بسم الله الرحمن الرحيم
فجأة بنص سوالفهم تكلمت هيفاء
هيفاء : اسمعو شرايكم نطلع برا بالحوش ونقعد هنا كأبه
افنان : طلع عندك افكار صدق ليه مانطلع
فهد( العم) : يلا تعال انت ياسطام وانت يامشعل وانت ياعبد العزيز وانت ياسلطان جيبو الفرشه والمراكي وزينو الوضع برا
وانتي ياهيفاء لانك صاحبه الفكره جيبي القهوه وانتي ياحنين جيبي الحلا وانتي ياندى جيبي التمر
كلهم بصوت واحد : ابشر ياعم
طلعو وكل واحد سوا الي عليه وتجمعو اغلب العائله وجلسو بأستثناء سطام الي ضاق صدره فجاه وطلع يقعد بالسياره
استغربت هيفاء وشافت هنادي زعلانه تبي سطام معاها قامت ولحقت سطام لسيارته فتحت باب السياره ،هيفاء : سطام تعال اجلس معانا امك زعلانه تبيك
سطام جلس يطالع فيها ويقول بنفسه " انا الي ابيك يامسلمه متى اجمع مهرك واخطبك " هيفاء : هيييه سطام انت معي تسمعني ؟
سطام : هلا اي اي اسمعك
هيفاء : طيب تعال ياخي اجلس معانا امك تبيك وانا مارضى انها تزعل صراحه احبها
سطام : ابشري من عيوني بجي
هيفاء استغربت وقالت بنفسها " بسم الله شفيه ذا " هيفاء : خلاص يلا تعال
التفتت هيفاء بترجع الا صدمت بمشعل وكانت بتطيح على ضهرها بس سطام كان وراها ومسكها
هيفاء : وجع كنت بطيح
مشعل بمزح : ليه رحتي يابيبي ابيك
هيفاء : وع وع
سطام : الله يقرفكم امشو يلا
هيفاء بمزح : طيب لاتدف
سطام : ترا بدف صدق
هيفاء : لالا خلاص
سطام بنفسه " ولله اني اخسى اسويها "
رجعو وجلسو يسولفون وسطام كان كل شوي يسرح وده يقوم ويجلس لحاله بس عشان هيفاء وامه مايبي يقوم
فجاه قام مشعل ودخل للمطبخ يدور له اكل لقى ابتسام قاعده تاكل اندومي
ابتسام : اعوذ بالله شجابك
مشعل : عصافير بطني جابتني
ابتسام : دحدر ولله ماعطيك من الاندومي حقي
مشعل : وش ابي باندوميك جعله مايحدر
ابتسام : استغفر
مشعل : لا
ابتسام : يامشعل استغفر تكفى
مشعل : لللااا
قامت ابتسام من مكانها ووقفت قدام مشعل : يامشعل امانه عشان هيفاء تكفى
مشعل : برضو لا
ابتسام : يليل كل تبن
رجعت جلست بمكانها وبدت تدمع ،،،،،، ملاحضة " ابتسام حساسه جدا "
لاحظ مشعل انها مدمعه وتشهق : بنت هيه ابتسام
ابتسام ماردت عليه وتكلم مشعل : ابتسام شفيك
ابتسام بصوت باكي : هاه خير نعم شتبي
مشعل جلس قدامها : شفيك ليه تبكين
ابتسام : من قال اني ابكي ،،،، وبدت تبكي وتشهق
مشعل : يليل من يسكتها الحين ، ابتسام خلاص طيب شفيك
ابتسام : كلكم علي انت تدعي علي وسطام قبل شوي يدفني وفهد يقولي انعلقي فارقيني
مشعل : طيب خلاص هم حمير لاتاخذين بكلامهم وانا اسف ولله ماكان قصدي
ابتسام : الا كان قصدى اقول استغفر ماتستغفر تقول لي لا
مشعل جلس جنبها : طيب خلاص انا اسف حقك علي قوليلي وش تبين اسوي لك واسوي لك عشان ترضين تكفين محب احد يزعل مني
ابتسام ابتسمت ومسحت دموعها بعشوائية : ودني للسوق انا وهيفاء بس
مشعل : بس كذا ؟ ماتبين شي ثاني
ابتسام : لا
مشعل : خلاص ابشري روحي غسلي وجهك عشان مايبين انك باكيه وتعالي كملي اكلك وخلاص انا استغفرت بنفسي
ابتسام : طيب
راحت ابتسام تغسل وجهها ومشعل يرجع شعره لورا ويفكر وش يجيب لها لانه حاس بتأنيب ضمير قوي
جت ابتسام وهي تركض مبتسمه وقالت : خلاص رضيت عليك تبي اسوي لك اكل
مشعل انتبه لها : اي اي سوي لي تكفين
ابتسام : طيب بس روح اقعد بالصاله لين اخلص واجيك
مشعل ابتسم : ابشري
بعد فتره
خلصت ابتسام وجت للصاله وحطت اكله وراحت جابت صحنها وجلست قدامه ،، ابتسام : يلا سولف لي
مشعل : ماعندي سوالف سولفي لي انتي
ابتسام :طيب اسمع تخيل مره كنت انا وصحباتي جالسين فجاه جتنا ذيك الاداريه تخووف اعوذ بالله دايم نشبهها بالبطريق المهم جت وقالت قومي انتي وياها الله لايوفقها من الخرشه انكبت القهوه علي صار مريولي كله بني وصحباتي يضحكوون ؟! وانا ماسكه البكيه خلاص مقدر انضفه بقعد اليوم كله مريولي بني ؟ يع يع شكليي ولله انقهرت المهم ،،،، جلست ابتسام تسولف ومشعل ياكل ويطالع فيها وهو مبتسم،، فجأه دخلت هيفاء تركض وشهقت وقالت : وش تسووون
مشعل شرق باللقمه وهيفاء تضحك وتضرب على ضهره
مشعل : خلاص خلاص كسرتي ضهري
دخل سطام وهو ينادي مشعل بصوت عالي جدا ويخوف
هيفاء : سطام سطاام بس بس اذنني تكفى لاتصارخ ماحب الاصوات العاليه
سطام سمع اسمه من منطوقها وسكت وقال بصوت هادي : هاه وش تقولين
هيفاء بصوت انثوي منخفض : اقول بس ياسطام ما احب الاصوات العاليه لاتصارخ
سطام : طيب من عيوني
مشعل طالع فيهم وطلع لغرفته وهيفاء طالعت بسطام وقالت : شفيه ليه طلع
سطام : مدري عنه
انتهى ..
ان شاء الله عجبكم البارت 🤎
ادري مو دسسم مثل ماقلت بس يلا الاحداث حلوه 🤗❤️
لاتنسون النجمه 🌟
أنت تقرأ
من عرفتك وانا اشوف الناس بطرف عين ، احس اني ملكت شي مايملكونه .
Randomصَحيح غيرك فالعَذارى مزايّين لَكن وش جاب النُجوم لِقَمرها - يَا سعود والله مَا بَعَد زِينها زيّن انا اعتَبرها عبرةً مِن عبرها - جَمالُها يَرجَح ب كُل المَوَازين وَمِن الجَمال الناس تَلفت نظرها ...
