بسم الله الرحمن الرحيم
طلعت هيفاء ورا مشعل هي وسطام دخلت غرفته وشافته جالس على الكنبه ويطقطق بجواله
هيفاء: شفيك
مشعل ناظر فيها وبسطام : هيفاء ممكن تطلعين بقول لسطام شي
هيفاء استغربت وهزت راسها بالموافقه وطلعت
مشعل : انت تحب هيفاء ؟
سطام : هاه مدري يمكن
مشعل عدل جلسته : سطام لاتسوق امها على مخي انا عندي عيون وعندي اذاني اسمع واشوف واضح حبك لها لاتستعبط على راسي
سطام : تبي الصراحه ؟ اي انا احبها
مشعل : طيب ! ليه ماتخطبها انا ماحب الي يجي ويقول ياعيوني ويامدري وشو وهو اصلا ماتزوجها ولابينهم شي !
سطام : طيب مشعل اهدى الحين واضح انك معصب انا بطلع واذا هديت دق علي ونكمل موضوعنا
مشعل هز راسه بالموافقه وطلع سطام وشاف هيفاء بوجهه طالع فيها وتنهد وراح
هيفاء : سطام سطام
سطام : هلا
هيفاء : شفيكم مشعل فيه شي ؟
سطام : تعرفين بعدين ما اقدر اقول شي ، بروح
راح وهيفاء تطالع بباب غرفه مشعل مصدومه منهم وراحت لغرفتها
في مكان آخر " بغرفه سطام "
كان قاعد يفكر فيها وخايف يزعل مشعل منه ومايتزوجها وهو يحب مشعل ومايبيه يزعل منه ومايبي هيفاء تروح من يدينه ! فجأة دخل مشعل لغرفه سطام
سطام : هديت ؟
مشعل : اي
سطام : مشعل لاتزعل مني انا ابي اتزوجها واحبها بس اجمع مهرها !
مشعل : تجمع مهرها ؟ سطام انا اقرب واحد لك ليه ماقلت لي كان ساعدتك بالمهر حتى لو انها اختي
سطام : خلاص حقك علي وانا اخوك
مشعل : طيب متى بتتزوجها نبي فعاليات
سطام : اختك يامصروع
مشعل : اختك انت
سطام : هيه لاتتعدى حدوووودك
مشعل :هههههه امزح معك
قعدو يضحكون تاركين هيفاء بحيره
فجاه قامت هيفاء وطلعت من غرفتها وراحت فتحت باب غرفه مشعل مالقته عرفت انه عند سطام لبست طرحتها وراحت لغرفه سطام دقت الباب ودخلت شافتهم يضحكون مع بعض وقفت مصدومه وهم يطالعون فيها ينتضرونها تتكلم
هيفاء : بالله ؟ تاركني محتاره وخايفه عليك ! وانت تسولف مع المبدول ذا ؟
مشعل قام من مكانه : ولله اسف ياهيفاء توقعت انه عادي ومايهمك
هيفاء : كيف مايهمني ! انت اقرب واحد لي وتبي مايهمني شي !
سطام : دقيقه الغلط علي انا مو عليه انا الي ناديته وهو زعلان عشان اراضيه بعدين يجيك
هيفاء طالعت فيهم وهزت راسها بالموافقه وطلعت وجلست بغرفتها وقفلت الباب
مشعل : الله يلعنك زعلت من يراضيها الحين
سطام : تسمح لي اراضيها انا بنفسي شوي اذا طلعنا البر ؟
مشعل تنهد: متاكد بتراضيها بس لاتتعدى حدودك معها ، انا واثق فيك
سطام : ماعليك ابشر بي
هز مشعل راسه بالموافقه وطلع من غرفه سطام
عند هنادي
كانت قاعده تمر على البيت كله غرفه غرفه وتقولهم يلبسون الين وصلت لغرفه هيفاء طقت الباب ماسمعت احد بدت تطق الباب بقوه الين فتحت هيفاء الباب وهي تبكي
هنادي : يويلي ويلاه شقومش ؟؟
هيفاء انفجرت بالبكاء وصوتها صار يسمعه كل البيت جا سطام وهو مستغرب وشافها تبكي
سطام بخوف : هيه هيفاء شفيك
هيفاء : كل تبن انقلع عني ابي مشعل
سطام : اح ، طيب خلاص ابشري ، راح سطام ينادي مشعل
هنادي : شقومش وانا امش وراش تبكين ؟
هيفاء : ياعمه خلوني خايفه على مشعل ويوم دخلت عليهم لقيتهم يضحكوون
هنادي : من هم
هيفاء : ولدك سطام ومشعل
هنادي : ماعليش من سطام ذا مصروع مهبول مبدول ماعليش منه
مشعل جا يركض : شفيك شفيك هيفاء !
سطام : صح شفيك
هيفاء بصوت باكي : ياخي انت شتبي ابي مشعل بس انقلع عني
سطام بمزح : طيب ليه تعطيني فالوجه تراني انجرح
هيفاء : مو وقتك طس عني
مشعل : خلاص سطام روح انت وامك جهزو كل شي وانا بكلمها
راحو ودخلو مشعل وهيفاء الغرفه قفل الباب مشعل وجلس هو وياها
مشعل : شفيك ياقلبي قولي لي
هيفاء : ليه تخلوني طيب كان جيتني المفروض تجيني انا اول وحده مو تجي سطام !
مشعل حضنها : خلاص اسف ياقلبي انتي ولله العظيم ماكان قصدي
هيفاء : الا قول مافكرت فيك
مشعل : ياهيفاء وش ذا الكلام اول من افكر فيه واول همي انتي ! كيف ما افكر فيك
هيفاء طالعت فيه وماعرفت ترد وبكت بحضنه وهو يهديها اليين نامت ، قام مشعل بكل هدوء وغطاها وطفى النور وطلع
هنادي : وينها خليها تلبس بسرعه ماعندنا وقت
مشعل : ياعمه نامت
هنادي : يوووه قومها قومها تنام بالسياره عادي الطريق طويل
مشعل : ابشري
دخل مشعل وجلس على طرف السرير وتكلم بصوت هادي وكله حنان : هيفاء ، هيوف ، هيوفتي
هيفاء همهمت له
مشعل : ياقلبي قومي بنروح للبر
هيفاء طالعت فيه وقامت عدلت شعرها وقالت خلاص اطلع بلبس
مشعل : غسلي وجهك ، عيونك حمرا بسم الله عليك
هيفاء هزت راسها بالموافقه ولبست لبس خفيف ولبست عبايتها وطلعت
فهد " العم " : يلا تجمعون بوزعكم
انت ياسطام وانتي ياهيفاء وانت يامشعل وانت يافهد " اخو مشعل " كلكم على سياره سطام
وسلطان وسعود ومها وندى وابتسام على سياره سلطان
وفهد وشهد وعبد العزيز وسحر وحنين على سياره فهد
وشوق وفيصل وجابر وغرام وهنادي والعنود على سيارة فيصل
وافنان ولطيفه وفهد وصقر بسيارتي انا
مشو للبر وهيفاء نامت وهي جالسه اليين وصلو للبر ، نزلو كل الي بسياره سطام الا سطام وهيفاء
سطام بصوت حنون : هيوف
هيفاء : يووه يامشعل خلني انام خلاص تعبانه
سطام : هيوف انا مو مشعل
فزت هيفاء وطالعت بسطام وتنهدت براحه : ياخي خرشتني
سطام : انزلي ياقلبي وصلنا
هيفاء : طيب
نزلت وجلسو كلهم مع بعض وبعدها تجمعو هيفاء وندى وسحر وابتسام وغرام
هيفاء : اسمعو بنتسابق كلنا واول وحده توصل. هناك تاخذ اخر علبه ورق عنب
كلهم بصوت واحد : تمم
هيفاء : يلا ١،٢،٣ انطلققووو
بدأو يركضون وسطام ومشعل يناضرون فيهم ويضحكون واول وحده وصلت هيفاء
هيفاء طلعت لسانها لهم : حرره وصلت قبلهم وباخذ العلبه كلها
سحر : وجعع لالا غش
ابتسام : اي غش شذا
هيفاء : اقول بس يلا يلا
رجعت هيفاء وجلست بالارض ومستمتعه وتاكل ورق عنب
سطام : هيفاء اتركي الورق عنب وتعالي ابيك
هيفاء : لالا بياخذونه وياكلونه ولله ما اخليه
مشعل : هيفاء هاتيه انا بخليه عندي ولله مايذوقونه
هيفاء : يلا بعطيك
سطام سحبها بعيد عن جلستهم شوي
هيفاء : هلا
سطام : اجلسي مطولين حنا
هيفاء : يلا وش عندك
سطام تنهد : انا اسف ياهيفاء ولله ماكان قصدي ازعلك انا ومشعل ولله اسف ، انا مارضى زعلك ولله
هيفاء ساكته ومصدومه وتطالع فيه
سطام : هيفاء ، اسف
هيفاء : بس انا مازعلت منك ، ليه تعتذر
سطام : لانك بكيتي ، قلت اكيد بسببي
هيفاء : مو كل شي بسببك لاتعتذر انت ماغلطت
سطام بابتسامه : يعني انتي مو زعلانه مني
هيفاء : لا
فجاه سمع صدام صوت صراخ وطالع الا يشوف دباب عليه ندى
ندى : وخروووو عنييي البريكات مو راضيه تشتتغلل
سطام ضم هيفاء لصدره عشان ماتتضرر من الدباب
راحت ندى وسطام للحين ضام هيفاء بقوه
هيفاء دفته ووقفت : لاتحضني ولا تلمسني !!! مو طبيعي انت
سطام وقف : بالغلط ، عشان ماتتضررين
هيفاء : خلاص زين
سطام لاحظ انها ترجف : شفيك ليه ترجفين
هيفاء : مافيني شي
سطام لمس يد هيفاء ولاحظ انها بارده طالع فيها : لابسه خفيف ، لاعاد تلبسين خفيف الشتاء قرب اخاف تمرضين
نزل سطام فروته الي عليه وعطاها هيفاء : خذيها تدفي فيها ، ماراح اتكلم معك اكثر من كذا دامك ماتبغين كلامي معاك مجرد اني خايف عليك ، لا اكثر ولا اقل
مشى سطام وترك هيفاء
هيفاء بنفسها " يلا خير وبركه لقيت شي اتدفى به "
انتهى ..
شرايكم بالبارت حباايبي 🤗 ؟؟
ضبطتكم ولالا بارت طوييل واحداث حلوه
لاتنسون النجمه 🌟 .
أنت تقرأ
من عرفتك وانا اشوف الناس بطرف عين ، احس اني ملكت شي مايملكونه .
Randomصَحيح غيرك فالعَذارى مزايّين لَكن وش جاب النُجوم لِقَمرها - يَا سعود والله مَا بَعَد زِينها زيّن انا اعتَبرها عبرةً مِن عبرها - جَمالُها يَرجَح ب كُل المَوَازين وَمِن الجَمال الناس تَلفت نظرها ...
