عشك الملا غربال

بارت ٧

#عشك الملا غربال

_______

كلشي كدامي تلعثم بنظراته!
صوتي,
كلبي,
ومستحاي
حتى حركة رموشي تلعثمت
, احاجي كلبي واعصر بإيدي :- مو
وكتك لتفضحني اهده  .. اهده

التفت واتقدم ناحيتي دنكت
وسحبت جنطتي تقدمت بأتجاهه
ببأتسامه خفيفه

- شني بعد خالج منين تعرفين اسمي
هههه?

- سمعته من اصدقائك

رفع راسه وضحك بصوت مسموع
سكت , غمض وسحب نفس كال
وهو مبتسم وعيونه مضيقها :-

- امريني ست

- شكو بس هيج صحت بأسمك
معندي شي

- اول مره احب اسمي

- عفواً?

التفت ومشه صاح بونه :- الطير
الجان حر صار بقفص احضانك
والسمو غريب اليوم لاكاله وطن
بويااااي بوياااي خااااالي

ضحكت  ... صوته شكد حلو ومريح
للاعصاب ضحكت

بقيت اتابع خطواته , لحد مافصلنا
طريق بي فرعين هو راح بجهه
واني بجهه

داامشي ورجعت التفتت  .. التف
وياي ورجع بحركه سريعه كمل
طريقه واني كذلك!

" نظرة بيها هواي حجي يروي
الكلب .. "

خابرت اسراء ورحت وراها على المكان
الحددته

كمت اهفي على وجهي گب من التوتر

عدلت خطواتي وبقيت امشي
بخطوات ثابته,

عقلي وكلبي حجو :- ليش بس
كدامك مُلاتي " شنو سحرك وليش
هيج صوتك اخذني ولعثمني!??

سحبت نفس وهزيت راسي برفض
الافكار الي احتلت عقلي وكلبي

رجعت النغزه بكلبي واني امشي

للحظه اخترق صوتة مسامعي وهو
يصير بأسمي :- اسرار لحظه! بس
شوي

التفتت واني اقبض جف ايدي :-
ثبتي رحمه الموتاج فضحتي روحج

اتقدم بطوله الحلو, شخصيته ,
وصوته الي من يحجي يسوي نغزه
بكلبي تخلي خدودي تحمر وتخجل
منه بس هو

تقدم لفحني عطره مااعتقد هو
غربال نفسه بين ماوصل بقيت
اتمعن بمشيته, طوله وكلشي بي

ميشبه غربال
ولا يشبه اي شي منه
يمكن جنت طفله ومدااذكر
بس شبيه اليوم غربال متربع براسي
ياربي شديصير !!

اقترب مني عدلت نفسي وحولت
ملامح وجهي الى ملامح جديه

حجه بصوت بي بحه وهو يسحب
النفس :-

- اريد احجي وياج اذا ممكن

- اتفضل

- استريحي