عشك الملا غربال

بارت ٦

#عشك الملا غربال

_______

اخذها وطلع ومندري شصار غير
بس خالتي تفرفح جوه ايد غربال
دخلنا للاستقبال
نص ساعه واجه مهيمن حجه وي
نور

- ها بنوات شني شعدجن كاعدات
هنا شبيجن تبجن

نور :- امك مندري شبيها واخذها
غربال للمستشفى

انتفض مهيمن بسرعه :- شنووو
شكلتي وين راحو يامستشفى

- مندري والله

بدون ميجاوب  .. حجت امي :- فوتي
يمه هذا هم مخبل مثل امه

من شفنه ماما ركضنا الحضنها
ونبجي :- ماماااا خاله نهاوي وكعت

- يااااا عزززززااا هاي شكووو

- ولج شني يمه تعاي حبوبه شبيها
خالتج?

- بيبي والله خاله نهاوي ضلت تبجي
وتصرخ وغربال اخذها منعرف
شبيها

- عزا العزاني ووين اخذها خايبه
خل اكومن  .. علي علي علي

كامت بيبي :- يمه وين كايمه واحنه
منعرف وين راحو

- خايبه شمالها نهيوه بس لا طاكها
رجلها وكاسره ايدها عبن هاي مو
اول مره يسويها

- هاي شنو بعد معقوله

- يوووه جنج ماتعرفين لسان اختج
لو فك حلكه وياها ردته بعشره لا
رجلها خلصان ولا عيالها, عدزلها
وهي بعدها
ومنا رجلها مسودن لو فكت حلكها
هددها يحط جيله براسها بلجن
تعگل

- شنو هاي عبالي كبر وصار ادمي
ولو هي اختي مدري شلونها تتعارك
وي ذبانها ومحد خلصان

- هسه بلجن يمر طارش يردلنه خبر
هالمكموعه شمفينه

- ان شاءلله ماكو شي حبيبه

طلعت ماما العلاليك وضلت تقيس
علينه الملابس

لهنااااك ودخلت خاله نهى وايدها
ملفوفه كله من الطول للطول

ركضن امي وبيبي
وغربال حجه :-

- عدت سلامات يمه لاتخافين

- يمه شني شمالها ايدج شصارلج
طكج المسودن هاااا?

- عوفيني يمه مابيه حيل

راحت وتمددت وامي نزعتها
الحجاب والعباه

رفعت راسي واشوف غربال صافن
عليه بس التفتتله ابعد نضره عني

- سراوي كومي جيبي مي الخالتج
يلا ماماتي

- حاضر ماما

كمت للمطبخ دااجيب مي اريد الوح
الكلاص ماكدرت
جان فجأة انشال
واسمع صوت غربال

- انا اشيلج بعد خالج

- هههههه عفيه نزلني

- اخذي الكلاص خالوو