشاهي وبدو يشربون من الشاهي
هيفاء : يلبيه ولله انك فنان
سطام : شرايك بس يابعدي
هيفاء بمزح : اقول بس مافي شاهي هات ذا حقي
سطام ضحك وقال : تعرفين تسوين كبسه ؟
هيفاء : لا
سطام : بوصي عمتي تعلمك ابي زوجتي تكون سنعه
هيفاء : طيب خلاص اسمع
سطام : عيوني
هيفاء : خلينا نتسابق
سطام : وغدان حنا ؟
هيفاء : سططام تكفى عشاني سطومي امانه
سطام : ياربي بليتني بدلوعه تقلب حالي ، خلاص يلا وش نسوي
هيفاء ابتسمت وقالت : يلا واحد ثنين ثلاثه
بدأو يركضون وهيفاء تضحك سطام وصل قبلها ووقف وركضت هيفاء لحضن سطام وحضنته وهم يضحكون فجأه شالها سطام على كتفه وتوجه للخيمه
هيفاء : سطام سطام امانه نزلنيي
سطام : لا مافيه
هيفاء بدات تضحك ونزلها سطام وجلس جنبها
هيفاء : اخخ برد
سطام : جعله بروحي تعالي بحضني
هيفاء ضربته بخفه : استغفر
سطام : خلاص استغفرالله بس تعالي بدفيك بفروتي
هيفاء : لا عيب مايصلح
سطام : انتي كل شي عندك عيب اقول تعالي بس ،،، شالها سطام وحطها بجنبه وضمها لحضنه
سطام : ها دفيتي ؟
هيفاء : ايوه
هيفاء : سطام وش تشتغل انت ؟
سطام : الحين بنتزوج بعد كم اسبوع وماتعرفين وش اشتغل
هيفاء : وش عرفني امانه قولي
سطام : انا عسكري
هيفاء : الله
سطام : وانتي وش تخصصك ؟
هيفاء : يعني بنتزوج بعد كم اسبوع وماتعرف تخصصي ؟
سطام بضحك : تردين الحركه اجل قولي قولي
هيفاء : تخصصي تمريض
فجاه سمعت هيفاء صوت مطر برا
هيفاء : مطر مطر ، ركضت هيفاء لبرا الخيمه والابتسامه شاقه وجهها
سطام لحقها ووقف جنبها وضمها من الجنب
هيفاء : لو انه مو برد كان رحت العب تحت المطر
هيفاء : ياخي احب المطر مرره
سطام : تركدي ولله ان الغيث انتي
هيفاء ابتسمت وبدات تطالع في المطر وهي مبسوطه وقالت : وشرايك نرجع البيت تجمدت من البرد
سطام : ابشري من عيوني البسي عبايتك وخذي اغراضك والحقيني للسياره
هيفاء : طيب
سطام : دقيقه خذي فروتي عشان ماتبردين
هيفاء ابتسمت : طيب
بعد فتره ركبت هيفاء مع سطام وقال سطام : حي الله حلوتي
هيفاء ابتسمت : الله يحييك
سطام : وش تبين اشغل
هيفاء : ما ادري شغل على ذوقك
سطام : من عيوني
شغل سطام الشيله ومسك يد هيفاء وبدا يغني مع الشيله :
ايه انا الرجل العظيم الي تقف خلفه حبيبه
لاذكرها لو تبيه يجيب راس غليص جابه
ابك انا في حبك اقوى فالمواقف واعتزي به
عزوة منها يخر اطلق شنب خوف ومهابه
ابك انا شوق العيوف الي مناسبها عريبه
ماهي بعزوة جبان لاعتزى محدٍ درى به
سطام : يلا ياعيون سطام انزلي وصلنا
هيفاء : يلا
سطام : دقيقه تعالي
هيفاء : هلا
سطام : قلتي لابوك ان الملكه بعد اسبوعين
هيفاء حطت يدها على فمها : لا نسيت اشتري اغراض الملكه ونسيت اقول ل ابوي
سطام حط يده على راسه من الصدمه : انتي صادقه ؟
هيفاء : ايوه ولله اسفه ياسطامي
سطام : لاتتاسفين خلاص محلوله انتي بس روحي لغرفتك ارتاحي وانا ادبرها
هيفاء : متاكد سطام ؟ ولله اسفه نسييت
سطام مسكها من يدها : لاتعتذرريين !
هيفاء : طيب خلاص
أنت تقرأ
من عرفتك وانا اشوف الناس بطرف عين ، احس اني ملكت شي مايملكونه .
Randomصَحيح غيرك فالعَذارى مزايّين لَكن وش جاب النُجوم لِقَمرها - يَا سعود والله مَا بَعَد زِينها زيّن انا اعتَبرها عبرةً مِن عبرها - جَمالُها يَرجَح ب كُل المَوَازين وَمِن الجَمال الناس تَلفت نظرها ...
