الصمت سيد المكان من غير شهقات رجوى لي كتسمع ما بين الفترة و الفترة
رجوى لي كانت فحالة خايبة كاع الاحداث كيدوزو فراسها بلقطة بلقطة و هي لي غير كتزيد تبكي
تفكرات مشات عند البنت لي في الاستقبال كتجري
رجوى : (بعينين مدمعين) عفاك اختي نقدر ندير مكالمة
البنت : اه اختي خودي
هي لي كدوز النمرة و يديها كيترعدو
يزيد لي كان كيضحك مع علي حتى سمع التليفون كيصوني عقد حجبانو حيت نمرة جديدة ممسجلاش عندو
يزيد : الو
رجوى : الو هئ هئ خويا ععفاك اججي دابا راني ففسبيطار للي قريب للببحر وواش عرفتيه اخخويا
يزيد : هاني جاي دابا
يزيد لي جمع الوقفة و ناض غادي للطونوبيل علي لي جمع الوقفة مخلوع مشا تبعو
يزيد :(علامات الخوف على وجهو) واش نتي بخير
رجوى : اه ععفاك اجيي دغياا ققبل ما يجيو ليا ععفااااك
يزيد لي كسيرا الطونوبيل
رجوى لي حطات تليفون و دارت لقات الممرضة جاية عندها
رجوى : ختي كي بقات البنت لي لداخل
الممرضة : مزال منقدر نقول والو دابا
الممرضة لي مشات كتسرع فخطواتها و خلات رجوى عينيها شويا و يتفركعو بكترة البكا ما قادراش تستوعب بلي بنت لداخل غتقدر تموت بسبابها و كون معتقاتهاش كانت غتكون دابا فبلاصتها و لا بلاصة ما كفس
رجوى لي بقات غادة جاية رغم الصداع لي كاين مكتسمع والو كتسمع غي صوت ليان فودنها و كتبكي
و هي فوسط أفكارها لي مبغاوش يساليو سمعات صوتو الرجولي لي تسلل ليها بين عظامها
يزيد : رجوى
رجوى هزات فيه عويناتها الحمرين بالبكا و مشات كتجري تخشات فحضنو و بقات كتبكي هو لي بادلها العناق و من داخلو حس بالراحة حيت مواقع ليها والو و دابا هي فحضنو يعني مكاينش لي على وجه الأرض غيقدر يقرب ليها و هو حداها
يزيد لي كلسها فالكرسي و كلس حداها و علي كلس حدا يزيد
يزيد شدها من كتافها و قرب وجهو حدا وجهها
يزيد : غتقوليليا بالحرف شنو طرا
رجوى : يياك ااننا خرجت ممن المدرسسة هئ هئ و ققلت لعمي حسين بباش يديني......
رجوى لي عاودات ليزيد كولشي و هو غير ما مكيزيد يتصدم بحاجة مورا حاجة
يزيد : قوليليا واش عارفة سميت لبنت لي عتقاتك
رجوى : سميتها لليان
علي لي غير سمع سمية تقبض عليه قلبو و قال مع راسو ينوض يعيط ليان يسول عليها
علي لي بقا كيعيط والو مكتجاوبوش و عيط لمار و مليكة و كولشي تا واحد مادوات معاه هو تخلع
و مبغاش لخوف يسيطر عليه غير حيت تشابهات سمية و لكن من داخل قلبو حاس بشي حاجة ماشي هي هاديك و عارف مكاينش لي كيقدر يدير بحال هاد المواقف غير ليان حيت مني ولات كدير تيكواندو و هي اي واحد بان ليها فخطر كتمشي تعاونو على حساب حياتها و معندهاش مشكل
عاود دوز لخط لمار
علي : لمار قوليليا سميت القهوة لي قلتي ليا ليان خدمات فيها
لمار لي قالت ليه السمية و قالت ليه عاوتاني بلي ديك القهوة جنب لبحر
هو لي معا قطع الاتصال مشا كيجري عند رجوى
علي : رجوى واش القهوة لي كنتي فيها حدا البحر
رجوى : اه
رجوى لي بقات كتوصف ليه القهوة و هو غي مصدوم و عينيه مغرغرين
و يزيد لي عقد حجبانو مستغرب علاش علي كيسول هاد الأسئلة كاملين
علي : ختي واش البنت لي عتقاتك عينيها زرقين
رجوى : اه
علي لي كلس على الكرسي و شد فراسو
يزيد لي حط يدو على كتف علي
يزيد : مالك اعشيري
علي : ليان ر بحال اختي ركتجيني من العائلة
يزيد لي جمع الوقفة مصدوم
يزيد : هاد القو*اد هادا ما تشديتش ليه انا شدك نتا غير تسنا لما خشيت ليه ديك القرطاسة فك*رو رمنتسماش
يزيد لي غير كيغوت حتى خرج الطبيب من غرفة العمليات و كولهوم تجمعو عليه
علي : شنو كاين ادكتور
الطبيب : ماعندي دابا ما نقوليك اولدي من غير رخاص المريضة دم عندها O
علي : انا معنديش O
يزيد : انا غنتبرع ليها
الطبيب : واخا اجي معايا
يزيد لي مفكرش زوج مرات باش يعتق حياة هاد البنت لي عتقات ليه حياة ختو و زائد هادشي كامل هي مهمة عند عشيرو
علي لي كالس على اعصابو و رجوى كتبكي بصمت قطع شرودهم صوت تليفون
علي لي جبد تليفون من جيبو و طالع الاسم (حبيبتي)
وقف و جاوبها
لمار : الو علي واش كولشي مزيان شوشتيني انا و الحاجة
علي : لمار غتقولي الحاجة بلي ليان بخير و هي دابا رمعايا و نتي غنسيفط ليك دابا الموقع و تجي عندي
علي لي قطع الخط فوجهها من دون أي كلمة
لمار لي ستغربات و عقدات حجبانها
لمار : اويلي مال هادا
مليكة : شنو واقع ابنيتي
لمار : والو الحاجة دابا رليان معا علي و قاليا باش نجي عندهم
مليكة : الحمد الله ابنيتي سيري طريق السلامة
لمار لي وضعات قبلة على اليد ديال مليكة و قابلاتها بابتسامة خفيفة و خرجات
هزات تليفونها باش تشوف الموقع لقاتو ديال مستشفى
هي لي عينيها دمعو و الخوف ركبها و يديها ولاو كيترعدو عرفات شي حاجة ماشي هي هاديك
مشات شدات الطاكسي و مشات طايرة للسبيطار
يتبع....... ❤️❤️
أنت تقرأ
أنا و أنت بين خيوط العشق
Romantizmسلام الزوينات هادي اول رواية غنحطها نتمنى تعجبكم و كذلك الدعم والتشجيع منكم وشكرا💥💥💥💥💥💥💥💥💥💥💥💥💥💥💥💥 هو : العشق هو لحن يعزف بلطف بين أوتار الروح، يحملنا في رحلة لا تنتهي إلى أعماق العشق و الهوس هي : عيناك تحكي لي قصة العالم بأكمله و في...
