تَزوجتها ياسعود اجباريَ

71

«ما اسمح القراءه مندون لايك»
بسم الله الرحمن الرحيم

رجع سعود ونام جب بنته وبعده الكل نام

ثاني يوم جديد

صحوا على صوت طفل يبكي بالحوش والكل عنده
صحي سعود وهو انزعج من الصوت وقال:افففف وش ذي صوت؟
ميلاف وهي تخرج من الحمام وقالت: قوم يلا غير ملابسك صارت ساعه 9:00 الصبح يلا قوم
سعود قام وقال وهو يتثوب: طيب طيب وين اميرتي؟
ميلاف خلته يلف على بنته
سعود لف عليها وقال وهو يلعب عندها: يقلبي عنونو يعمري أنتِ
ميلاف ابتسمت تشوف سعود يلعب مع بنتها وهي جالسه تنشف شعرها
بعده قام سعود وهو ياخذ له ملابس و يروح عند ميلاف وهو يبوس خدها بسرعه ودخل الحمام
بعدها خلصوا ونزلوا تحت للحوش شافوا الكل متجمع خالد ولد رحمه يبكي مو راضي يسكت
راحت ميلاف عند رحمه واخذت خالد وقالت لها: اهدي خلاص انا بهديه
وقاعده تهدي خالد
وبنتها نائمه
سعود راح عند سعد والعنود عند جدتها وقال له: صلحت كل شيء خربته وبعد يومين بروح بالعنود وامها عشان يشوفون
سعد ابتسم وقال: زين ما سويت وانا ابي اسوي شي لرحمه بس ما ادري وش!
سعود لف عليه وقال: وش اللي يخطر في بالك تبي تسوي لها!!
سعد وهو يفكر: مدري الصراحه بس هي تقول تبي تروح الرياض بس مع هذا الشيء ما تبين تروح تخلي اهلها وانا ابي اروح بها الرياض وقتلها بس قالت وخلاص كنسل الموضوع ولا راح نروح ولا هي ودها تروح لانها اول مره تروح
سعود قاعد يفكر وقال:ايش رايك انا وانت ورحمه وميلاف وبزرانا نروح كنا رياض وبعدين وراء اهلنا بيطيرون ما راح يمنعون احنا اهلنا اذا رحنا وانا بكلم ابوي بالموضوع وجدي وانت عليك تكلم اهل رحمه بس وخلي الباقي علي
سعد ابتسم وقال: والله انك الخوي اللي ينشد فيه ما عليك خلاص خل الامور اهل رحمه عندي
سعود ابتسم وقال:طيب خلني اروح ناكل شيء مره جوعان
سعد وهو بيموت من الجوع:وانا بعد والله ولدي ما خلاني ياكل شيء حتى المويه ما خلاني اشربها
ضحك سعود وسعد وراحوا للمطبخ عشان ياكلون شيء
هدي ولد رحمه ونام وحطيته ميلاف بجنب العنود وقالت ميلاف وهي تبتسم:يابعد عمري لبقين لبعض
رحمه جات عندها وقالت:اي والله لابقين لبعض بس ما ندري كيف اذا كبروا وش راح يصير بينهم
ميلاف ناظرت في اختها وقالت:مندون تشاؤم بيكون احسن
ضحكت رحمه قالت:تمام تمام عادي عادي ان شاء الله يحبون بعض
ميلاف ابتسمت وقالت:راح يحبون بعض وبتشوفين بعد
رحمه:اوكي
خلوهم عند العجزان راحوا عند سعود وسعد دخلن وهم يشوفونهم ياكلون
قالت ميلاف:يابعد قلبي جوعانين
سعود وسعد لفوا على ميلاف ورحمه قال سعود: اي والله يا قلبي ميتين جوع
جيت رحمه وجلست عند سعد تاكل
وجيت ميلاف جلست عند سعود تاكل
وقال سعود: بنروح الرياض بكره اكونوا جاهزين اوكي