بسم الله الرحمٰن الرحيم
رجعت هيفاء وشافت سطام جالس لحاله بسيارته طالعت فيه وطالع فيها بعدين صد استغربت وحاولت تطنش وراحت قعدت عند مشعل
مشعل : من وين لك الفروه
هيفاء : من سطام ، كان يكلمني وقال انتي بردانه وعطاني اياها
مشعل : هيفاء
هيفاء : عيوني
مشعل : سطام شفيه ليه راح لسيارته على طول وماجاني متضايق
هيفاء بتوتر : مدري عنه
مشعل : هيفاء تعالي معي ، سحبها وراحو بعيد شوي وجلسو
مشعل : هيفاء قولي لي الصدق لو قلتي الصدق ماراح اسوي لك شي ولا راح يصير مشاكل وحتى سطام ماراح يعرف
هيفاء : وترتني ، شفيك ؟
مشعل : اول شي ، تحبين سطام ؟
هيفاء سكتت وقعدت تطالع فيه بعدين تكلمت : مدري
مشعل : الا تدرين ياهيفاء ، انتي مو بزر قوليلي
هيفاء : ولله العظيم يامشعل ما ادري
مشعل : خلاص طيب ، يوم رحتي انتي وسطام لحالكم لمسك حضنك شي زي كذا يعني
هيفاء : تبي الصراحه ، بالبدايه كان يكلمني بعدين جت ندى بالدباب وقالت وخرو بصدمكم هو سحبني وحضني بعدين دفيته وقلت خير قال مجرد خايف عليك لاتتضررين عصبت عليه بعدين مسك يدي وقال يدك بارده لاعاد تلبسين خفيف وعطاني فروته
مشعل : بس كذا ؟
هيفاء : اي
مشعل : قال لك شي
هيفاء : قال لي انا اسف وماكان قصدي وكله بسببي ومدري وشو قلت انا مازعلت منك ليه تعتذر
مشعل : طيب ، انا واثق فيك خذي ورق عنبك وروحي اقعدي مع البنات لاتطلعين
هيفاء : طيب ، تبي شي ؟
مشعل : اي ادخلي وعطي سطام فروته وادخلي عند النار تدفي عشان محد يشوف فروته عليك ولا اقول بعطيك فروتي
هيفاء : طيب
عطاها فروته وراح لسطام ركب معه السياره ورمى فروته في المقعد الخلفي
مشعل : حرك روح بعيد شوي بكلمك
سطام : طيب
مشعل : ليه متضايق
سطام : اختك ، واضح انها ماتبلع شوفي
مشعل : لا ياسطام ، هيفاء ماتحب احد يلمسها هي كذا طبعها ماتحب احد يلمسها الا اشخاص محددين عشان كذا دفتك ، واصلا انت ماتحل لها ! كيف تبيها تكمل بحضنك ؟
سطام : وش دراك
مشعل : هي قالت لي ، قلت لها قولي لي
سطام : انت تعرفني ماكان قصدي احضنها ، من خوفي عليها
مشعل : انا عارف ، بس حاول تمسك نفسك الين تملك عليها !
سطام : مشعل ، اسالها تحبني ولالا
مشعل : سالتها
سطام : وش قالت
مشعل : تقول ولله العظيم ما ادري
سطام : طيب وش اسوي عشان تحبني ، ما ابي اغصبها علي انا احبها وهي ماتحبني ؟ كيف بنعيش !
مشعل : مدري ، مدري ياسطام انا ابيها تحبك ، انت اقرب واحد لي ما ارضى يصير لك كذا ، واختي ما اقدر اغصبها على شي هي ماتبيه
سطام : مشعل ، تكفى حاول ب اي طريقه ابي معجزه ابيها تحبني !!!
مشعل : ياسطام ! اعقل مو كل شي يجي بالغصب لو هي تحبك جت وقالت لي انها تحبك هيفاء ماتخبي عني شي
سطام بقل حيله : طيب تمام
مشعل : لاتتضايق ياسطام ، اصبر ماتدري يمكن تحبك انا بنزل بروح اجلس مع الرجال تعال معي
سطام : طيب
نزلو وناضر سطام في هيفاء وشافها تضحك ابتسم بخفه بعدين كشر ودخل عند الرجال
هيفاء : حنين تعالي بقولك شي
ملاحظة " سطام قريب من مشعل "" هيفاء قريبه من حنين "
حنين : حنين بتعمل سكين روتين
هيفاء : ياحنين مو وقتك اخلصي
حنين : وجع نفسيات يلا جيت
هيفاء : تخيلي جاني مشعل وقال انتي تحبين سطام ومدري وشو قلت مدري يخوف الوضع احس في شي
حنين : همممم تحليلاتي وتوقعاتي تقول انه يحبك وبيتزوجك ان شاء الله
هيفاء : تحليلاتك وتوقعاتك اكذب منها ما شفت امشي بس شوي بسال مشعل
حنين : تشوفين بعدين بيخطببك صدقيني
هيفاء : ماعندك ماعند جدتي اصه بس
عند سطام
سطام : مشعل
مشعل : هااه
سطام : عادي اقول لهيفاء اني احبها مقدر اسكت
مشعل : يامسلم اصبر ، خله اذا جينا البيت بتصدم المسكينه
سطام : ييووه
مشعل : موب الا انت تحبها ؟
سطام : اي
مشعل : خلاص اسكت عشان ماتصدمها الله يزوجكم ويفكنا منكم
سطام : اللهم اممييييننن
مشعل : ولد اهجد خالي يطالع فينا
صقر : ولد انت وياه اعقلو لا ولله اخليكم قهوجيين هنا
سطام ، مشعل : ابشر
انتهى ...
ان شاء الله عجبكم البارت ..
هذي مكافأة بسييطه مني للكم ❤️❤️
لاتنسون النجمه 🌟
أنت تقرأ
من عرفتك وانا اشوف الناس بطرف عين ، احس اني ملكت شي مايملكونه .
Randomصَحيح غيرك فالعَذارى مزايّين لَكن وش جاب النُجوم لِقَمرها - يَا سعود والله مَا بَعَد زِينها زيّن انا اعتَبرها عبرةً مِن عبرها - جَمالُها يَرجَح ب كُل المَوَازين وَمِن الجَمال الناس تَلفت نظرها ...
