දුරුතු සඳ🌙

22 කොටස

-" අයියා.......! "

ආර්‍යන් කිව්වේ කාලෙකට පස්සේ ගෙදර ආපු නාද්ව දැකලා... දරුවාවත් අතේ තියාගෙනම නාද් ලඟට දිව්ව ආර්‍යන් දරුවව පෙන්නුවේ බොහොම සතුටෙන්..

-" ඉලන්දාරියා.... මාව ලොකු තාත්තෙක් කලා එහෙනම්..! "

නාද් කිව්වේ කිව්වේ පුංචි ආර්‍යන් දිහා බලාගෙන.. ආර්‍යන් නම් හිනා උනේ ආඩම්බරෙන්..

-" දැන් ඉතින් ඔය ඉංජිනේරු පුතාත් මාව බාප්පෙක් කරන්න කාලේ හරි... දැන්වත් ඔය උලව්ව කියහන් බන් අයියේ..."

-" මාත් හිතුවා.. මං ආවේ උත්තරාට ඒ ගැන කියන්නත් එක්කමයි.."

-" ආං ඒ සමයම බෙහෙත් ශාලාවේ.."

ආර්‍යන් කියද්දි නාද් හිනා වුනේ කාලෙකින් උත්තරා දකින්න තිබ්බ ආසාව හිතේ උඩටම එද්දි..

-" ආරධ්‍යා...! අපේ මිනිහා දැන්වත් ඉන්නවද කියනදේ අහගෙන? "

-" තාමත් ඒ කුකුල් කේන්තිකාරයාමයි අයියේ.. මෙයා අවනත අයියට විතරනේ.. "

ආරධ්‍යා කිව්වේ ආර්‍යන් දිහා ඔරවලා බලන ගමන්.

එදිනම....

-" ආර්‍යන්...! "

-" ම්ම්ම්? "

-" මට අක්කා මතක් වෙනවා... කොහේ ඉන්නවද මොනා කරනවද දන්නෙ නෑනේ.."

ආරධ්‍යා කිව්වේ ඇඳ විට්ටමට ඔලුව තියන් උන්නු ආර්‍යන්ගේ පපුවට තුරුල් වෙනගමන්..

-" අක්කා? තාමත් ඔය මෝඩ මොලේට තේරෙන්නේ නැද්ද එයා ගැන.."

-" මොනා උනත් ඒ මගේ අක්කානේ ආර්‍යන්.."

-" අනේ උබලෑ සහෝදර ප්‍රේමේ මගෙන් අහගන්නෙපා... මගේ දරුවට ඔය ගෑනිගේ හෙවනැල්ලක්වත් වැටෙන්න ඉඩ තියන් නෑ මං."

ආර්‍යන් දත්මිටි කාගෙන කියද්දි ආරධ්‍යා සුසුමක් හෙලුවේ මන්දිරා ගැන උපන් අනුකම්පාවෙන්..

................................

-" ආර්‍යන්........!! මං ආවා....! "

මන්දිරා ගමට ආවේ අවුරුද්දකට පස්සේ... ගෙවුන කාලය පුරාවට මන්දිරා කලේ මලයාලම් මන්ත්‍ර, ගුප්ත ශාස්ත්‍රය ගැන ඉගෙන ගත්තු එක.. මන්දිරාටත් දැන් යම්තාක් දුරකට ආර්‍යන් එක්ක ගැටෙන්න පුලුවන්..