لـم ننتـه بعـد [ تكـملة ]

زيـف الهـوى ام لعـنة القصـاص _الفصـل 58_

شهقت وقت سحبها أيـمن من ذراعهـا ، خرجهـا من السيارة ، بوجه مقطب وحواجب معقـودة ، كان رجع من نصف الطريق بعدمـا اتصل بيه المحامي وخبروا انـو المحاكمة تأجلت لشـهر آخر ، ففكـر انو يجي يشوفـها يعطيها التيليفون ويتعذر منهـا ، لكن تصدم بوجود نزيـم معاها ، نزيـم الي رجع بالنسبـة ليه حرفيـا عدو ، عـدو ولو بدون قصد منـو ..

السـا : وشبيك أيمـن هبلت ؟؟
أيمـن بغضب : قلتهالك من حوالي نصف ساعة ، حاجتي مايقربش ليـها الحيواان هذا !!
جاوبـو نزيـم الي كان نزل من السيـارة وقرب ليهم : حاجتك !! [ شاف في الـسا] ماعنديش علـم انكم في علاقـة ؟!
قبلمـا تجاوبو السـا ، قاطعها أيمـن بعدما تقـابل معاه مخليها في الخلف : وراه رجع عندك علـم ! من الآن فصاعدا اذا قربت ليـها تكون فتحت باب حرب بيني وبينك..
الـسا : ايـمممن!!
رفعـلها يـدو بدون مايستدير لعندهـا : ماتدخليش !
سحبـاتو من ذراعو حتى تقـابل معاها , وحكات بعصبية : ماتدخلللش في حيااتي ! ماكانش حتى شيء بيني وببنك يعطيك الحق تتصرف بالطريقة هذي.!
أيمـن : بالنسبة ليـا كاين ! وحتى انتي عارفة انو كـاين ، محتاجة وقت فقط .
الـسا : ايـمممن من فضلك!
حمحم نزيـم كان حاس انو بينهم شيء ولو انو ماعرفش واش هو بالضبط وكيفاش ووقتاش ، وحتى الـسا ، ماهوش قريب منها لدرجة انو يسألها في شي يخص حياتها الشخصية ، لكن في اللحظة هذي ماكانش حـاب يكون موجود وسط خلافهم ، او سبب فيه ..
نزيـم : على كل انـا كلامي مع الـسا كان على الخدمة ، يعني انت عارف انو احنا متشاركين نفس الكابيني..
حط أيمـن يديه في جيـوبو وجاوبو : اووك.. اسبوع وراح تستقيل من الكابيني ومانبقاش نشوف وجهك قدامي او قريب منها ..
الـسا بنرفزة : ايـمممن!!
قاطعهـا نزيـم : اووك اوك.. فهمت..
الـسا : نزيـم الموضوع ماشي كيما انت مفكر..
أيمـن : لا كيما هو يفكر ! هو بالضضبط..
الـسا : انت تجاوزت حدودك !!!
أيمـن : ومازال نزيد نتجاوزها !
رفعت حواجبها فيه : على فكـرة انت واحد مريض ومخـتل !!
أيـمن : امم .. معنتهـا ماغلطتش في العنوان كي جيتك !!
تبسـم نزيـم ، بعدهـا مسح وجهو وقاطع حوارهم : احم.. انـا نعتذر ، راح نمشي ، الـسا فكـ...
قاطعهو أيمـن : آنـسسسة الـسا !!!
نزيـم : هه اوك.. آنـسة الـسا فكري بالي قلتـو ورديلي الخبر...
رجع للخلف باش يركب سيارتو وينصرف ، نطق أيمـن : ايا كـان نوع العمل الي بينك وبينك راح يكون الاخير والا ...
قاطعوا نزيـم : فهمنـا .. اساسا راح نسافر ، يعني تهنى ماراحش نكون عائق بيناتكم !
الـسا مقربـة ناحية نزيـم : نزيـم احنـا مازال ماكملناش كلامنـا !!

قبلمـا تتعداه ، شدها أيمـن من ذراعها وجرها معاه وهي تتذمـر ، فتح البـاب الأمامي الثـاني لسيارتو ، ودفعها ركبت وغلق البـاب ، بعدهـا طلع من جيهتو وديمارا بسرعة ، على نـظرات نزيـم الي كانت في قمـة الاستغراب والتفاجأ ، ضحك بينو وبين نفسـو ، ركب سيارتو توجـه لليخت ، وين كانت الممـرضة الي طلب من رجـالو يحـرقوا نصف وجهـا ، وهو مقرر يجرب فيـها عملية تحسين بتوجيه عن بعد من اسـتاذو الي في ألمـانيا ، قبلمـا يجربها في ريـفال ...