#عشك الملا غربال
_______
فتت للبيت ذبيت القميص ميت
تعب طلعت اغسل بالمغسله شفت
الجهال ملتمين وكاعدين يلعبون
" شدة ياورد"
اباوع الهم واضحك وياهم, هنيالهم
عاشوا طفولتهم هناك وفاتت نهى
وبيدها علاليك مااعرف شسالفتها
من يوم الي انولدت وهذ الهذا اليوم
هي مزروعه بالبيت
زوجها يشتغل بحار وكل 3 اشهر او
4 اشهر يالله يرجع
وتبقى ببيت جده
ومن تجي البيت يدخل انذار وانا
شلون احبها اموت عليها
بحيث محد يحبها بكدي
وصوتها ولسانها مثل الماي ينزل على
كلبي
وجان انركع بالنعال على هالجذبه :-
اخ هذا ياكلب شمر القندره خل
ادحسها بحلكه
- هاي سراووي
- كذابه والله مو اني انتي ليش
تكذبين الله يذبج بالنار
صاحت نهى خلفه من شباك المطبخ
- فوتو جوه الدنيا غُوربت وغربالو
سد الباب بالسركي بعد محد يجي
واذا انت ناوي تطلع ياريت تفكنه
من هسه
صحت :- ماطالع وباقي ببيت
الخلفوني
- دفوت فوت وسد الباب وراك
ركضو الجهال وانا بقيت اعاين
حلاوة واكفه وتباوعلي وايديها
بحلكها يبوووي
- تعاي ولج ليش شمرتي النعال
- مو اني
- ام اني شو بله تعاي
رحتلها واجت وهي مدنكه خدودها
مدندلات ووحمر , خزرتها
- شوفي اذا وكحتي اعلكج بالنخله
واخلي الجلب مال بيت ام صفاء
ياكل رجليج وبعد ماتكدرين تمشين
الزنود جنهن زنود الست موتّني
وهي مدنفشه والشعر منثور وانا من
صغري احب الجهال
- لا اني مو وكيحه والله
- جيبي ايدج شو بله
- اني مااوكح والله حباب اريد اروح
يم ماما
غندبت لزمت ايدها وعضيتها طفله
تخبل تباوع بعيوني وعيونها دمعن
وجان تطكها صرخه لعنت سلفه
سلفاي بيها
- يمعوده سكتي .. هسه انطيج فلس
ماكو على فد صرخه :- اصرخ وياج?
زين هاج عضيني
مديت ايدي لو انطيتها ضوه اخضر
لزمي ايدي وعضيها بكل قوتج
وجانن سنونها واكعات وطالعات بس
الانياب وعلي حسيت نمر وعض
ايدي
بويه صحت صيحه
اجن عماتي وهي ركضت وانا يكرم
الله انحصرت ومثانتي فولت من
الالم
أنت تقرأ
عشك الملا غربال
General Fictionقصة للكاتبة المبدعة وردة الشيخ محمد اعيد نشرها في حسابي بسبب ان البعض قامو بوضع احداث لا وجود لها بعد ان تم حذفها من قبل الكاتبة.
