عشك الملا غربال

البارت ٣

#عشك الملا غربال

______

توترت اكثر واستحيت من
نفسي  ، مشيت سريع شفت رجال
كبير بالعمر يسقي الزرع ورجال ثاني
يقلم الاشجار رحتلهم وعلامات
القلق احتلت ملامح وجهي,

- السلام عليكم عمو

- وعليكم السلام بويه

- عمو فدوه استاذ احمد موجود؟
وهنا غرفته

- اي بويه هناك على ايدج اليمنى

- مشكور عمو

مشيت وصدك لكيتها دخلت وشفت
الكاتبه تستنسخ اوراق ووحده
ثانيه تخليهم بالفايل يطلع عمرها
بالاربعين  .. مرتبات ووجههم يضحك
فتت سلمت وحجيت وياها ،
جاوبتني وهي تخلي القلم على الميز
ووكفت  ..

- امشي حبيبتي اخذج

- مشكوره حبيبتي حيل مستعجله

- تعالي

رحت وراها عدلت ملابسي وكمت
اهفي على وجهي منا الفشلة
الزينه ومنا توتر المكان واخاف من
الخجل اجفص بالحجي

وصلتني اشرت :- هاي الغرفه
عافتني وراحت
دكيت الباب وصاح :- تفضل
دخلت  .. هو ابتسم  :- بنت
الدكتور احمد مو
- نعم استاذ
- نورتينا بابا تفضلي استريحي
- احم  .. لا استاذ مشكور بس اريد
اكمل النقوصات الي عندي بلغوني
انو الفايل بي خطأ مااعرف شنو
- اي بنتي مواليدج كاتبي 1995
- لا دكتور مواليدي 1993
- ماشي  .. لقبج
- الـ ****
- جيد  .. اسرار احمد حامد الـ ****
مواليد 1/1/1993  ... معدلج
بالتسعين !! وعالي شعجب؟
رفع راسه

- تحقيق الهدف والحلم الي تحبه
وتشوف مكانك بي افضل من
اللجوء للدراسه بقسم او اختصاص
غير حلمك وهدفك من الطفوله

- ممتاز  .. صح لسانج

- تسلم دكتور خلصت كل
الاجراءات؟

- بلي بنتي بس بقه تجيبين 3 صور
وتخلص

- ماشي دكتور

اندك الباب  ...

- اتفضل

التفتت على الباب لا اراديا  .. دخل الملا
وصعدت الحراره بجسمي صارت
عيني ب عينه دنكت ورجعت رفعت
راسي التفتت على الدكتور اجه صوت
الدكتور وهو يلقي التحيه :- حيالله
الملا

- الله محي اصلك دكتور

-  استريح

- لا دكتور مستعجل بس هاي الفايل

- بعدك مصر تنتقل

بسرعه رفعت راسي خطف نظراته
سريعه الي بمجرد رفعت راسي اله
دار وجهه فرك عيونه ومسح العرك
الي بكصته وكال :- لا  .. لا دكتور
الحجيه ما قبلت ههههه امر القوي على
الضعيف