تَزوجتها ياسعود اجباريَ

9

بسم الله الرحمن الرحيم

في الاستراحه حق العيال كان كلهم جالس واحد من العيال شاف الخبر حق سعود و نسي أن اخو جود موجود وقال: يا عيال
الكل لف له
الولد: سعود تزوج بنت ثانيه غير بنت فهد شوفوا مكتوب الف مبروك الزواج سعود بن صقر على ميلاف بن حمد
اخو جود سمع وقام وقال: وشو؟؟
الولد شاف اخو جود وخايف منه وقال: سعود تزوج يا ناصر؟
ناصر راح اخذ الجوال منه وهو يشوف الخبر وقر كل شي وهو معصب منهم ورم الجوال وراح على بيتهم

نروح عند سعود
الي دخل ديره مو عارف ردة فعل أهله اول ما يعرفون أنه تزوج وكان طول الطريق يفكر في جود وش راح يصير لها اول ما تعرف
ميلاف زي الجثه لا حركه ولا غيرها طول الوقت تفكر وش راح يصير في أهلها اول ما يعرفون انها تزوجت
وكل واحد منهم يفكر وسعد يسوق السياره
وصلوا البيت وقفت السيارات تحت بيت الجد صالح والكل برا منتظرين سعود والباقين
الجد صالح شاف السيارات وصلت وقال: هاا سعود وصل هو ومن معه يالله تعالو نرحب فيهم
راح الجد صالح هو و عياله عشان يرحبون في زوجت سعود
خرج سعود من السياره و راح لجه الثانيه عشان يخرج ميلاف فتح الباب وخلى ميلاف تخرج معه و راحوا عند الجد صالح سعود باس يد جده و ميلاف نفس شي
الجد صالح وهو يناظر في ميلاف وقال: حياك الله يابنتي الحين انتي صرتي من عائلت الصالح بن حمد منوره فينا تصدقين من زمان كنت ابي سعود اتزوج وشكله تزوج و آخرين لا هذا شي حياك الله في بيتنا وعائلتنا تفضلوا بالدخول
دخلوا كلهم مع الجد صالح لين وصلوا الحوش الحريم كانوا موجودين في الحوش وشافو الجد صالح ومعه سعود و زوجته
ام سعود فرحت اول ما شافت ولدها
الجد صالح: اسمعوا يا بنات
البنات: نعم ياجد
الجد صالح: روحو بسرعه جاهزو غرفت سعود عشان يعيش فيه هو و زوجته تمام
البنات: تأمر يا جد
راحن البنات يجهزون الغرفه
و ام سعود راحت عند ميلاف وهي تحط يدها على رأسها وقالت: ماشاء الله تبارك الله الحمدلله ولدي تزوج بنت بذا زين كله
الجد صالح عرف وش قصد مرت ولده وقال: يالله أخذ زوجت ولدك و ادخل انتي وياها داخل و تعرفوا على بعضكم البعض
ام سعود وهي مبتسمة: حاضر يا عم
ام سعود اخذت ميلاف وهي تدخل بها داخل عند عمتها و الرجال دخلوا المجلس
دخلت ميلاف مع ام سعود عند الجده ساره
الجده ساره شافت ميلاف و ابتسم لها وقالت: تعالي تعالي يقلبي اجلسي عندي
ميلاف جلست عند الجده ساره
الجده ساره وهي تمسح على شعر ميلاف وقالت: سبحان الله وش ذا زين ماشاء الله عليك انتي مناسبه لا سعود زين يوم سعود اختارك ولا اختار ذاك البومه احسن والله انا متاكده انكم راح تناسبو بعضكم البعض و أن سعود ما راح يلقي احسن منك يقلبي انتي الا شسمك؟؟
ميلاف وهي تنطق: م.ميلاف
الجده ساره وهي تبتسم: يزين حتا اسمك شكل اهلك عرفوا اختاروا اسمك الك زين الا ممكن اسالك سؤال ثاني؟؟
ميلاف وهي تهز راسها
مرت العم سلطان وهي تهمس لا ام سعود: شكلي عمتي ما راح تفك البنت من اسالتها
ام سعود: اهم شي انها عجبتها

تجنبوا الخطأ