بسم الله الرحمن الرحيم
كان يطالع فيها مشعل وهو مبتسم وراح لغرفته
في صباح اليوم الثاني الساعه ١٠ الصباح
صحى سطام طالع بالساعه وقام بسرعه غير ملابسه ونزل يفطر بعد ما خلص فطور طلع فوق عشان يبدل وييروح لدوامه فتح باب غرفه هيفاء ودخل طالع بالسرير مالقاها وتكلمت هيفاء من وراه :
سطامي وش جابك
سطام ابتسم : عيون سطامك وينك ؟
هيفاء : هنا ورا الدولاب
سطام وسع عيونه بصدمه وضحك : وش تسوين ورا الدولاب
هيفاء : كنت واقفه جنب الدولاب وطاح الروج حقي ورا ووخرت الدولاب عشان اجيبه
سطام : وانتي اصلا كيف وخرتي الدولاب
هيفاء : خفيف ترا
سطام : اسمعي انا متاخر على دوامي بحضنك وابوسك واروح تمام ياعيوني ؟
هيفاء : وتعلمني بعد
سطام ضحك : اي
سحبها سطام من خصرها وحضنها وباسها بخدها وقال : يلا يعيوني بروح لدوامي تبين شي ؟
هيفاء : لا ، ترجع بالسلامه يارب
سطام : يارب ، يلا مع السلامه ياروحي
هيفاء : مع السلامه .
طلع سطام من غرفتها وراح لغرفته لبس لبس الدوام وركب سيارته واتجه لدوامه
اما عند هيفاء قفلت باب غرفتها وغيرت ملابسها ودخلت دوره المياه " الله يكرمكم " تاخذ شاور وبعد ماخلصت طلعت ولبست ونزلت تحت تفطر وتسولف مع عماتها وامها
هنادي : هلا بالزين
هيفاء : هلا فيك ياعمه
هنادي : ماتدرين سطام افطر ولالا ؟
هيفاء : لا ما ادري بدق عليه اساله
فتحت جوالها واتصلت على سطام لكن جواله كان مقفل استغربت وقالت : جواله مقفل
هنادي : غريبه ماعمره قفل جواله !
هيفاء : يمكن مايبغى احد يزعجه
هنادي : يمكن
بعد ساعتين
دخل سطام غرفه هيفاء وشعره مو مرتب ووجهه وجسمه كله جروح
فزت هيفاء من مكانها وركضت له
هيفاء بخوف : سطام شفيك !!
سطام جلس على ركبه وهيفاء مسكت راسه تشوف الجروح الي بوجهه
هيفاء : يويلي شفيك !
سطام وقف بالقوه وجلس على السرير وحضنها
بعد فتره
عقمت هيفاء جروح سطام وبعدها سألته
هيفاء : سطام شفيك شصاير
سطام بصوت متعب : تهاوشت مع واحد
هيفاء : ليش شسوا لك
سطام كشر : مبي اقول
هيفاء حضنته : خلاص ياعيوني سلامتك
سطام : عقمي لي جروحي الباقيه
هيفاء وسعت عيونها بصدمه : وشو في بعد وين
سطام فصخ بدلته وشافت ان يده كلها جروح
هيفاء : سطاام وش ملقفك عليه عاجبك الحين تعورت !! ، سطام طالع فيها وقال : ممكن تداومينهم ؟
هيفاء : تمام
بدات هيفاء تداوي جروحه وبعد ماخلصت : ها سطوم في زياده ؟
سطام بتعب : انا بكبري كلي جروح فتشي دوري
هيفاء وسعت عيونها : لا كذا اوفر اكيد ماراح اخليك تفصخ تيشيرتك واشوف كل شي معليش داوي نفسك بنفسك
سطام : حلوه ذي انا تعبان طيب
هيفاء : لا نووو معليش خلي مشعل يدبرك انا مو قليله ادب لذي الدرجه
سطام : لاحول ولا قوه الا بالله يالمتربيه خلاص ناديلي مشعل
هيفاء : اوكي
وبالفعل راحت هيفاء وقالت لمشعل كل شي
مشعل : حلوه ذي وانتي مدخلته غرفتك
هيفاء : مشعل ترا ببرك فوقك تراه زوجي
مشعل : صح بس انا اغار !
هيفاء : خل غيرتك ذي على ابتسام
مشعل ابتسم : بنت
هيفاء : اي تنبسط اذا سمعت طاريها اقول يلا اخاف على زوجي يموت روح داويه
مشعل : داويه انتي
هيفاء : خييير امي ماربتني كذا
مشعل : اي واضح خلاص يلا
دخلو غرفه هيفاء وبدات هيفاء تعلم مشعل كيف يداوي جروحه
مشعل : اص ياطالبه الطب ترا اغسل جروحه بمويه ويطيب
هيفاء صرخت بعصبيه : يامتخلف اسمعني كذا تضره نفذ كلامي وانت ساكت يلا اشوف
مشعل : اسفين يادكتورتنا
سطام يتأملها كيف معصبه : حتى وانتي معصبه حلوه ! ارفقي بحالي
هيفاء ابتسمت ومشعل قال : ولد ترا بهفك بالي معي اغار عليها
هيفاء وسطام بصوت واحد : غيرتك على ابتسام
مشعل ابتسم وقال : خلاص يالمتربيه اطلعي
هيفاء : تطردني من غرفتي !!
سطام فصخ تيشيرته وهيفاء صرخت وسكرت عيونها : وع مقرفيين ماتربييتو
طلعت هيفاء وسكرت الباب وهي تسمع ضحكهم عليها
هيفاء بهمس : وع وع وصخيين
بعد فتره
هيفاء من ورا الباب : هاا خلصتو ترا اخذتوها حلا
مشعل : دقيقه باقي جرح واحد كبير
هيفاء : وين مكان الجرح
مشعل : بكتفه
هيفاء : يووه كيف ماشفته خلاص بجي
فتحت هيفاء الباب ودخلت وقالت : يلا شكرا مشعل عالمساعده
مشعل : لا معليش ماراح اطلع
هيفاء تخصرت : ياسلام ليه ؟
مشعل قلد طريقه كلامها : لاني اغار ماراح اتركك مع المعضل ذا اخاف يبرك فوقك اذا عورتيه
هيفاء : غيرتك على ابتسام مو علي ...... قاطع كلامها دخول ابتسام بعد ماسمعت كلام هيفاء
ابتسام طالعت بمشعل وركضت لسطام : يمه شفيه
هيفاء : متهاوش مع واحد يحياتي هو وصفقه
سطام : ترا ماصفقني انا صفقته وهو جروحه اقوى مني
هيفاء : طيب خلاص تعال بعقم جرحك
ابتسام : في مناضر مرعبه ولا اقعد
هيفاء : لا فيه مناضر مرعبه تبين تشوفين الجرح
ابتسام : ايوه فضولي بيقتلني
هيفاء ورتها الجرح وصرخت ابتسام بخوف وغطت عيونها ورجعت لورا وصدمت بصدر مشعل وحضنها
سطام رفع حواجبه : هيه مو معناته ان انت تحبها تحضنها قدامي تراني اغار عليها مثل غيرتي على هيوف
مشعل : هيه لاتخليني ارمي كروتك تراك كنت تحضن هيفاء وتبوسها وانت ماخطبتها
سطام : تعقب وتخسى مابستها وانا ماخطبتها بس احضنها
مشعل : اي ماقصرت انا بحضنها مثل ماحضنت اختي
ابتسام طلعت من حضن مشعل ووقفت جنب هيفاء وقالت بهمس : هم يعرفون اني احبه
هيفاء : من زمان
ابتسام : انا مفضوحه لذي الدرجه
هيفاء : لا بس مشعل كان يقولي انه يحبك ونفس الشي يقول لسطام
ابتسام : يع فشله
هيفاء : عادي عادي
مشعل : يارجال وخر بس
هيفاء وقفت مابينهم وقالت : بس يابزارين خلاص مشعل سطام تعبان وانت تتهاوش معه خله بعدين
ويلا تقلع وابتسام لو سمحتي يا افضل وحده اطلعي
ابتسام : طرده محترمه
هيفاء : صح
طلعو والتفتت هيفاء على سطام وشافته معقد حواجبه ومعصب
هيفاء : سطامي لاتزعل ذا متخلف خله عامله كانه ماعنده عقل لاتزعل
سطام ابتسم وباسها بخدها وقال : عقميه بدا يعورني
هيفاء : طيب
بدات هيفاء تعقم الجرح لسطام
هيفاء : يلا خلصناا
سطام انسدح على سريرها وغمض عيونه
هيفاء : هيه شتسوي
سطام : بنام
هيفاء : وانا بقعد بغرفتي طيب
سطام : اجل خلاص انا بنام هنا وانتي اجلسي على الكنبه
هيفاء : لولا انك مو تعبان كان طردتك
سطام طالع فيها برفعه حاجب وتلحف بالبطانيه وغمض عيونه ودخل بالنوم
هيفاء : سطام لايكون نمت طفشت ،،،، يوه نام الحين مايصحى الا بالويل
طلعت هيفاء من الغرفه وراحت لغرفه مشعل دخلت وشافته مقعد حواجبه وزعلان
هيفاء : لحول شفيك انت الثاني
مشعل : حلوه ذي مايبيني احضن اخته وهو يحضنك قبل لاتنخطبون
هيفاء : ياخي كان سكتت وفكيتها حرام سطامي تعبان وماله خلق شي بعدين هو خويك ماتخاف عليه ولا بس انا وامه الي نخاف
مشعل : خلاص وينه بعتذر له
هيفاء : نايم
مشعل : بصحيه
هيفاء : مشعل انت شصاير لك مخك متفرمت سطام تعباااااان تعبان ولا تبي اكتب تعبان على جبهتي عشان تستوعب !
مشعل : خلاص اعوذ بالله
هيفاء : جلسه هم
طلعت هيفاء من الغرفه وراحت غرفتها وطالعت بسطام وقالت بنفسها " يحياتي هو يصحى بالسلامه يارب "
انتهى ..
ان شاء الله عجبكم البارت ❤️
لاتنسون النجمه حبايبي 🌟
أنت تقرأ
من عرفتك وانا اشوف الناس بطرف عين ، احس اني ملكت شي مايملكونه .
Randomصَحيح غيرك فالعَذارى مزايّين لَكن وش جاب النُجوم لِقَمرها - يَا سعود والله مَا بَعَد زِينها زيّن انا اعتَبرها عبرةً مِن عبرها - جَمالُها يَرجَح ب كُل المَوَازين وَمِن الجَمال الناس تَلفت نظرها ...
