عشك الملا غربال

البارت ٢

#عشك الملا غربال

_______

جمالكِ هائل
واصابعي لا تحتمل ان تكتب عنك
ارجوك جردني من جلدي
واسكن بي  ..

تعود بي الذكريات حيث ....

بقيت طول الطريق وجهه ميفارك
تفكيري واحس بنفسي هذا الشكل
ابد مو غريب عليه بس وين ما كنت
اعرف,

وصلت قريب بيتنا وكلت الابو
رضا :- عمو انزل ويايه اتغده الوالده
اليوم مسويه اكلات تاكل اصابيعك
وراها والله واكله اطيب من اكله

ضحك وهو يعدل نظاراته وكال :- ههههه
والله عمو سراوي  .. سوالفج حلوة  .. بس
شيفكني من بهجت تضوج وحدها تعرفين رضا
بالعسكرية وصارت تضوج تحط
اللكمه بحلكها بدونه

- اووي عمو لعد جيبها فد يوم
عدنا ليش تكعد وحدها وتضوج
على االاقل تسولف ويه ماما يطلعون
يتمشون شي ولتبقى هيج وتنقهر

- والله يا بعد عمج ما تقبل تطلع
وحابسه روحها بهالحجره وكاعده
بقريولتها ومتقبل تطلع لازمه قرأنها
وتدعي الرضا وحاطه كلبها بشيشه
عليه لان بالغربه وهالوحيد  ..

- يارب يرجع بالسلامه بس هماتين
اقنعها بلكي تجي العدنا تعرف احنه
ما عدنه احد نعرفه هنا ببغداد غيركم

- احاول وياها ياعمو وبلكي والله
ريتها

- يلا عمو هياني وصلت بلغ سلامي
للحجيه

- ههههه هلا بيج واصل بعد عمج
بس طبكي الباب حيل لان ما ينسد
نزلت من السياره فتحت الباب
وركضت للحديقه علمود اشوف
جهال البزونه مالتي ..

شفت بابا بملابس الدوام ذاب
الستره على المرجوعه وكاعد يسكي
الورد بالحديقه

- دكتور احمد ممكن اكلك هلو
وانطيييك بوووسه قوووويه

فاجأته بحضنه من وره ضهره وهو
يضحك ...

- حبيبه ابوها وعيونه وخري ...
وخري .. لتتبلل ملابسج

- خليي تتبلل ملابسي المهم
احضنك حييييل قبل لتجي
العينتين وتخبصني بغيرتها وتاخذك
مني

- ههههه شلون جان يومج باباتي

ذبيت نفس بملل :- مللللللللللل
اووووووف ماتوقعت هيج الجامعه
ممله والبنات شايفين نفسهم

ذنب قميصه وبقه بلفانيله وجاوبني
وهو يمسح العرك من كصته وذب
نفس :- بابا حبيبتي هناك مجتمع
مختلف بي الزين وبي الشين وبي
العنده الف وجه ووجه بس هنا لازم
يكون الانسان فطن ويتعلم ويعرف
ينكي صاحبه ورفيق دربه ومينخدع
بالناس

- زين بابا شلون اعرف الزين من
الموزين 

- المواقف بابا .. المواقف والافعال
هي الي تبين معدن الانسان
إضافةً لنجاحج وتفوقج  ،
الانسان الناجح مُحارب ويتعرض
للاستغلال ..